三文治

 我住得背，在未有港人食物中毒前，都未聽過洪瑞珍三文治，不過在台灣也見過餐廳裡賣類似的薄三文治，一點也不吸引。

看來港人把洪瑞珍當 cheap 版的 Pete a Mange ，出名的都是在兩層麵包中加甜酸醬！我最不喜歡Pete a Mange 的三文治，初來港時還好，但近幾年走火入魔，食到成手漿糊。三文治必須是現叫現做、即場食，迫不得已才吃預先 pack 的凍冰冰三文治來充飢。

都唔明D人食三文治定食醬，食豬腸粉加各種醬，醬多過豬腸粉，為什麼不直接食醬？我吃北京填鴨、港式片皮鴨，都是直接食肉和帶皮的肉。

人各有治，我最愛吃的三文治係港式茶餐廳的餐蛋治、蛋牛治炕底，蛋必須是即叫即煎，蛋黃混在蛋白中七、八成熟！當公司開成日會，主理人安排叫 Pete a Mange 外賣給大家做午餐，我會大聲講：我要蛋牛治炕底！

比強國更強

 

 大家最近很可能聽過，星加坡法庭認為拍短片嘲笑李光耀的少年有自閉症，要送進精神病院！
今時今日做這種陰損的事，習總和普京大概也不敢，新加坡真是比強國更強。

 

希臘人真幸福

希臘人比香港人幸福，可以命運自決，國家頻臨破產，仍有機會說不。

無論如何，香港是欠缺像齊普拉斯這樣的政治領袖。當然亞爺呢個債主當然不讓香港人可以選一個 say no 的領袖，也不可以通過公投來決定命運。

希臘點樣走出困境？也許只有用「一國兩制」（是自欺欺人的），接受援助的自成一制，繼續使用歐羅，進行積極的緊縮減債，不接受的另成一制，使用新幣，從零開始，繼續 hea 、大使、福利主義。

2013記

我這幾天一直在想，今年有乜可以記下？卒之.....

銅鑼灣已經倫陷，其實係香港商人殘害佢。

發現印度神油的原產地，原來係新界東北。又發現：老婆個仔係佢"家人"，呢個係諗爆腦的羅緝問題。

最火羅 係CY哂佢和佢路姆西張相。人不要臉，天下無敵。

今年最討厭人物：馬雲。講到天花龍鳯，卒之也是強國農民一個。

香港社會，越來越令人不安，想不出有那一樣讓人感到明天會更好。走狗越來越多，越來越兇。

爽報副刊之公關

昨日的爽報原來係初終版，其實爽報真係差，副刊也越來越走下坡，免費報紙絕對係以副刊為賣點，AM730依然不錯。

昨天看爽報副刊，偶然見靚女熊黛林的文，果篇叫「金牌公關」的專欄，前幾段也沒什麼，最後幾句嚇死。翻譯出來便是：姐姐，你因姦成孕，已成事實，何不樂觀面對？

唉，公關。

買單、埋單

漸漸多了香港媒體学大陸，將「埋單」寫成「買單」。
埋單和結帪都是同義，close the account 的意思。
買單是什麼？七十年代尾大陸開放，D港人番鄉下探親，帶著大包小包，中旅社諗出「香港買單、國內提貨」，起初是電視機、雪櫃、洗衣機，後來連電單車都有，大賺一筆。所謂買單，是買提貨單的意思。
若果大陸人知道買單的典故，仲敢唔敢亂咁叫買單？

香港競爭力

香港競爭力下跌，建制派和財閥歸究近年有多人爭拗和內耗
，呢D唔知係乜羅輯！
競爭力下跌，原因係曾蔭權政府無所作為，庸庸碌碌，求到自由行就以之為政績，其他都係講咗就算，種下種種社會問題，變成今天事事爭拗之局。
香港之病，有以下數端：
高等教育量化寬鬆，但香港只有金融、零售業，有無咁多白領工作給年青人？咁多大學畢業生、副學士，叫佢地去莎莎賣化裝品、翠華做伙記？呢D有每年多少大學畢業生，只是當政者往自己臉上貼金、對外吹噓的工具，白燒的銀紙，由納稅人埋單。

