愛情是講感覺還是講條件

黄毅力在上期 U Magazine 的文章 ：「相信一切是有可能的」、「相信一切是上天最好的安排」。
我唔係幾鍾意佢其他寫勉人上進的文章，但在 U Magazine 寫男女感情就好啱聽。

耀東號

早輪少年食神和葛民輝在電台推介呢間豬扒專店，今午專登去試吓。佢地寫係下午１点先開門，我1点去到在門口等到1点20分佢地先開門開檔，大部份枱櫈是放在鋪外行人路上。我叫了洋葱豬扒飯，因為我唔想淋豉油、唔想要咖哩、唔想要茄汁，點知攞到嚟個獻好似水塘，豬扒真係幾好味，而D白飯也比一般荼餐廳、快餐店的飯好食，也可能係我好肚餓，因為輪到我有得食己經1点45分！
我見到有客叫豬扒粗炒，豬扒炒烏冬、豬扒公仔麵等都似乎唔錯。
咁嘅地點、無冷氣，每碟飯收$34，算係咁，我叫咗1 can cream soda $7，而從柴灣地鉄站坐的士來回共$36，正午兼告熱警告，點敢行呀，想死咩！

地址 : 柴灣道111號高威廣場87号地舖 (銀行隔離)

Grissini

今日又有食神關照，朋友有張AE白金卡，最近有promotion，至8月尾在 Grissini 有25% discount。佢就請我去食Sunday Buffet Lunch，真係好好好好食，各款食物都很高質素，剩係食starters 都飽，主食有龍蝦、炸軟壳蟹仔、魚 (應係 seabrass)。可以即叫即煑各種 homemade pasta，我食到 encore 。甜品雖然幾多 choices，不過無乜特別好的。 我本來想試吓各種 cheese，但掛住食甜品唔記得食cheese！
雖然全埸滿座，但因為樓底高、而桌與桌之間有適當空間，所以不覺嘈吵。

蟹增盞

星期四晚本來想去 Oyster Station 食蠔，但最後决定改去銅鑼灣蟹增盞，早論U Magazine 有廚師推介過。

此店餐牌以「越式鮮胡椒蟹」排頭位，我叫了一個細的 (HKD250)，用熱煱上，蟹約少於一斤，剛剛熟，肉好鮮嫩，味只算小辣，咸咗D，可能個汁落太多魚露，總體不錯。

間鋪很少桌子，招呼一般，他們也有其他蟹如避風塘炒蟹，和其他菜式，以後再試。

蟹增盞地址 : 謝菲道379-389号，電話 : 22340888

溫總理，為何你們的心如此的狠？

鄭詠恩同學其中一問：
溫總理，我真的十分不解為何你們的心如此的狠？

温總講唔出口的了，我講啦。
共產黨在中國是一黨專政，等於商業社會的Monopoly獨佔市場，個江山係佢地打番嚟，胡温近年空心思，想出「執政為民」口號，就係唔俾人同佢搶客。雖然服務差、店大欺客，仍厚住面皮同D客仔講 “你信我，一切都係為你着想”。這次對付許志永等，等於黑社會一出場就話 “呢個場係我睇嘅，你踩過嚟？.....”。
D維權律師竟然嚟搶客，為公為私，為咗保住個江山，更狠心的事都做咗六十年啦。

Mrs Jones

昨晚約了朋友往中環的 Mrs. Jones 食意大利菜，味道和份量都幾好，我地叫咗個 Antipasti 頭盤二人共享，有芝士、風乾牛肉、Parma Ham、紅椒、marinated mushrooms、烤garlic bread等，D肉普通，我揸主意叫每人一杯南非的 Chenin Blanc 白酒，不太乾幾好。主菜朋友點 Crab Ravioli (看來不好吃、D醬杰pac pac)，我叫Linguini with clams，除garlic外仲有D辣，幾好味，clams 都新鮮，只是D麵乾咗D。
甜品我叫Affogato 係把咖啡味甜酒淋上雪糕球，朋友叫一個叫 Bomb Alaska 的甜品，是內有Vanilla 雪糕、面層是焗過的 cream，底層有層薄薄的餅，幾特別係個經理推荐的。
朋友有張 SuperMondays Card，在中環一帶很多餐廳可以逢星期一，buy 1 get 1 free，但此間 Mrs Jones 就祗是叫 Pasta 和main course 可以用，都好吖，此所以我地才會星期一晚來食。

最想去旅遊的五個地方

想咗一輪，下列是我最想去旅遊而未去的五個地方，有D幾大路 ：

1. 意大利 Cinque terre
照字面意譯係「五條鄉村」，兩年前去意大利本來想去，但天氣轉冷又落雨所以去唔成。五條鄉村之間有很漂亮的海邊山路，可以作兩三日漫遊和行山。其中有一段叫romantic trail 的。



2. 希臘 Meteora
我未去過希臘，除了那些很浪漫的小島外，仲有一個叫 Meteora 的地方。早排睇 Discovery Travel & Living Channel 講希臘美食，影到這個地方，以前有套占士邦在這裹取過景，山頂上的修道院好impressive。






3. 北疆
個喀納斯湖等地方有好靚的天然風景。可惜地緣問題，可能越來越唔去得。


4. 南非 Cape Town
個 Table Mountain 好特別，該市和附近也有很多風景。


5. Monte Carlo
好luxury 的一個地方。 大約十年前，酒店都 Book 好，仲帶埋靚 Suit諗住去 Grand Casino一顯身手，但因為法國全國火車大罷工，我只能 Cancel ，由尼斯坐長途慢車步行過境去意大利。

華姐清湯腩

今午無胃口，去天后的華姐清湯腩，先叫了一碗牛根腩河粉($30)，再加一碗牛爽腩 ($40)。真係好食過隔離大利清湯腩多多聲，不過很擠逼。

布袋澳海鮮島

去完鹽田梓，我們在西貢行咗一陣，買咗支雪凍咗的 Cote du Rhone Rose, 坐的士到布袋澳食海鮮，朋友以前在發記 (蘇絲黃推介果間)食過，但麻麻，朋友的朋友推荐另一間海鮮島海鮮酒家。

我地叫咗：椒鹽賴尿蝦 (造得極好)、薑充炒肉蟹 (有糕但無乜味)、椒鹽鮮魷 (造得極好)、蒸蟶子 (一般)。

總體：招呼一般 (太旺)，食物ok，價格OK，但不比西貢便宜喎。

W's Entrecore

早排收到 SOPEXA的e-mail，知道最近 W’s Entrecote有特別龍蝦套餐，星期六中午與朋友去試吓。

朋友叫Menu A ：starter 係磨菇湯，主菜烚成隻龍蝦，片肉，配菠蘿。我叫Menu B ：starter 係鵝肝 (好味)，主菜碳燒龍蝦半隻(好味但咸咗D)。menu 唔包甜品，我地叫咗個 Napoleon 餅 share。

總結 ：好耐無嚟呢度食牛扒，這次水準和服務仍佳。

鹽田梓

週六下午與朋友往西貢鹽田梓，那是一個荒廢多年的小島村落，村裡有一座過百年的小天主教堂聖若瑟堂，堂內有一小圖像紀念1879年來到香港這小島傳教的一位神父。
現時每月第二星期日會在此教堂開彌撒。

回程在西貢海邊睇艇家賣海鮮。