京都 三芳

以前在葉一南的文章中介紹過呢間京都衹園的牛肉料理店，今次京都遊第一晚就去吃晚餐。

主廚只三十幾歲，加上兩很cheerful 的女助手，頗令人輕鬆地吃，主廚會一點英語。

 

 

 第一道是生牛舌，跟著有：火炙西冷（肉好滑、但女助手介紹錯，我把個球狀的醬成舊當肉食咗！）、牛肉洋蔥湯、筍粒煲飯上面放牛肉碎再加海膽，好吃又花心機擺設）、燒牛肉和燒筍（筍唔夠味又太林）、生的牛肩肉、牛肉shabu shabu。

 最後主菜燒牛肉，佢地套餐有幾個價錢，就係呢舊肉不同，我揀中價的，已經好好味，外香入面肉軟，燒烤時間掌握得好。

 甜品是威士忌綠茶 sorbet，加了少少甜味，好滑、有創意、好好味。

 咁多道牛肉，生的、熟的、半生熟的，全部無乜渣又無腥、騷味。呢餐好食而價錢我覺得合理。

Upper Modern Bistro

4月3日與朋友到Upper Modern Bistro吃晚餐，佢地晚餐是a la carte 。

我地頭盤叫了一個魚生卷共享，朋友叫了磨菇湯，我也嚐了一點，有加白松露，好味，我另叫了豬肉terrine，畧為淡味。

主菜我叫了乳鴿，肉燒得太乾太老，米芝蓮一星的法國餐廳不應這樣。朋友叫燒春鷄，卻不錯。

甜品我叫了 vanilla creme brulee，一般。

總結：食物一般，個乳鴿真係麻麻，上次吃 brunch就好正，今次減分。尚幸招呼良好。每杯計的餐酒都很好，選擇多，比一般餐廳大杯。

海老の髭

不斷有新開的日本料理店，上星期五與朋友往銅鑼灣 Time Square 後面 Franck Muller果座新大廈的 "海老の髭" 試下，該店是來自新瀉的居酒屋。



我地先叫了一份刺身，不錯。

之後叫了一條鹽燒喉黑，是新瀉的特產魚，好多油，味普通。佐酒還可。

本來叫了燒車海老和燒露筍，但來了蝦和露筍天婦羅！經理話幫我地造過，我地話唔使了。

既然佢地來自新瀉，當然要試下佢地D飯，我地叫咗一煲飯，配一碟漬物（包括明太子），和一壷湯可以造茶漬飯。米飯是幾好，尤其加湯吃。漬物無一樣合我口味。

總結：食物一般，但服務差，侍應唔熟悉食物，唔收碟、唔換碟，落錯單。我唔會再幫趁。