昨晚約了朋友到 在L Place 新開不久的L'altro，這間店的老闆丶主廚Philippe Leveille 本身是法國人，但太太是意大利人，他接手太太娘家的餐廳，由米芝連一星做到二星，現來香港開分店。侍應說主廚還有兩天就回意大利，此店由大徒第留下主理。
他們似乎以一個大 tasting menu 和二款digestation menu 為主，各種招牌菜也可叫 a la carte 。
我和朋友都是叫同一款三道菜的disgestation menu。另外加一個鴨肝菜分享。
首先來的 amuse bouse 是一片醃過的三文魚，下面包住D芝士和聽完都唔記得咁多嘢，上面幾粒魚子醬。我只係食到魚子醬味。
第一道菜是煎帶子，上桌時很香，最上面係一條露筍天婦羅，帶子來自北海道，只煎一面以免太老，個醬汁又係 N 種料煑成，好好味，單係個汁點麵包也好食，但配帶子可能太強，個帶子放在個仿貝殻的小碟上，凍得快，美中不足。
跟住來我們加點的鴨肝，其實係分兩個菜，先來 foie gras terrine ，侍應介紹這個terrine有一層加一層蕃茄，這是特點，傳統法國的肝類terrine不會放蕃茄，意大利菜就會。傍邊伴碟有醃過黑醋的莓，另一邊係一種蘋果切小粒，但鴨肝味不夠。
下一個鴨肝菜是三款小點：左邊似炸魚蛋的球，裡面係肝做的汁，也是不夠肝味。中間係有鴨肝的朱古力，又係只有朱古力味。右邊係一個凍湯，內有一舊酒味的啫哩，啫哩幾好味。
呢個鴨肝菜幾失望。
個 menu 的第二道菜是海鮮意粉（ menu 真係 寫 spaghetti) ，上面有個 sea water emulsion 用海水打成的 foam ，真係有D魚腥味。海鮮主要是意大利的小蜆肉，很濃味，個意粉非常似廣東的伊麵，撈埋D汁好好食喎，全餐至正呢碟，這道應該作為一道菜式來吃，不應當係一個傳統 pasta。
第三道菜是燒乳鴿，好香，肉剛剛熟，味不濃，算ok 。
甜品就係該店自家制的雪糕Gelato Miramonti，雪糕除了奶還有蛋和糖漿，唔太甜好滑好滑，加入士多啤梨和糖水，糖水就好甜。
總結：服務好，食物不算頂級。
