L’Atelier de Joel Robuchon

原來寫blog這一年都沒有嚟L’Atelier de Joel Robuchon嘆美食囉喎，上星期五晚約了朋友去食番餐。 個small portion menu同年多前差不多，咁由我發辨點菜二人share，先來一個敬菜appetisier，是以一層唔記得是乜嘢打成的泡泡加在一層薄鵝肝而以一層像果jam的東西作底層，好味。 跟住先來一客 Crab Salad 做starter。然後LA LANGOUSTINE炸虾，像日式天婦羅但以米紙包小龍虾肉來炸，好味但略為油多D。跟住Tete de Veau 係牛仔面珠登肉，再用白色唔透明jelly在外圍成一圈，上加名種香草，這次面珠登肉的texture幾粗，以前食過的幾軟，果個jelly大嘅以濃肉湯做，扮肥膏，可能以前傳統是以肥膏圍圈啩。我掛住食己經唔記得影相。最後一味是以鵝肝包quail 腿，普普通通。 甜品叫Chocolate Ball，其實係以一個朱古力做的殼，蓋住雪糕球。 總結依然好食水準穩定，service極好。

禍不單行之 : 天無絕人之路

乜嘢叫禍不單行 ?

B仔食咗三聚氰胺奶，
自己成手雷曼發行的窩輪，
在AIA買咗保險。



如何避免中三聚氰胺毒?請個奶媽囉，不過....D奶可能有矽膠....

窩輪咪用嚟做牆紙囉，或係收埋被個孫，可能會變藉錢的古董！

AIG 今早得美國政府注資，可以有兩年去攪掂D欠債嘅。

又有毒奶粉 (補充)

又有毒奶粉
呢幾日內地又爆出三鹿牌奶粉，內含三聚氰胺，有多名小孩食到生腎石。
國內的各種產品都要檢測，但標準「騎呢」，例如今次就係有人故意加三聚氰胺到奶內以達到氮含量高，而氮含量又用來作為蛋白質高的指標。大家記唔記得，去年美國進口中國貓狗糧罐頭內因為有三聚氰胺，而導致死了很多貓狗，大陸有關部門查到果幾間稻物加工廠加三聚氰胺去增加氮含量，但好似不了了之，今次舊橋番叮，不過害了國內兒童啦。

據報早幾個月果間奶粉廠和各地監管部門已發現奶粉有問題，各地醫院也收到小孩生腎石、不能小便等病例，大家一直唔敢講。點解？要歡歡喜喜辦奧運嘛，頂到奥運閉幕先算！

補充 (16 Sept, 11pm) :
據中央电視台新聞联播報道，国家质检总局近日紧急在全国开展了奶粉專項檢查。階段性檢查结果顯示，有22家婴幼兒奶粉生產企業的69批次產品驗出了含量不同的三聚氰胺，當中不乏名牌子包括伊利等。