Amber @ Landmark Mandarin Oriential

4月27日到 Amber 吃晚餐，為朋友慶祝生日。



我們都叫佢地5道菜的 Landmark Menu。

Amuse bouse 數款都係外表平平內裡好味。

needlefish ‘sayori’

marinated in tomato water with extra virgin olive oil ’caviar’

mediterranean vegetable ‘tartine’ 

Tomato water 畧呈啫哩狀、在碟的下層，配菓子肉砌成八筒咁樣。

smoked dutch eel

with ham hock, spring vegetables served as a salad tossed in
vintage sherry vinegar & savora mustard emulsion
鰻魚造的肉球，入口似肴肉。

呢個 Paella 最特別：係以 pasta 料做到一粒粒飯樣，與多種海鮮粒炒成，啲汁也好味。

相片中上面一舊是鷄肉、無乜味但好林。鷄肉上面放舊蝦肉好爽而也是無乜味。中間是鮮露筍，當造、簡單而好味。下面一條：上層放一種菇，下面是荀造的餅。

單尾係 cheese board ,我地只係要幾種牛奶芝士試下，軟的較好味但都好咸。

呢啲新派法國菜，每道菜都十種八種食材，分別用幾種煑法煑成，好多心機。

滨燒大將

4月22號睌，與朋友到大坑京街的滨燒大將吃日式燒烤。

該店主打海鮮貝殻類燒烤，佢地有特制的小長方型石油氣爐，可以放在食桌上燒。


我地叫了一個海鮮二人餐：有炸魷魚、蝦兩隻、螺、蜆若干、大帶子一只、串燒若干，餐包炊飯或蜆粥，我地都係要粥。


帶子丶蜆OK，螺肉近尾好苦，串燒啲腸很好（腸仔好過海鮮！），粥也好。女侍拿拿林攞哂啲食物嚟燒，食唔切喎。

我地第一 round 叫咗枝「李白」清酒，有啲啲粉紅色，好好飲。

個餐食唔飽的，想加蠔：賣哂。想到的唔係無就賣哂，只係有鮑魚！
想食手羽先，女侍話：我地唔賣肉嘅！.....失敬失敬，真係唔知「訂」。
卒之加咗炸鷄軟骨、燒飯團、鮟鱇魚肝，都OK。

京都之旅加影

同遊京都的朋友的部分靚相 (相機是Canon P95)。

我回來之後馬上去買過部相機，上星期在北京福樓的相就是以新買的 Nikon Coolpix P310 影嘅，仍在練習使用呢部新相機。

一樂燒鵝

今午到中環士丹利街的一樂燒鵝試下佢地啲燒鵝。


我叫一碟叉燒燒鵝飯、加一杯熱檸茶，$47。

燒鵝算好，其實啲叉燒仲好，好林而香口。

座位極狹窄，比一般荼餐廳窄好多，食得唔舒服。

北京花家怡園 -四合院店

4月17日中午，與兩工作上認識的同行，到簋街的這家飯店吃午飯。


店開在一間四合院內，是現代版的京菜。


我們叫了前菜烤番薯，豆腐乾、熱菜半隻烤鴨、鴨肉卷、炒津白、燒筍（好味）、每款菜都有個名堂，唔記得。


這店據說幾出名，很多外國遊客幫趁。


地址： 東直門內大街235號


Tel : 86-10-51283315

燒筍

炒津白

烤鴨

鴨肉卷

烤番薯

豆腐乾

Flo Brasserie Beijing

今天（4月16日）到北京，晚上到霄云路18號的 Flo 福樓吃法國餐，這間福記是法國著名 brasserie chain,。這店在一間園林別墅旁，是一間獨立建築，店內裝修也頗有法國 brasserie 格調。


他們菜單內有各式 a la carte， 也有數款套餐，我叫了5道菜的 set , 幾道頭盤都是以鵝肝為主，湯是很濃郁的磨菇湯，主菜是牛柳，甜品是朱古力雪糕和 mousse。全部普普通通，個餐收 RMB488加一，可能在北京的高級餐廳不算貴，服務也只算ok 。

東京神樂坂牛丸

4月7日，此次日本遊最後一天，晚上到神樂坂的牛燒店牛丸吃晚餐。
我叫了個8道的 set ，先來一碟好爽的白色絲，外貌似蘿蔔絲但爽好多。

另一份漬物二款作小食。


燒物串有：牛舌、牛後腿肉、菇、庵春蛋、牛肉丸、牛大腿肉。之後係 tenderloin。燒牛大腿肉、tenderloin 扒肉都好林、入口即溶，正。


最後係牛舌煑的湯，餸飯。湯幾辣，內有豆腐，似韓國湯。

餐算ok, 可能在京都吃得太好，最後兩天在東京的食物都覺得不過爾爾。