Galleria Restaurant & Pizza, Milan

5月8日在米蘭停留一晚，以便第二日中午從米蘭飛番香港。旁晚到米蘭，入住酒店後，便到大教堂附近搵食，本來想順便行下名店，但下大雨。該區的食店都是俾遊客食的，當然偏貴。
卒之看到呢間意大利餐廳，看來唔錯，價錢也不太貴，便入去試下。

入座後由一像領班的亞叔招呼，服務相當殷勤有禮，我點菜後還送上四片薄餅作小食。

頭盤我叫生牛肉 cappacio ，D料都好新鮮，尤其D火箭菜，在意大利食咗好多火箭菜，呢度最好。

穩陣計，我只叫一個主菜，蜆意粉，也不錯。

本來不打算吃甜品，但我座位對住佢地個甜品櫃，領班叫我行過去䠔樣介紹，我卒之叫了 蘋果Tart（可惜像隻龜）加雲呢拿雪糕。

食完想找數走人，領班又拿來類似 petite four，其中有小件用錫紙包的朱古力脆皮雪糕，佢又問我飲唔飲 liquor ，我便叫一杯 gappa 。其時單已來了桌上，佢攞支酒來介紹是   Chadonnary 做的，真係比一般用果類做的好飲。我飲完佢都無在帳單中加番呢杯 gappa ，咁我便俾多D貼士。

總結：意外地吃得滿意，所以記錄下來。

Tattoria 4 Leoni, Florence

早兩日行過Ponte Vecchio到河的對面 , 發現橫街一個小廣場旁 ，有間小餐館，有D戶外的枱，看來不錯，我便訂了5月3日星期日來吃午餐。

 頭盤我叫露筍、蛋和黑松露，不錯，但黑松露無味。

 第一主菜蜆意粉，個 sauce 有香草蒜和少少辣椒，好味到無得頂，今次發現辣辣地食物配 Chianti 紅酒係好正。

 第二道主菜叫燒鷄，佢地將雞去骨，醃過去燒，有點over cooked 但肉幾好味。

 服務和上菜都很efficient ，食物都幾好，可以再來。

Fuor d'Aqua, Florence

以前來過，極佳，今次來佛羅倫斯，一早訂定來吃海鮮。客人絶大部分是意大利人，都dress up，女士多數著晚裝。

第一道頭盤是生蝦scampi，好鮮味兼有D膏。

 第二道頭盤，是幾種刺身，右方3舊是3種呑拿切粒的不同配搭。很好味。

 之後是二舊像鰻魚肉，一般，下面像泡沫的東西吃不出是什麼，但很好味。

 跟著是龍蝦意粉，龍蝦剛熟，無乜味，意粉和汁就很好吃。


 

之後是red snapper ，幾好，但我已經好飽。

豪無疑問這是我在歐洲吃過最好的海鲜餐廳， 服務也極佳。

Vini e Vecchi Spori, Florence

 4月30日下午行街，晚上到呢間小餐館吃晚餐，兩年前來佛羅倫斯，此店正裝修休業，今次訂定來試下。

此店大慨可坐20人，意大利客人為主，小量外國遊客。餐牌很少，主菜絕大部份是牛。

頭盤我叫了 artichoke salad，主菜叫膾牛肚，都是一般，不見得有何特色。

今餐沒有預期中好吃。

Lob's Fish, Florence

 5月1日中午到呢間海鮮餐廳吃午餐。

店內裝修好有海的感覺。

 

我叫了六隻生蠔做頭盤，好食有海水味，但18歐羅六隻就貴咗D。

 

 

 

 

之後係蜆意粉，蜆多而好味，意粉是圓身粗的，此種粗意粉似乎較天使麵普偏。

很滿意的午餐。

2015年春遊佛羅倫斯

 

乘到意大利出差之便，放假幾天遊玩，之前又無時間計劃，只好又到佛羅倫斯。

天氣大部分時間好天，也不冷，很適宜戶外遊覽。

 

 

 

 

 

 

 

2015年京都遊總結

今次遊京都，也是以食為主，除了米芝蓮三星吉泉、二星安久，沒有星但好食的三芳牛肉料理、割烹いいもり，還在錦市場吃過大安生蠔燒蠔，八坂圓堂天婦羅，十二段家 Sukiyaki，串くら串燒，兩晚居酒屋，吃齊了日本料理。

今次最特別係去參觀山崎蒸溜所，試飲之外，仲買咗D蒸溜所限定10、12年 single malt。

最失敗是原本計劃好去白浜溫泉兩晚，出發前不久才改去大阪和上高野山，好老襯。

呢次發現原來京都也有 Tokyu Hands ，不過比東京和大阪細很多。

強國人越來越多，藥裝店也越來越多。