一方面向上流的機會確越來越少，很多剛就業不久的年青人，所謂有上進心的，去讀埋（話係買也不為過）一堆文憑、離岸鷄記碩士、 MBA 等，但對所從事的工作不上心，普遍好似沒有帶腦返工。

產業多元化才可長期解決香港的深層次茅盾。

新年最重要節目

近年農曆新年期間，最令人有所期待的，並不是年初一的花車巡遊、初二的煙花，是年初二的車公靈籤，之前完全無法預測車公今年俾乜嘢開示。

鄉議局主席劉皇發今早在車公誕為本港求籤，求得95號下籤。

第95號籤文：「駟馬高車出遠途，今朝赤腳返回廬，莫非不第人還井，亦似經營乏本歸。」解曰：宜慎小人．凡事不利。

係咪話梁振英一無所獲赤腳返歸？本都蝕埋？

謝謝你發表愚見

【經濟日報專訊】首屆文憑試（DSE）及末代高考考生答題表現曝光，部分人常識貧乏，如指發明電飯煲前要鑽木取火煮飯、替蘇軾「改名」為「蘇車式」、又感謝別人「發表愚見」；亦有學生邏輯混亂，以男多女少現象引伸男人較易死。


學生的語文水平也鬧出笑話；少數考生硬用套語，寫信時稱，謝謝你發表愚見、藉覆函向你指教；更有學生自鑄新詞，如貴同學、蠢見、低見等，或乾脆寫口語。

DBC 電台之死

早幾日AM730 呢篇「嘉伯仙奴」，講了我想講的

 

萬惡之源

無論是曾陰權、唐英年、梁振英、許仕仁、郭氏兄弟、牵涉隔離埠區文龍的大劉、羅傑承，以至麥齊光、曾景文出事，都與地產發展、買樓、僭建有關，樓確係香港地萬惡根源，新馬仔枝名曲，萬惡淫為首，依家改為"萬惡樓為首"。

