滨燒大將

4月22號睌，與朋友到大坑京街的滨燒大將吃日式燒烤。

該店主打海鮮貝殻類燒烤，佢地有特制的小長方型石油氣爐，可以放在食桌上燒。


我地叫了一個海鮮二人餐：有炸魷魚、蝦兩隻、螺、蜆若干、大帶子一只、串燒若干，餐包炊飯或蜆粥，我地都係要粥。


帶子丶蜆OK，螺肉近尾好苦，串燒啲腸很好（腸仔好過海鮮！），粥也好。女侍拿拿林攞哂啲食物嚟燒，食唔切喎。

我地第一 round 叫咗枝「李白」清酒，有啲啲粉紅色，好好飲。

個餐食唔飽的，想加蠔：賣哂。想到的唔係無就賣哂，只係有鮑魚！
想食手羽先，女侍話：我地唔賣肉嘅！.....失敬失敬，真係唔知「訂」。
卒之加咗炸鷄軟骨、燒飯團、鮟鱇魚肝，都OK。

燒魂族 – 無煙燒肉放題

見U Magazine 有張coupon ，嚟呢間新開舖食晚餐燒肉放題，原價$238/位，有Coupon 就$188/位。

坐下便硬性上三碟：一碟牛肉、牛舌，一碟豬肉、一碟蝦、帶子、魚、魷魚。食完先可再追加及其他食物。

D牛肉麻麻，蝦帶子就幾好味，追加的手羽(鷄翼)也無乜味。個爐係幾條發熱光管，話無煙但見場內另一邊好大煙。

總結：只合食肉獸，我就唔會再幫趁。

海景園林燒烤場

2月6日，一班同事連家人一行16人，往西貢斬竹灣的海景園林燒烤場 BBQ，大家對去年在白石的BBQ食物很不滿意，一於要試吓別的BBQ場，openrice上的comments對呢間海景園林都不錯，所以book咗呢度，果然比其他大路BBQ場好幾倍。

該處係斬竹灣海邊，風景好，可惜果日天陰，個埸不大，估計最多可容50人左右。係場主私人物業，仲有個小泳池。

燒烤係埸主訂制，像架餐車，下面燒炭，上面係燒烤架。食物係2種套餐：一般燒烤餐 $108/人，海鮮餐168/人，每人都要一個餐，不能10個人訂8個餐。我們要燒烤餐和海鮮餐各8個。

食物真係很豐富兼好食：煙肉包小蕃茄、香腸、各種丸、鷄全亦 (藍乳汁)、鷄中亦 (小辣)、鷄軟骨、青加哩鷄肉串、腐皮卷、牛扒。海鮮餐仲有老虎蝦、帶子、鹽焗烏頭等。

地址：西貢斬竹灣18E。電話：81066210。