一直想到呢間新開不久的西班牙小店吃番餐，BCN 是 Barcelona 的簡寫，自然標榜正宗 Catalan （即巴塞所在的省）。
卒之可以在12月14日晚去吃七點的頭圍，店子真的很小，吧台前有九、十個座位，另外在近街的窗邊有一小桌，可坐二位，即每輪可坐12、13個客，每晚做兩輪。主廚 Elgar 一人在吧枱後面表演和向客人介紹食物，幾友善，佢好似是在 El Buili 做過的。
在三天前佢地會send 定兩個 menu給客人揀，每個 party 都要食同一款 menu,我和朋友都揀了 "Autumn Chef's Menu" 。
第一個 starter 是 Mediterranean Flowpot ，上層像沙粒的東西是乾 olive 做的，有D咸味，底層是 foam 有D煙肉味。幾好食。
第二個 starter 是 Iberico Platter , 有火腿4片、 chorizo 腸、羊仔（sheep)芝士、和涂了鮮蕃茄和olive oil 的多士片。這些都是典型南歐餐前小吃，我叫了一杯 Rioja 紅酒，好啱襯。火腿是畧不及上次在principal吃的，而sheep cheese不so，chorizo也𣎴錯。
跟著是三款 tapas ：右邊是炸 cod fish 魚球，沒有花神。左邊是鵝肝、上面沈咗小小乾橙皮、鵝肝下面是一片火腿，呢件好濃味。中間叫 Broken Egg 的東西超好食，上層是很好味的泡，中間是食完都唔信的幼薯條，D薯條唔知撈咗乜，非常好味，底層是蛋黃，廚師說傳統上是把蛋殼內食物撈勻來食。
跟著是凍湯，配一串像蕃茄仔的東西，其實是西瓜肉做的。
然後是以紅蝦做的 Carpaccio, 呢D地中海紅蝦味好濃，用來做 carpaccio 好有心思，好睇又好食。
距著是海鮮湯，湯內果舊魚就麻麻、肉黏著皮，靭的，全晚至差的一味。
最後一個主菜是煎豬柳配炒飯，豬柳是西班牙豬大廚話可以不全熟透，的確係好淋好香，炒飯是用個小鑊像 paella咁炒熟，炒時加了肉湯，所以味濃，我雖然好飽也全碟食清。
第一個甜品，紫色的是以 sangria 雪成冰再打碎，下面是一小片橙，碟邊放一粒像蛋黃、是以果味漿做，上桌前大廚將佢督穿，讓果漿慢慢流下碟內，動的食物。
第二道甜品是 truffle 朱古力球，無乜特別。
看到有其他客人吃的另一 menu 中，有燒乳豬，好香喎，下次試下。
總結，幾好食好睇，不算頂級，以後試下其他 menu。這些很多道菜、n種食材的 menu，除非馬上記錄下來（其實也有些唔知係乜），食完好難記得哂，只能說好食或唔好食。
