甘牌燒鵝

甘氏第三代離開鏞記後，最初聽說想開番類似的酒家，但沉靜咗頗長時間後，這個月兩兄弟分別開一間小菜館和這間在灣仔的燒臘飯店。

大熱天十二點幾去到，要在門口等五分鐘，一個人較快有位，入座前看到收銀的女士，我記得佢以前也是在鏞記地下，負責外賣臘味。

佢地坐位相當窄，我叫了個燒鵝飯套餐，除了一碟燒鵝飯，可以選一樣小食，我揀了海哲。叫凍飲加三蚊，共$75。

燒鵝真係好得，皮畧脆，肉嫩和有點 juicy。明顯比鏞記和一樂都好。下次加錢食燒鵝脾。

嚐館

2個星期前，試了一間在灣仔與銅鑼灣之間，近298商場的飯店，佢地午飯時間供應多款籠仔蒸飯，包括蒸龍等飯，都是幾十蚊包例湯和飲品。
我叫鮮魷蒸肉餅飯，份量頗大，但D米好似無洗，而肉餅 ok。

The Butcher Club Burger

今日到灣仔蘭杜街2號的The butcher club burger，吃漢堡飽做午餐。
佢地開12點，我11點50分去到，門口已經有約十個人排緊隊，開門後漁貫入內，坐位是自由席，霸咗位就到counter落單和比錢。

佢地獨估一味 Beef Burger，我叫了一個（$100）走芝士，一罐可樂（$20），約等十多分鐘因為佢地按落單次序造。
個麵包普普通通，果舊漢堡就果然煎得好香，入面好 juicy，肉質好味唔蘇。

我不用十分鐘就食完，原來後面有人等位，似N年前去茶樓，我準備起身，便有成個 G字荷包拍一聲掉在桌上霸位，另轉身一望，果然係一個黑口黑面的港女向其港男發皮氣，鬼叫你罰咁晏。

總結，舊漢堡肉確靚，而且唔算貴，但不宜周六丶日去。

蘇絲黃評 Epure

咁啱睇到蘇絲黃在飲食男女的專欄評Epure為乙減。

佢食的頭盤同我唔同，但佢同我一樣覺得個酥皮好得，佢地茶杯隻耳真係唔好，我要用手楂住杯身來飮。

Epure

7月5日和朋友到海運大廈新開不久的 Epure吃晚餐。
這是來自巴黎名店 Dalloyau 的fine dinning，餐廳內的裝飾擺設都是很摩登、柔和，氣氛很好。晚餐 menu 有 a la carte 和 tasting menu。我和朋友都叫6 道菜的 tasting menu。
佢地個 wine list 很豐富，也不特別貴。

 Tasting menu 第一道菜是鵝肝，鵝肝不錯，下面是一片酸酸地的啫哩，伴碟的東西也很好味。

第2道菜是蟹肉，伴啫哩和爽的小果粒，上面三片好看好食，像副水墨畫。

第3道菜是龍蝦肉和魚肉，伴很濃的龍蝦汁，最犀利係個酥皮圈，好酥脆但切開不會碎和散，好得。

第4道菜是鴨肉，肉很嫩很夠味，伴碟也好看，一片黃色東西是醃過的梨。

之後係甜品和芝士、 petite four。都係好睇好食。

總結，食物、感觀真係好，服務也良好而且全部侍應都是香港年青人，份外舒服。整體比 TATE好，收費差不多，只是從尖沙咀地鐵站行到海運大廈，夏天真係好甘。

牛記茶室新店

原開於歌賦街街口的牛記茶室，由店主兩公婆主理，以各種小炒家常菜式馳名，我最愛吃佢地的牛腩煲，可惜一年前被迫遷，最近在柴灣重開。

我上周六和一班舊同事去吃晚飯，果然非常滿座，周六晚訂枱要分兩輪，大慨星期日晚也如此。

我們訂了一個冬瓜盅、古法鷄煲，

入座後再加：椒鹽鮮魷、炸豬大腸、

牛腩煲、

枝竹豆卜鮑魚菇、

琵琶豆腐、

豉油皇豬腩仔、

最後羅漢齋炒麵、乾炒牛河。

半均每人才百零蚊，又唔收開瓶費，最重要D餸都好吃。