再訪壽司角

6月7日晚和朋友到 soho 的壽司角吃晚餐，之前我已來過一次，印象良好。

以前晩餐好似只有 omakase，這次餐牌有四款套餐，也有 a la carte。今次我叫「角」套餐。

先來三式頭盤，擺設幾美觀，其中有一件用煙三文魚包住蝦肉，好似個波咁，幾特別。

之後四款刺身和一碗仔折了的毛蟹肉和腳。質和量都很好，全部好食，每隻碟都靚。

跟住熱食兩款。第一個燒金目鯛，皮好香脆，很正宗的日式烤魚。第二個就超好食，一個日本茄子，畧燒或蒸，切開刮咗肉，另外把茄子肉和蝦、帶子能炒完放番在茄子殼內，個D茄子肉真係好鮮甜。

跟住七件壽司分兩碟上，全部好食。

甜品我叫杏仁豆腐，好滑兼夠濃的杏仁味。

總結，吃得好滿意，比兩星期前去的楽差不多價錢，但整體好得多。我保持對壽司角的推薦評級。