京都 八坂圓堂

本來今次想訂另一家京都著名天婦羅店，就係蘇𢇁黃曾介紹的「点邑」 ，但最近大師姐在信報專欄話該店唔多顧衛生，所以轉軚訂老店「八坂圓堂」，4月27日吃午餐。

佢地可能有多間廳房，招呼散客。一張 L 型的吧台，坐十六人，除我之外，其他都是日本人。兩個師傅用一鑊油同時 serve 十幾個客。

可能係呢個原因D嘢有時連氣嚟兩三樣，有時隔幾分鐘才來一件。

先來好濃豆味的豆腐，好味。

第一道是一件炸多士和一件炸粟米。佢地將粟米面連粒界成長條狀去炸，粟米好甜。

三隻蝦，粉醬偏多，好香入面軟，頗好。

紫蘇葉包魚，葉味不太強，好。

南瓜一般。

大菇釀咗D類似蝦膠，超級好味。

筍爽而無味，點解依家D筍無筍味、定係我味覺差咗？

炸多春魚仔，唔腥。

一條似菜蕊的菜，菜有菜味。

差不多食完食先嚟沙律，一些類似炸粉絲、伴芽菜、少少汁再加芝麻，好味喎！

鰻魚，幾好。

食完咁多樣，張紙都無一滴油！

總結：好吃，偏貴，尤其飲料。