火木手記: 10/01/2008

2008年10月29日星期三

鏞記

今午回港，今晚往鏞記食碟燒鵝飯加膶腸，唔講唔知鏞記晚市都有碟頭飯食。昨晚去新宿的一栄壽司，順道去小田急百貨的超市買一抽紅葡萄帶今日回港，今晚回家吃，沒有星期日買的白葡萄咁甜。

2008年10月28日星期二

2008年10月27日星期一

大摩

早幾日有間中資股「中國高速傳動」，因為與大摩簽咗股票掉期合約輸到嘔電，攪到耍停牌。呢D蝦毛真係唔知個死字點寫，咁斗膽同大摩對賭？

大摩早幾日話滙豐日標價每股75元，話咁快今曰就跌到75，真衰。

今明兩日又在東京開會和培訓。今次是今年第三次到日本，今年真是我的日本年。昨日星期日一大早起來，乘9点的飛機，但delay到9点45分才起飛，到東京降落己經2点半，辨好入境手贖攞完行李己經3点，到品川的Narita Express開3.45pm, 到得我酒店 check-in都己經 5.15pm ! 攪足一日，只係可以有時間去食晚餐。
昨晚去東京駅大丸12樓的永坂更科食天婦羅拉麵定食，果兩隻炸蝦很一般又淋了豉油，我不喜歡，soba則尚好。食完速速回酒店準備教材。
今日全日做training，講足一日。我們日本的公司，早排內部審刻，有一科被auditor將軍，我這個兼職教車師傅要去幫佢地補鐘，還好今晚主人家請吃懷石料理。

2008年10月24日星期五

林燕妮最愛看的

偶然番看前幾日明報副刋的林燕妮專欄，寫「最愛看的」，幾得意，討論下。

關於最愛看的名單排名，丈夫或愛人的禮物才排到21！見飛機排17有D怪。

關於最愛看的名單有跟老人家搶位坐的人，我常看到的是，不論男女老幼、有無需要，都以唔蝕底神態去搶位坐！

陳綺貞－讓我想一想

近日重聽一輯很舊、由一位中大臨床心理學家李家穎主持的有誰共嗚，她選了很多首很好聽的歌，由一首Nora Jones的歌開始。她每日因為要聆聽很多病人的傾訴、不開心的事，所以下班前都要聽歌舒緩一下。其中包括這一首陳綺貞的讓我想一想，以前聽覺好聽，這次便上youtube search 到呢首歌，並找到其他陳綺貞的歌。

李家穎並解釋臨床心理學家向工作，她的工作間很舒適、備有很多tissue，讓client宣洩，正如這隻歌，client 一星期來一次，停一停，想一想，治療創傷。

我很喜歡 “….可不可以勇敢的停下來？我要多一點空間，讓我好好的想一想。”

Youtube還有一首陳綺貞的"一起去巴黎"也很好聽，梗係啦有乜好過一起去巴黎喎，可惜隻MV得分幾鐘咋。一開始一段口風琴代晉法國佬很正的手風琴，正。

生果金

特首今日唔等我鬧，就收番話生果金要資產審查呢個鬼主意。我近排忙到嘔泡，唔得閒鬧住，你收番我都要鬧！過

生果金議題，跟本對政府係少數目，每人一千定八百，差果二百，有十萬人攞，每個月才差二千萬，一年才差一億二千萬。我打工廿多年，見盡大小公司為了省小小錢攪到人躍馬番天怒人愿，過程實質虛耗了不少生產力，攪攪吓大家又一切照舊，等下輪運動又攪過。

早幾信報訪問(可能係佢叫記者來放料)剛上任立法會議員 (工業界) 、唐氏家臣林大輝，佢斗膽指出政府如預先依家知道廿年後經濟唔掂養唔到咁多長者，點解依家唔係着手改善經濟？若唐唐做下屆特首，林君應該司、局長中穩佔一席。

政府的功能，要利用資源，照顧全民，胡温話執政為民。

2008年10月20日星期一

何秀萍-- 那個下午我在舊居燒信

昨晚聽商業一台「發現新大陸」黄永講現代填詞人，先知道依家電台何莉莉以前也有填詞，佢用真名何秀萍填第一首詞為達明一派的「那個下午我在舊居燒信」，這首歌和詞不算超級好，也不錯。

2008年10月18日星期六

海上看日落

遊船河

今日朋友book咗公司船，遊船河兼食海鮮，下午先到蒲台島，登岸行上山，無乜特別，得塊叫棺材石的石頭，但上到小山頂幾好風景。回到船上剛可看日落，可惜密雲，D相唔係幾靚。
然後到南丫島食海鮮，朋友收到住在南丫島的同事話榕樹灣比索古灣好食，介紹到榕樹南江海鮮酒家，我覺得索古灣天虹好食好多，呢間南江也不比天虹便宜，不過豉油鷄和椒鹽鮮魷就幾好，D螺就只有一個五亳子咁大

2008年10月13日星期一

商台節目

最近商台又改節目編排，由朝到晚都是黄永、潘小濤、阮子健、馮志豐，有誰共嗚越整越夜，晚間新聞專輯從十点掉到半夜十二点，我不滿意。

梅艷芳抱緊眼前人

今日「有誰共嗚」由葉澍堃主持，受助機構是小母牛。

有呢隻冧歌 :

