南亞餐廳

8月18日中午到南亞餐廳吃海南鷄飯，要鷄脾，$70一客。

鷄肉幾滑，一碟仔薑蓉，一碟仔酸汁，我都不用的，有D地方標榜正宗，配一碟黑媽媽豉油，這裡沒有豉油，我認為鷄好食就得，無需加呢加路。個湯一般，杯飯就真係加鷄湯或鷄油煑，好好味。

呢份海南鷄飯仲包一杯金牌紅荳冰，果D紅荳一粒粒，D冰係刨冰，好懷舊好好食。很多茶餐廳依家衹係落D紅荳加糖水、冰塊和奶，好難食。

呢度服務良好，味道、價錢合理。