十月日本遊 (一)

攞幾日假期，參加北海道五天遊，然後在東京停留兩天，試吓東京新嘢、另文再講。
我諗我係親友中少數未去過北海道的，相信讀者們也去過，遊行團的行程、景點都唔使我多講。我想記下幾點 ：
(1) 北海道鮮奶軟雪糕真係好好食，又滑又夠body，我一連吃了四日，每日一個cone。
(2) 遊行團的導遊時不時變小販，我幫趁了不少日本零食。其他團友還幫趁買馬油、蟹、帶子等裝箱回來。很多團友都有shopping lists，購買力都幾得人驚。
(3) 到第三日到達富良野彩色花田，我部digital camera宣告死機，下半部行程只能用手機影，效果不好，稍後慢慢整理。
(4) 遊行團函館入札幌走，食住都幾好，先住兩晚幾好的温泉酒店，尤其第三晚住富良野附近的Tomamu Resort 大套房 (全團都係)，個冲凉房有個8人餐枱咁大嘅Jacuzzi，因為當地夏天有golf、冬天有滑雪，依家正係淡季。當晚食完酒店buffet出來，抬頭一望，嘩，見到我見到過最光最多的星星，成個天都係！真係意外收獲。

毒奶應由誰負責？

昨天中國國家質檢總局局長李長江，為毒奶事故負責辭職。此人面目可憎，我對此人一點好感也沒有，但認為將毒奶事件入佢數、指責其部門失職，我認為唔公道。質檢總局只是按標準做奶中氮含量檢測，但那些温總口中的沒良心之徒，故意加三聚氰胺來提高奶加水後的蛋白質含量，正是道高一尺、摩高一丈 (在中國現在改為道高一尺、摩高十丈)，我對化學品都很有認識 (而且自問比時時上电視的大學講師、教授懂得工業化學品和安全知識)，但對這種層出不窮、不顧後果的做假，只能說做夢也想不到，果班質檢總局上下官員也大慨也防不勝防，全世界都大慨揾唔到有專家防得了，只能出了事孭鑊。當然各級質檢人員是存在貪污的，但与本案無關。

咁關邊個事？點解咁多人無良心？

我廿幾年觀察、比較，可以指出病源是中國人現在沒有信仰，信仰不是指求神拜佛，一個正確的信仰會引導出人的善良價值觀：信萬物有規律 、冥冥中有主宰、有天理、對生命和環境尊重、會謙卑、不能為求私利不擇手段。在大部份中國人中沒有了這些價值觀，中國社會有乜理由唔衰敗？

講到底，我都係要怪中國共產黨，幾十年愚民政策，切底摧毀了中國人的善良價值觀。

天文台謎語

天文台又嚟玩猜謎語，今朝話「傍晚前後考慮掛8號風球」，中午聽收音机講天文台話「日落前後考慮掛8號風球」。大佬呀今日本來就見唔到太陽，咁唔知幾時算日落呀？
我咁多勞騷都係因為傍晚、日落先有得掛8號風球啫。