倫敦遊後記一堆

有一晚到China town吃晚飯，順便睇下當地被強國人盤據的近況。好多唐人街老店都執咗，周圍都係賣大陸菜、強國菜（大陸人造俾大陸人食的便是大陸菜，門面高級D叫強國菜）。旺記依然在。

市中心很多大小名店，都貼福字或馬到功成poster ，強國人以鈔票展現軟實力有功效啦，拉喼大隊觸目皆是。
倫敦地鐵在2月5-6日罷工二天，加上落雨，多得佢唔小。

在倫敦閱報，話Heston Blumental 在文華東方的餐廳，又發生客人食物中毒，要休業2-3星期清潔。

我感受最深，係在英國班馬線過馬路，無論係私家車或營業車司機、不管交通擠塞或輰通，司機都一定在班馬線前停車讓路人過馬路。返到香港，九成司機在班馬線見有人過馬路都唔會停車！

Le Port Parfume

2月15日與朋友到 Le Port Parfume 吃晚餐。早排我嚟過吃午餐，印象不錯，尤其係由個特別碳爐烤焗的食物。
我地先叫佢地的碳爐烤本地赤米蝦，蝦細隻幾新鮮，份量不少。但我覺得落太濃的香料蒜容牛油等，新鮮海鮮無需加太多調味。

跟著加了一客鮮露筍蝸牛，露筍好味，尤其頭果段烤得香口。

然後係烤龍蝦仔，D肉幾嫩，算ok 。

然後係煙茶鴿，上桌時成隻鴿用過蓋蓋住，侍應在客人面前打開，讓你聞下D煙味，然後才攞番入廚房斬件。鴿肉幾嫩幾好味，但好頗多血水流到碟底，感覺唔係咁好。

甜品選擇不多，朋友叫咗個香蕉 tart ，話好酸。我叫的 caramel 糕就幾好食。

總結 ，D嘢算ok ，價錢除了龍蝦外都不貴，而且唔收開瓶費。

炎丸

12月14日與同事去呢間新開不久的居酒屋吃午餐，該店位於 Time Square 10樓。

內部裝修枱椅比較多空間，中間是一個燒魚的裝置好似個山仔咁，魚穿入一枝枝竹，再插在裝置上燒，我沒有仔看，段估唔會商場室內可以以碳火燒。有個日本人店長落手落腳捧餐，不段大聲喊口號，典型日本食店。

午市套餐選擇不多，有幾種燒魚定食、魚生定食、壽司定食、烤肉定食。同事叫魚生定食，質量不錯，連加一$140。

我叫燒牛肉定食，牛肉都幾好食，個燉蛋又滑又好味。連加一$120。

總結： ok 好食，銅鑼灣午餐多個選擇。

Casa Brindisa

2月2日晚到呢間西班牙 tapas 餐廳吃晚餐。佢地有很多種西班牙 shelly 酒、紅酒、白酒。

先叫一份24月的火腿，店員介紹catalan 的特色多士Pan De Coca，用嚟餸火腿，火腿𣎴錯，多士真係幾特別，底烘得有少少似香脆麪包皮，上面加大量橄欖油和小小蕃茄碎，好好食。

我叫了一杯 shelly，真係幾好飲，介乎砵酒與葡萄酒之間，沒有砵酒的苦味。
跟著叫燒八爪魚腳，D鬚幾粗，可惜唔爽口兼無乜味，下面一大舊薯容。

佢地仲有很多款 tapas，未有機會試。

今次倫敦遊也沒有機會去試另一加 tapas 店 Dehesa，希望以後有機會。

Petrus, London

呢間倫敦的 Petrus 同香港 Petrus 無關，倫敦的 Petrus是 Gordon Ramsey 開的法國餐廳，獲米芝連一星。我早一個月訂定2月6日去吃午餐。

其位置從 Harvey Nichols 行約15分鐘，唔係靠住先印定的 Google Map 都好難找，附近看來有兩、三間其他高級餐廳。
我叫五道菜的 tasting menu ，先來的 Amuse Bouse，係一 pat 芝士，上面幾條醃過的瓜菜，芝士應該係羊奶芝士，幾騷，唔啱我。

第一 Starter 係鵝肝，好夠味，也是表面有D甜汁，配上果汁啫哩，味道傳統，外觀摩登。

第二 Starter 係煎帶子兩隻，好大隻好夠味，但不及香港常能吃到的北海道帶子，伴的醬汁超級好味但難以形容是什麼，帶子下面仲有一小條醃過的 anchovy 小魚，再有D椰菜花容，好得。美中不足帶子有一面煎得過籠。

主菜可以選燒乳豬或鴨胸鴨肶，我揀燒乳豬，其實係燒豬腩，皮脆肉嫩，但外觀畧差，山長水遠來吃鬼佬燒腩仔。

第一甜品可以 sorbet 和芝士，二揀一，我叫sorbet ，好好果汁味，唔酸，下面係某種莓，和兩片檸檬味的薄餅，一個好幼的圈插在 sorbet  內，好睇又好食。

第二甜品係chcolate sphere ，一個空心的薄朱古力球，上桌時侍應淋上熱朱古力漿，咁個球慢慢溶，見入面仲有 vanilla 雪糕，和一D caramel 糖。個朱古力漿好夠朱古力味而唔太甜，超級好睇好食。