香港維穩辦

呢個統計處處長，講堅尼系數，閃閃縮縮，像林公公一樣遊花園。唉，統計處變成維穩辦。以後唔使裝模作樣去作數，直情話堅尼系數係零咪得囉。

不平凡的人

如果想捐款幫助李旺陽的妹妹李旺玲，可以存入職工盟在恒生銀行的戶口：295-164578-003。
 

申請做文化局局長（2）

昨日唔記寫埋文化方面有乜建樹，今日補埋文化資歷一項。


學歷： Simon Hing University，遙距課程，「調理農務系」文憑。


Core Competence : 嫖、賭、飲、吹。


抱負： 做二五仔、姑爺仔


社團：我唔係社團中人（等於你地梁生不是共產黨，大家心照）


會藉：花花公子俱樂部資深會員


品格證人：上海仔、蝦餃仔


文化資歷：從世界各地狩羅四仔片，定期組織欣賞會，與同好人士觀摩、交流。


未來政策重點：委任尹光做交化專員，任佢創作。抗𧗾西方 Lady Gaga 式文化侵略。

申請做文化局局長

唔底得果個內定文化局長，話自己經常去睇話劇，暗示自己係有文化、可以做文化局局長。咁我有外幣戶口、股票戶口，即係可以做金管局局長！




慨然梁集團話公開招聘，我就寫份 C.V. apply 做文化局局長：


學歷： Simon Hing University，遙距課程，「調理農務系」文憑。


Core Competence : 嫖、賭、飲、吹。


抱負： 做二五仔、姑爺仔


社團：我唔係社團中人（等於你地梁生不是共產黨，大家心照）


會藉：花花公子俱樂部資深會員


品格證人：上海仔、蝦餃仔


未來政策重點：委任尹光做交化專員，任佢創作。

梁振英當選

梁振英當選，乜嘢真正香港人會開心？我說「真正香港人」，因為近廿年太多種票果種「種人」，這些人沒有香港人的價值觀。






傳統左派、或稱土共：佢地在黑暗裏苦守多年，盼星星盼月亮，卒之亞爺揀了個自己人，翻身了，佢地開心，我無意見。






商界： 亞爺吹鷄、齊齊櫃低。真係恐怖。你地真的高興？祝陷家富貴。






中產、無產：俾財圑、地產商魚肉多年，盼望CY 可以打擊財圑、地產商，無乜可能喎，你無聽過佢五年後要做第一個全民直選的特首？唔想財主們去北京嘈嘈閉，佢唔敢亂來的。






CY 五年後可以直選成特首？一定得，因為泛民一盤散沙。唉！

論梁唐最終回

昨晚唐英年在辯論會中，以自殺式攻擊，爆梁以前在23條和商台續牌中的極權言論。但他的民望也沒有得分。

這幾天返覆想下我究竟想邊個做特首。結論係邊個做，未來五年都係瓜多過菜，只可以揀點死法，唐做特首可以時時有啲笑料，然後突然死亡。梁做特首，我地好可能被強勢管治直到七孔流血而死。一個背後係官商地產大聯盟、一個背後係共產黨，兩邊的咀臉都難頂。呢幾日報紙傳中央已揀定梁振英，我先至知驚。可能這是我一生中唯一一次與李加乘站在同一邊，揀唐英年，我真係好怕家長式管治。

點解

又出差幾天，香港政客又出醜聞，而且係特首。佢自稱做了四十年公職，未試過依家咁對經濟咁擔心，哦，咁就盡快攞 jet-so？遲啲話唔埋D富豪嘅私人遊艇、私人飛機都無哂？ 曾蔭權今朝到商台節目解畫，但我仍有下列問題： 你話去日本坐私人飛機，要與同行朋友各攤分費用，無問題。咁最近坐人家私人飛機到布吉島，就按商務位俾番每位5千幾蚊俾人。咁就多問題： 1. 香港到布吉來回坐商務位只是5千幾蚊？我願意出齊頭六千，唔該幫我買張吖。 2. 你去布吉渡假，係咪自己主動計劃？如自己主動計劃、有私人飛機的朋友如何得知？你是否主動跟有私人飛機的朋友講準備去布吉渡假？如果係咁，你心裡想博乜？如果是人家偶然主動提出，你儍㗎？咁都敢制？ 至於去澳門在人家的私人遊艇睡兩晩、並乘該艇回香港，你話以前都試過係咁。我就要問： 3. 你真係認為只係俾番單程船費就合規，無疑問？ 4. 你一個月搵幾錢人工呀？自己去住間好D嘅酒店、俾5、6千蚊真係俾唔起？ 你的問責團隊中政務司司長在任時撹僭建，你可以粒聲唔出去坐私人遊艇、私人飛機去渡假？

五評唐、梁

出差幾天，唐英年又自掘墳墓，攪出「地下唐宮」，早幾日先話乜嘢膊頭腰骨，依家點見人。其實佢都慘，十幾年來任人擺布，到入集前才俾人爆小鑊，自己加料變大鑊，身不由己又不能即核習前退出。佢若然仍得背後商界力撐，以後便要埋好大張單。
其對頭人也太會計算，在報名期前後才散出黑材料，唐營背後「官商勾結地產黨」也難以馬上啟動「弟補機制」，被殺個醋手不及。
依家傳統左派先指派曾玉成場邊熱身，如與地產黨傾得掂便可入習並勝出。
經呢一場鬧劇，亞爺以後都係俾一人被欽點入習算。
「何為邪鬼何為神，神鬼如何兩不分，但管信邪修正外，何愁天地不知聞」。好似仲有好多變化。

四評梁、唐

呢幾日梁振英日日捱打，政府 D 政務官黨幫埋唐英年，梁振英變咗被害苦主。

唐英年今日回應佢屋企有冇僭建地牢收藏紅酒 時話：男人要有膊頭、從政者要有腰骨。好！咁你唐英年係維港巨星滙事件，叫人修改meeting minutes，等自己置身事外，係唔係已經自宮？