八日

1月24日和朋友再到八日吃晚餐，呢次我地都叫了八日會席，

會席有八道菜式：前菜（蟹肉在菜上，ok)、沙律（醬汁太酸，見到咁紅都知喇）。

刺身好靚，但伙記話牡丹蝦的蝦頭攞去炸，但之後都沒有來。

三款壽司：鰻魚壽司一夾、魚與飯分離。鮑魚和海膽ok。

我地另加一份象拔蚌，好爽好味。

跟著係熱食：䐁肉煑、燒蠔、蘿蔔、天婦羅，都係ok。

總結：其實魚生、海產的質素很好，但可能客人多，大廚造壽司變成機械化。食物、招呼以價錢計都合理。

蟹膳

呢間店2010年尾剛開不久，我便來吃過，一直未有機會再來，1月20日與朋友來吃蟹餐，入門口依然係兩大缸活蟹。

我們都是叫蟹海膽套餐，都算多花款，但事後想下，倒不如在吉利吃半隻北海道雪場蟹咁正。

再訪Serge et Le Phoque

1月18日星期六再到Serge et Le Phoque吃午餐，客人仍然疏落，食物仍然可口美觀。

今次頭盤我叫母鷄蛋（hen egg)，有小小似溫泉蛋，配的汁又係好味，好似有D蔴油，廚師很會加D本地元素、食材在菜式中。

主菜我仍是叫豬腩，今次不同配菜，無上次咁豐富。

甜品今次叫朱古力 cream，即係 mousse咁，ok。

仍然好食，真係要去食下晚餐。

點樣搶收視

無意中在雜誌裏看到呢段嘢。

最近的男女間事

最過癮男人要懂得說謊中，果幾句：「對女人說謊時，千萬別介意被別人聽到取笑你，要學會旁若無人。」

Bonheur

昨晚參加食友們組織的晚餐，地點是上環柏廷坊6樓的 Bonheur ，同一大廈5樓 Fusion 5th 我就去得多，呢間就未去過。該店似乎幾旺場，我地超過十人訂位，要一千蚊訂！該店自攜餐酒和香檳唔收開瓶費，所以大部份客都帶酒。

我地11人總共4枝紅酒，三枝 saki。紅酒有一枝2005 Margaux ，一枝2008和一枝2009 Gevrey-Chambertin ，一枝2005澳洲 Shiraz，全部都好。三枝 saki , 我是門外漢，只是大啖飲。

佢地有四道菜套餐，收四百幾，每道菜都有四、五款選擇。我地先叫了一些炒蜆和焗蠔，兩款調味都好得。

前菜我叫焗蟹肉鮮露筍，幾好味，但因為有芝士所以幾滯。我試一小件朋友的煎帶子，也好鮮味。

之後係沙律或湯，無乜特別。

主菜我叫澳洲和牛西冷，我要七成熟，但上桌全熟，因為厚所以面層已經好乾。我也試了一小件美國黑毛豬柳，幾好味。

甜品我叫心太軟朱古力餅和雪糕，心太軟夠味，畧慊唔夠熱。

總結，食物和服務都 ok，適宜喜歡自攜餐酒食客。

紅館火煱

今晚得閒，到銅鑼灣新開的「紅館」吃火煱，該店駱克道447-449中威2樓，原來係從銅鑼灣廣場往鵝頸橋方向行幾個舖位，平時行過沒有注意到呢座大廈內有食店。

我六點幾去到幾乎沒有人。

我叫的海鮮湯底有蟹、蝦、小量蜆、紅白蘿蔔等，算ok。

雜誌介紹呢間店的主理人能攞到靚牛肉，先叫一碟手切本地牛，細碟約二十片，味道真係唔錯。

蝦滑超正，好爽有蝦味。

菜，唔係幾得。

之後按經理介紹叫咗個「九」菜餃和雲吞各三粒雙併，都好食。

總結，食物唔錯，價格中檔，初步覺得比東來居實際。

Le Port Parfume

2014年有個好吃的開始，今天1月4日到中環九如坊，新開的Le Port Parfume吃午餐，該店是西環 Bistro du Vin 的姊妹店，主打海鮮，廚房有個購自西班牙的Josper 牌碳燒焗爐，可以高温燒焗海鮮及肉類。

佢地每日的菜式都寫在黑板上，各式頭盤、主菜十多款。

頭盤我見有個幾特別的Baby Squids, Chorizo Omelette，就叫嚟試下，上桌時已經得了高分，個菴列是在非常熱的 frying pan 直接做和上桌，菴列入面有唔細的魷魚仔，上面沈了 chorizo 辣腸切成絲，也沈了些 seasoning （好似蕃紅花），熱辣辣，上桌時仍見邊上小量油仍在冒小泡泡，女店員說這就是在 Josper 爐做的，我有興趣一陣可以入去廚房睇！個菴列味道香濃，難得魷魚有魷魚味，而 chorizo 就帶來小小辣味。從沒想過菴列可以這樣做、這樣好吃。

主菜我叫蟶子，又是frying pan 直接上桌，蟶子中型約三、四吋長，成份約近三十隻，放蒜和香草做汁，好夠味，其中有D蟶子肉有少少沙，美中不足，西廚都不喜歡用大量水沖洗貝殼類海產，免流失原味。

食完主菜，女店員問我食唔食 Gillardeau, 「我地D Gillardeau 好大隻㗎喎....，」，不過我早已在黑板見到$85一隻呢！我都叫一隻試下，size就唔係話超大，係好好味，依家「當造」。

我之後有入去廚房，廚師（應該係本地人）好大方地打開個爐俾我睇並畧為解釋操作，幾得。

總結，非常滿意的一餐，作為午餐是貴了一點，但真的幾好食，招呼也不錯。佢地同 Bitro du Vin 一樣，自攜酒不收開瓶費。