8日

繼續12月大吃大喝，嘗了幾間新店，仲有大把新店要試。12月28晩與朋友到灣仔福臨門隔離2舖位的呢間日本料理，據雜誌介紹其日藉主理人以前也在別處開日本料理店，現與別人合作開新店。

入內不大，吧台只可坐6人，其他都是餐桌。訂位時女店員已主動說：由於剛開店未有酒牌，客人可以自攜酒，不收開瓶費，我便帶枝純米大吟釀。

佢地有散叫刺身、壽司、燒物、煑物、天婦羅、飯、麵，每日廚師推薦食物寫在黑板上，可惜大部份是日文。仲有一個「8日會席」，收$1280。

我地先叫冷食。鮟鱇魚肝ok, 無壽司角咁好食。生蠔好味又大隻。

然後五款刺身，平目魚、蝦、帶子、魶魚和魷魚，全部很新鮮好味，尤其係帶子。

北寄貝和牡丹蝦都唔錯。

之後係叫熱食：䐁角煑，有D似東坡肉的味道，燘得好入味。

牛肉豆腐煱，牛肉有D蘇。

最後我叫冷蕎麥麵，朋友叫稻庭麵，都好食。

旁邊有兩個後生仔叫會席料理，好睇又好食。

總結，結帳每人才平均不到$800, 算合理。食得滿意的一餐，新店而店員沒有出錯，但我地叫刺身五款又叫了牡丹蝦，刺身師傅還是在刺身set裏俾蝦，係好食也應問下客人先卦？也因此我不給予推薦評級，只係列入觀察名單，再食下先。

畧為不足是，去廁所要由後門行出後街，有幾間獨立專用廁所。