RECH

今次歐洲假期的第一站是巴黎，第一餐（9月13日午餐）訂了Alain Ducasse 系的海鮮餐廳 RECH。
佢地餐牌有幾款海鮮盤，也有零點的蠔、蜆、龍蝦等等，我就選了三度菜的 menu，每度菜有兩款選擇。
佢地的 wine list 不大，都是每主要酒區的紅、白、rose 各一兩款，我叫了一杯 Condieu ，沒有花香果香，可能我唔夠瞓，鼻覺差。入口就唔錯，唔dry。
頭盤我叫龍蝦凍湯，先把一喲龍蝦仔的肉和伴菜放碟內上桌，另一侍應手捧一小煲湯來畢入碟內，濃味好濃應該係用足龍蝦仔連殼煲成。

 

主菜是一種 Provence 的魚，肉質像鱸魚，成舊厚厚的不知是煑定蒸熟，味淡也唔腥，最特別係有熟的蜆仔、螺和青口各二隻伴碟，我成碟食清，我最唔鍾意食完塊肉仍有一堆配菜和一灘醬汁。跟主菜有一杯 creamy 醬和幾片多士伴隨。

甜品我點了桃餅伴雪糕，普普通通。
店子有兩層，食完到樓上洗手間才見到一個半開放式廚房。餐廳門口屋簷下放有三四張餐桌，客人可以邊吃邊抽煙。我第一次見到法國人（起碼佢唔似美國人，同桌朋友也用法式禮儀）用可樂鎹法國菜。
總結，食物質素、煑功、 prsentation ，招呼都好。啲嘢都幾貴，可能離凱旋門不遠，客人很多是生意人，和有閒階級約朋友午膳的地方。

Portrait Winery, Yardbird

昨晚朋友請吃晚餐，我建議去 Soho 必列啫士街剛開幾個月的Yardbird，呢間係東京 Yardbird 的分店。佢地唔接受訂位，之前打電話去問，個 reception 女仔話6-6點半到應該有位。

我地先去happy hour, Soho 士丹頓街有間本港釀wine 的酒莊 Portrait開的tasting bar，佢地酒莊（或酒廠？）在荃灣的一間工廠大廈，各種葡萄由紐西蘭、美國等地入口，在荃灣釀和浸木桶，佢地仲有 ice winr 和 brandy 添。我地叫咗個 wine and cheese tasting set, 有四種酒 white,、syrah 做的rose 、sav cab red 和 ice wine配四種 cheese。佢地啲酒都唔錯，但每瓶零售價就比同類美國、澳紐的酒貴。

6點20分去到 yardbird, 點知已經滿座， reception 個女仔話今晚有班15人的 party 嚟咗，佢登記咗話個零鐘頭有位就打俾我。

咁我地到隔離 Oyster Station 食住蠔等。

7點半 yardbird 便有位，入便好嘈，又播pop歌，燒烤的open kitchen 在樓下, 樓下也坐滿客，好大煙。我地坐樓上。

我地叫了炸粟米，串燒：鷄皮、軟骨、鷄翼、鷄肝。都幾好食，但之前都食得幾飽，所以不再叫其他嘢。呢度似clubbing 多過食店，麻麻地啱我。

之後再行過隔離 Oolaa食甜品： Strawberry Pavlova。  

Elton John Crocodile Rock

這兩日在地鐵站看到廣告，Elton John 來香港開 concert ，真估唔到佢幾十歲，除咗係啲大 occations 例如戴妃喪禮、女皇鑽禧、奧運開幕禮等之外，佢仲能開演唱會。

呢隻Crocodile Rock是我少年時很喜歡的歌