三聖邨食海鮮@興記

今日中午和一班食友共到屯門三聖邨食海鮮，先到海鮮檔買海鮮，再到興記加工。興記和附近幾間海鮮加工酒家，據說都由屋邨東姑亭大牌檔發展改裝而成。

我們六個大人、四個少年，買咗近二千蚊海鮮，包括一條虎班（$450）清蒸、醃仔蟹四隻鹽焗、龍蝦四隻（上湯伊麵）、東風螺（白灼）、貴妃蚌（粉絲蒸），蟶子（豉椒炒）、一份海鮮滾湯。

條魚肉厚而興記蒸得剛剛好，蚌也是。龍蝦伊麵D麵就索唔到龍蝦味。豉椒炒蟶子超級好味。海鮮全部新鮮，煑功也很好。

在興記再加椒鹽鮮魷和一隻燒鵝，都唔錯。

Brunch at French Window

6月23日中午與朋友到 IFC 的 French Window 吃 brunch。佢地個 brunch 以好多海鮮著名，由十二點到四點任食！頭盤和甜品是自助式，主菜可以五款揀一種。不包酒$498，包無限量香檳、紅、白酒加一百。隻 Alsace 白汽酒餸海鮮幾好，紅、白酒都是 bordeaux 雜嘜，我們淨係飲隻白汽酒。

頭盤的海鮮有龍蝦、巨蟹腳、東風螺、生蠔三款（都是澳洲當造，很爽、很有海水味）、煙三文魚。東風螺好夠味，我食咗十隻螺，十六隻生蠔，。其他有沙律、巴馬火腿、幾種香腸，更有五、六種不同特別味的橄欖油。侍應並送來幾款好好味的小吃，正。佢地仲有即叫即焗軟的咸芝士，可以做頭盤、可以做 desert，我試咗少少，都幾好。

主菜我叫 seafood puff,普普通通，可能食完頭盤已經有D飽。

甜品就係咁意食少少。佢地有五、六種芝士可選。

總結：食物的質素比很多五星酒店的自助晚餐好，當然無咁多選擇，客人不是扶老揆幼哄搶式，可以舒適地享用，可惜當日下雨，未能享受埋維港景色。質量比 Principal和 Spoon的 brunch 稍為不如而已，我認為物超所值。

超級月亮

 每星期六在信報有幾個玄學專欄，上星期六有篇講今年6月23日晚將會有個特別大的月亮，因為月球最近地球，稱為「超級月亮」。前幾次出現「超級月亮」前後都有大災難，幾得人驚！

原文的頭幾段如下：


2013年6月23日晚，一個「超級月亮」將現身夜空，若按2005、2008和2011出現「超級月亮」便有大天災的經驗，今年中後要防天災；當晚前後的日子還有「超級月亮」期的「十項注意」，值得參考！


由於月亮繞地球轉動的軌道呈橢圓形，所以月亮和地球之間的距離並不恒定，最遠時達四十萬公里，最近時約三十六萬公里，平均距離約為三十八萬四千公里。月亮每經歷十四次圓缺，合四百一十三點四天，就會達到一次最大最圓的狀態。6月23日晚上七時零九分，月亮與地球的最近距離只有三十五萬七千公里，比上述的平均距離近了兩萬七千公里，此時看到的月亮為最大最圓，有人稱為「超級月亮」。

「超級月亮」可引發天災、極端天氣或地質災害的言論流傳已久，但科學家表示，這一說法絕無事實依據。而筆者認為科學家的言論只說對「一大半」，事實上非每一次「超級月亮」均會引發自然災害，但若然「另一小半」機會「巧合」發生，多屬世紀大天災，筆者紀錄了近年印象最深的「超級月亮」事件：