2008年10月12日星期日

喜記炒蟹

今日的起心肝去買過部 camera，早排己睇啱 Panasonic LUMIX FX38。
今晚去食喜記炒蟹，以便試吓部机。喜記由依家到10月尾每叫一隻炒蟹，便可以加一蚊從八款菜 (包括炒蜆、椒鹽鮮魷、等)揀一款，我叫了一只炒蟹加一碟炒蜆。

保爾森憂緊條褲

前幾日信報有張相幾妙，英国財相Alastair Darling 扣好件外衣鈕，美国財政部長Henry Paulson 保爾森憂緊條褲。
我估保爾森應該係今年的風雲人物。

2008年10月11日星期六

食在東京 - Brasserie Paul Bocuse

Paul Bocuse 應該係咁多法国多星名廚中，沒有在香港開店的一位。所以我也慕名到他於東京駅大丸百貨GranToyko North Tower 12樓的 Brasserie Paul Bocuse 試吓。Paul Bocuse 還有幾間分店分佈東京市內。

我在香港時己用e-mail book 定星期日的lunch。門口己有他的poster，並有當日的lunch menu掛出來，圖文並茂。
其set lunch 三道菜2680円連稅、即係HKD200 (不包啡茶)，starter 和 main course 都有三、四款可選擇。Starter 我要了 beef terrine 要加300円。麵包拿來是凍的 baguette，此點不如香港的L’Atelier de Joel Robuchon。我問要牛油，女侍指一指 menu，原來牛油要收500円!! 我叫了一carafe(50cc) house pinot noir 1260円，以味道計算價錢好合理
啊 beef terrine 來了，看見了未吃己經開心(附上用手机拍的相)，牛肉、菜和紅蘿蔔排得好靚，可以猜想做terrine之時一擔心机來排、牛肉要先切成一條條而橫切面是要正方，不但好好看仲好好好食。
主菜我點了鴨腿連湯上，鴨腿己經很入味。湯中有幾舊薯仔，薯仔煑得剛剛好，可以用义吉入但不會碎、不會散開！
甜品只二種可選，女侍話格仔餅好食，另一個choice係blueberry加雪糕，我便叫格仔餅，配一小杯 chocolate sauce一小杯cream一小杯plum sauce，幾得意幾好食。
咁高質嘅三道菜set lunch 才收HKD200 (我叫beef terrine加大約HKD25)，日本制度好可愛無加一唔收貼士，真係底到爛，全世界都揾唔番，一路食一路想住做呢幾道菜的心機和功夫，所以有相逢恨晚之感。
這層12/F，都是食店，和食為主，其中有間「永坂更科」，是天婦羅手、打麵定食，看來不錯，好多日人排隊食。

2008年10月10日星期五

梅艷芳 - 親密愛人

十月十日是梅艷芳生日，我點播呢隻較冷門的冧歌

2008年10月9日星期四

一年光景

寫了一年Blog，恆生指數較一年前跌了44%，有點彷如隔世(二三線股股價就彷如拆細)。一年前剛剛炒行港股直通車，四叔話恆指見三萬、三萬三….，大家在股市醉生夢死。其實年初Bear Stearn出事、一度傳Lehman Brothers都唔掂，大家仍不警覺。九月初雷曼接埋，朋友問我金融風暴完未？我話歐洲银行無理由無事，好嘅唔靈醜嘅靈。
如果D買咗雷曼迷你債券的苦主，是被誤導才買，我都好同情。但請想一想，如你真係買咗雷曼自己出的真債券，呢D債券依家真係一文不值啦，咁银行肯出6折同你買番D迷債，係咪覺得執到？
把古古怪怪的金融產品包裝的發行商飽食遠揚，留番银行應付中招的散户。銷售這些產品的中介人例如银行，也應賺咗不少commission。最慘係銀行前線人員，做咗人肉跑數機，依家又愧對苦主，一浦段哂客路。

2008年10月8日星期三

吃在東京 – 近滕天婦羅

今年初米芝蓮指南出咗日本指南，有香港雜誌選載介紹了十間攞到星的食店，我就被這間一星天婦羅店吸引，六月在東京時訂唔到位，今次出發前請會說日文的同事先替我打電話訂好了午餐的位。

一入門口才了解點解咁難訂位：大約500呎的廳放一張U型bar枱，總共只能坐15人，近滕師傅自已對住兩鑊油炸嘢，兩個青年師傅洗切和把炸好的食物夾給客人。午餐有兩種價錢的套餐，我叫了較平的一種，其他客人也是點套餐。入便好似有D個室，但不能吃到近滕師傅親手炸的食物喎。

第一道是炸蝦頭，然後蝦(師傅先在蝦身用刀戒幾吓，炸起隻蝦身是直的)、鮮露筍(好粗好爽)、青椒、兩款魚、成粒小蔥，我見吃另一種套餐的客人還有大冬姑、最後有蝦餅。有客人加炸南瓜，我因為要趕往機場吃完便鬆。

總體印象：名不虛傳，好吃以外召呼也很好，服務員也能講小小英文。我很滿意，呢餐連稅，盛恵6300円。

此店座落銀座旺區的一條橫街的大厦裡，我因為早到所以在附近逛吓，發現這銀座5區5番街很多睇嚟幾正(當然好貴)的食店，以後揾機會試吓。