甘牌燒鵝

甘氏第三代離開鏞記後，最初聽說想開番類似的酒家，但沉靜咗頗長時間後，這個月兩兄弟分別開一間小菜館和這間在灣仔的燒臘飯店。

大熱天十二點幾去到，要在門口等五分鐘，一個人較快有位，入座前看到收銀的女士，我記得佢以前也是在鏞記地下，負責外賣臘味。

佢地坐位相當窄，我叫了個燒鵝飯套餐，除了一碟燒鵝飯，可以選一樣小食，我揀了海哲。叫凍飲加三蚊，共$75。

燒鵝真係好得，皮畧脆，肉嫩和有點 juicy。明顯比鏞記和一樂都好。下次加錢食燒鵝脾。