跌市明燈

每逢個市旺，光大銀行一話來香港上市，個市便大跌。最近報紙又有光大銀行來香港上市的消息。大鑊。

Petite Oyster

昨晚和朋友到西營盤西街的Petite Oyster吃晚餐，這間新開不久的法國菜小館，位置並不容易找。
故名思義，呢度主打生蠔等海鮮。

我地先叫一個海鮮盤，主於海鮮盤只有兩隻蠔，我地再加四隻，三款共六隻法國蠔都肥美鮮味，每隻單叫也是38元一隻，海鮮盤有一隻法國麵包蟹，有膏但不夠味。生蜆是香港比較少食到的法國蜆，好鮮味。其他熟的蝦、青口、螺、帶子等都無乜味。

食完海鮮盤，再叫另外兩款法國蠔，也是好鮮、好味。

之後熱食叫了一份燒牛舌，麻麻，有D蘇。


炆牛面珠肉，水準與上週在 Bistro Du Vin 吃過的差不多。

總結，蠔是好靚，其他平平，招呼一般。他們要收每枝酒200元開瓶費，好貴。

Bistro du Vin

呢間在西環尾的法國小館，開業後一直大人氣，今晚和朋友去試下。
該店裝飾、擺設都十足法國的bistro 小酒館，供應傳統小酒館的食物，菜式不多，酒單則頗豐富，而且不收開瓶費。
頭盤我叫鵝肝做的terrine，厚厚的一塊，肝味極濃而有少少蘇味，好滑添。朋友叫煎鵝肝，看來也不錯。

 主菜我叫燘牛面珠肉，成窩上，入面一舊肉，浸在汁裏，肉燘得極林而不老，又有肉味，反而個汁味道太淡沒有特別。以前食過有D店把牛面珠登煑出一舊橡膠，咬都咬唔到。
朋友叫燒乳豬，我以前也沒有聽過法國有燒乳豬，上桌是一塊腩肉連皮燒，我試咗一小塊，皮好香脆，下面一層薄的嫩肉就軟而無乜味。

燒乳豬

甜品我叫蘋果批加雲呢拿雪糕，蘋果批太乾，不好吃。

總結，

啱食肉獸，和喜歡自攜餐酒的食客。

近期新書

情人的眼淚，小雲雀

今天偶然在電台聽到呢隻國語金曲，上 Youtube 真係找到邵氏電影「小雲雀」中潘秀瓊唱的主提曲「情人的眼淚」，站著看她錄音的，中間是顧媚，右邊是陳厚，我小時候都有睇過佢D電影，左邊果個唔知係乜誰。

好好聽，歌詷和編曲好夾。



搵下揾下，原來大陸 PPS TV 可以在線看和下載電影「小雲雀」，試下能否下載先。


仲見到有段是林黛的不了情，是顧媚幕後代唱，好正。個男主角係乜誰？係一個八、九十年代靚女明星個爸爸。

La Maison

上環的Oyster Station 收咗檔，要在香港島另找地方吃生蠔。早排與一班同事在 La Maison 自辦 wine tasting, 只吃肉而沒有吃佢地的海鮮。11月8日晚和朋友到灣仔 La Masion 吃晚餐，主要想食下佢地的生蠔和海鮮盤。我地帶了一枝 Alsace 的 Reisling白酒 和 Chateau-neuf du Pape 紅酒，都好好飲，易配食物。餐廳侍應好好服務，在冰桶內加鹽，等D冰水保持冰凍，浸住枝白酒就凍得快D，以前未有其他餐廳會咁好心機。

我地先叫二款法國、一款英國生蠔、加紐西蘭的 cherrystone 蜆。蠔都好大隻而夠濃味， 好食。cherrystone 比美國的細很多又無味。
之後係 seafood platter（全部熟的），麵包蟹好多膏但不夠味，一隻長腳蟹腳又幾好，其他的蟶子、螺、蜆、蝦等全部無味的。

之後叫的兩個肉來餸紅酒，黑毛豬扒、牛柳，都好好食，火候好啱。

結論，服務很好，蠔好，海鮮盤唔得，扒好食。

光 日本料理

今日與朋友到呢間享利中心的光日本料理吃午餐，呢間店以前叫煇，專做懷石料理，幾個月前改名，日藉大廚也去了林建岳果間吟彩。

坐下後看光的餐牌，仍是偏重貴價套餐。

我們都是叫魚生飯配天婦羅，魚生好「行貨」，夫婦羅也平平，加一後近$250一位，非常唔抵食。但咁嘅價錢，午餐時間仍有九成滿座！

鮨穴 - 時代廣場新店

最近與同事們去過兩次呢間鮨穴新店，午市供應很多種套餐，大部份$150-$180，以質量計都幾好，尤其是魚生擺設好靚。

但第二次去，果D伙記好多甩 漏。

最近的男女間事

權八

11月2日，與朋友到新開不久的權八吃晚餐，呢間居酒屋在日本很有名，香港店剛開不久便被蘇絲黃在雜誌狂炳，但也有其他人在網誌讚。
入門口便見到一間玻璃房，內有攪麵粉機，和一個工作枱，有師傅現造拉麵。

入內先有一個 open kitchen 式的碳燒部門，旁邊有吧台，再入D是天婦羅的吧枱。座位裝修 ok ，但二人小桌太細，和式 tatami 坐位看來很寬敞。

我地先叫炸蝦丸，好睇好食，入面真係有蝦肉粒。

跟著係佢地名物，雜菜沙律伴大閘蟹膏，比前在日本道樂食蟹讌都有類似的，蟹膏放在碗內，下面有火加熱，用嚟點嘢食。呢個加熱的器皿，熱得很慢，我地當蟹膏䁔暖地，便開始用各蔬菜點蟹膏嚟食，蟹膏無乜典型蟹膏味，更惶論大閘蟹。

之後炸蟹肉餅，入面D蟹肉撈 cream ，像饟蟹蓋，但好膩。

跟住燒吞拿，好肥美，燒鷄肉串也很好食，燒鵝肝燒得唔夠，入口也是太膩。

之後再加雜錦天婦羅，都好食，但海膽是硬的、包紫蘇葉，非常不好吃。

甜品就幾好。

總結，串燒和天婦羅正正經經，可以再試，整色整水的反而不好吃。

58o Grill

出差到上海整星期，10月31日中午有空，到位於浦東文華東方酒店的58^o Grill食午餐。

店子不大，其實是位於酒店旁的 service apartment 地下，裝修佈置不是超級堂皇，招呼確是五星酒店水準。午餐也有好多OL來吃。
午餐是三道菜定價，有些菜式、甜品要加錢。因為下午沒有需要開會見人，所以叫了一杯 provence 的 rose, 頗好味，而且很爽我叫的頭盤和主菜，但好貴人記160一杯。
我叫一做豬肉 pate作頭盤，好正宗法式，好濃味。

主菜是燒法國鷄，上桌已經好香，肉比較老但入味，皮好脆， side dish  的炒菇也好味，正是鷄有鷄味，菇有菇味。

甜品我要千層餅，好味，皮酥而不會一切就碎開，D cream就太豐富。好飽呀。

總結：好好食，也很貴。我也看了他們的晚餐餐牌，主力是烤靚牛扒，不是 amber 果種高級新派法國菜，有機會去食晚餐。