總結，從訂位，入口招呼，到食完埋單，全部完美。跟 Chez Bruce 比較，我覺得 Petrus 雖然畧貴，但食味和外觀 Petrus 都整體高一班。

王羽佳

在倫敦看報紙，有一篇yuja Wang 的專訪，原來幾猛料喎。在youtube 看她的表演片段，真係好犀利。

呢段柴可夫斯基第一鋼琴協奏曲，有D鏡頭從上面拍落嚟，才知道如何高難度。



另一隻黃蜂小曲更加睇到我目瞪口呆。

Mahler - Symphony No.5 - conducted by Claudio Abbado - Lucerne Festival Orchestra 2004

HIX Oyster & Chophouse, London

星期日中午到 Farringdon 的HIX吃午餐，佢地主要供應老式英國菜，星期日就有 Sunday Roast ，主要是燒牛肉。

我叫三道菜的午餐，加四隻生蠔，D蠔樣子不佳，很瘦無乜肉，好重金屬味。

頭盤有三小碟：煙三魚攪成醬，好重煙熏味，但偏咸。煎洋蔥，好似有D鵝油或鴨油味，但經理話無用鵝油、鴨油。牛肉面珠，似風乾牛肉，配薏米。三樣都好食。

主菜我叫燒牛肉，配以yorkshire pudding、燒薯仔、炒的 sprout、焗耶菜花等，個yorkshire pudding 無我以前食的咁好，其他都ok。

我見有其他兩枱客叫隻燒鷄，隻鷄倒轉插入一個柱體，兩隻鷄腳朝天撐直，似乎係佢地招牌菜。

結論普普通通，可以接受。英國有很好食材，但煑法變化不多。

Fish Market, London

2月4日到呢間在 Liverpool Street  車站附近的餐廳吃午餐，顧名思義，呢度專食海鮮，每日有不同冰鮮魚。

我見佢地有全隻蟹才賣£14.5，所以叫一隻做頭盤，都幾大隻，D肉好鮮甜尤其兩隻鉗的肉，有D淡黃色膏亦好夠膏味。另外一份螺，都ok。佢地的螺、小蝦等都是以 1/4 pint 的郎口盅裝住上桌，幾得意。

主菜我叫煎龍脷，不是最正個種，佢地另有寫明 Dover Sole ，就要三十幾鎊一條。我的煎龍脷都ok。

總結：嘢幾好食，招呼也很好。

Chez Bruce

2月3日晚到 Wandsworth Common 的 Chez Bruce 吃晩餐，此店係米芝連二星法國餐廳，幾年前劉健威也介紹過。 ZAGAT London 給其總體評分比 Fat Duck 還高。該小鎮要由 Victoria 坐火車約十五分鐘，到Wandsworth Common站下車步行約五分鐘便到，比想像中方便。
餐廳擺設畧摩登，裝修整潔、光猛。

他們只供應三道菜的晚餐，每道有六、七樣嘢揀。
頭盤我叫一個 tart ，tart本身就夠熱和香口，上面有D像肉醬的東西，再上面有煎的鴨肝和鴨心，我都係第一次食鴨心，幾ok，仲有兩粒旅小的蛋，好似鵪𪂹蛋，溫泉蛋造法，不過無乜味，另有兩小粒洋蔥仔，最上面係白色像筍的小條，撈咗D帶芥末的汁，好好食。英國佬做批做達都有一手。

主菜因為唔想叫魚和鷄胸，牛肉又只有兩位份量，所以叫燒鴿，上桌熱辣辣，好香，皮脆但入面D肉仲係有D紅有DD血水，但肉好林好滑。配菜有一舊煎鵝肝，好油但好夠味，上面有D甜汁好味。

甜品都係大路嘢，我叫 creme brulee，算ok。

總結：可能期望很高，所以雖然係好食，仍不覺得特別好。

St. John, London

2月1日星期六，到我去過很多次的St. John吃晚餐。

呢次見幾個廿幾卅的強國人遊客，以前沒有在此店見強國人，日本人則每次都有二、三枱，今次卻沒有日本人客。

頭盤我叫一客白豆煑墨魚，唔夠熱，伴碟果 pat 白色嘢係英國芥辣做的，少少酸，能幫助開胃。

主菜，我都係叫吃過很多次的煎龍脷，今次煎得畧為太熟，也很多骨。

甜品中有Blood Orange Jelly，我專登叫嚟睇下係乜，原來是一舊紅色果汁啫哩，伴以一片紅和一片橙色浸過糖水的橙肉，一舊白色 mousse。算ok。

Brunch @ Hélène Darroze, London

年初二早上到達倫敦作幾日假期。
早排偶然見呢間米芝連餐廳在星期六、日有 Brunch 。所以訂定位第一次在倫敦吃 brunch, 我早幾年在巴黎總店（米芝連2星）吃過，印象極好。
倫敦店在高級酒店 Connaugh 內，場不是很大 。三道菜的Brunch 收55鎊頭盤和甜品是自助式，主菜四揀一。

各種自助頭盤，用料都算上等，但選擇不多，主要是火腿和肝醬。麪包選擇多和好食。主菜我叫蛋，是兩隻poach eggs，伴乾蕃茄和肉碎做的醬汁，上面各淋D泡，好好食。

甜品以西餅為主，由於頭盤已經吃了很多，所以甜品只要了一件朱古力餅仔。

總結，食物好，招呼一流（可惜有D難聽明的口音，這是倫敦食店、酒店的難處，店員都是東歐人），坐位舒適，同樣價錢在香港未必享受到。

你個頭可以有幾大？