巴黎古董雙年展XXVI° Biennale des Antiquaire​s

今次揀這段日子到巴黎，其實係幾個月前知道有呢個巴黎古董雙年展，於是找個藉口到巴黎，我都唔識古董嘅。

9月14日早上展覽一開便去睇，其實真係古董只佔小部分，大部份係藝術品和勁高級的名牌手飾。可以近距離睇鑽飾，唔會有sales 盯住、跟住你，向你介紹、推銷。
我覺得最特別係有一套伊麗莎白泰萊遺產的頸鍊，連一埃及皇后吊飾，制於1900年，玉婆或係買來紀念飾演埃及妖后。

 Fine art 和 avant garde 也有不少筍嘢，有些是私人收藏物，放於 dealers 的攤位撐場，其中有 Andy Warhor 作品： 毛伯伯像和伊麗莎白泰萊像。連picaaso 畫都有一張，各著名及冷門的 impressionist 畫都有不少。
下午便多咗D亞洲人包括強國人，名牌手飾店都有華人接待員。亞洲人集中行名牌手飾店，藝術品的攤位就無乜亞洲人。有些攤位寫明不准影相，名牌手飾珠寶店就任影。