皇仁舊生會中菜廳

繼上次增煇藝廚美食會之後，組織者再安排一月八日在皇仁舊生會中菜廳吃晚餐兼嚐美酒。

今次十二人，共嚐三枝白酒、七枝紅酒。最正係2005年的 St. Julien ，有位朋友帶來一枝日本信州紅酒，幾特別。

第一味是糖桂花餞美國桶蠔，配以 Alsace 偏甜的Gewürztraminer白酒，超正。

第二味是蟹黃扒豆腐豆苗，蟹黃份量好勁，但味並不濃。

跟著係杏仁白肺湯，好濃，應該燉咗好足時間，正。

柚皮炆鵝掌，柚皮和鵝掌都無乜味，呢道菜稍差。

椒鹽蝦、油泡班球和羊腩煲，都係普普通通。

炸子鷄，皮很脆，肉偏乾，我感覺好似係剛用焗爐翻熱。最後這幾味菜雖然沒有特別，但餸酒又幾好。

總結，聽說很難訂位，價錢不貴，招呼也好，但煑功跟增煇藝廚比較，就稍次一級。