（一）2005年1月10日出現「超級月亮」，2004年12月26日印尼發生九級大地震，並引發大海嘯。

（二）2008年12月13日出現「超級月亮」前的5月12日，四川出現八級地震。

（三）2011年3月19日出現「超級月亮」出現前八日，日本發生九級大地震，引發海嘯和核洩漏危機。

Enrico Cerea (Da Vittorio) @ TOSCA, Ritz Carlton

這幾天Ritz Carlton 有Food & Wine Festival，請了幾個歐洲名廚、酒師和一個中菜名廚在酒店的各食店客串。
昨晚與朋友去Tosca參加意大利三星餐廳Da Vittorio的主廚Enrico Cerea主理的晚餐，晚餐是五道菜的Gastronomy Menu ，可以加錢每道菜配 wine。這間意大利三星名店，據說係拿手煑海鮮。

先來 Amuse Bouche三式，左起蟹肉西芹卷，幾好，中間是 醃Anchovy 鯷魚上面好香的果仁，好好食，但魚咸咗D。右面是一個用墨魚墨汁做、看似拖肥朱古力的球，好睇但食唔到味道。

 另一碟Amuse Bouche是pasta 皮，包住tartar 式的蝦肉、魚肉（似呑拿），下面個綠色汁係以枝豆做的，成碟都好睇好食。

 第一道前菜係以生的地中海呑拿魚切成幼條好似意粉型狀，卷成一堆，D吞拿魚應該醃過，但食唔出乜嘢味道。配的 rose 汽酒一般

 

 

 第二道係scampi 大蝦，面畧燒過，入面係生肉，D蝦肉鮮甜，面畧燒香，好好味。配的 Pinot Grigio 深黃色，味濃，配燒海鮮正好。

 第三道是帶子 risotto 。pasta 中我係唔會主動叫 risotto 的，以芝士撈半熟的米飯，通常好難食。呢個risotto，沒有濃的芝士味，可以接受。帶子就夠味，可惜一堆嘢上碟，賣相不佳。

 第四道是多寶魚 Turbot, 上面是比魚汁和蛋白打的 mousse，面畧燒或焗過，等佢成型。個舊魚真係唔得，又老又無鮮味，朋友話似飛機餐果陣味，又真係幾似。我仲食到兩小魚骨，唔小心啃親就弊。在高級食到魚骨，等同湯內有曱甴。配的Brunello di Montalcino 係近年好紅的意大利紅酒，用嚟餸魚本來不合適，但魚唔好食，用靚紅酒漱口也好。

 第五道是甜品，餐單上只是寫 cheese cake，原來是做成球型，成碟好睇又好食。配的甜酒麻麻地。

Petite Four 也好食，尤其係綠色果舊，應該係綠茶做，裏面有杏仁味。

 總結：除了多寶魚差，其他只能算幾好，但好多米芝蓮一星店也做到同樣或近好，歐洲的米芝蓮三星餐廳的第三粒星真係與食物無關。

仲有，我坐的位上面每約20分鐘有一滴水滴正我膊頭，唔知係天花上的倒汗水！或因為正下大雨，天花漏水！

Enoteca Wine Dinner at Island Tang

昨晚與朋友參加Enoteca 酒舖在Island Tang 「港島廳」舉行的Chateau St Pierre 和 Chateau Gloria 的紅酒晚讌。並有該兩酒莊的主理隨片登台。
位於 St Julien 區的Chateau St Pierre 和 Chateau Gloria 同主，St Pierre 是1855年列級酒莊的第四級，而 Chateau Gloria 聽說是沒有列級酒莊中很好的一家，我都有飲過。
我以前都未嚟過Island Tang，裝修和桌椅西式典雅，好似中菜西吃，聽說佢地叉燒幾好食。

 

 先來一杯 Nomine-Renard Burt NV 香檳，麻麻地。
四小碟都普普通通，最特別係莧菜崧，好爽。

 第一味叉燒和燒牛面珠，叉燒沒有預期中好，全瘦又唔熱，燒牛面珠兩件口感似牛腩，也是唔熱的！配的Chateau Gloria幾香但入口普通。

 第二味椒鹽釀吊片，好香口，全晚最好食的一味，配的Chateau St Pierre 2007，好香好香，口感亦好醇，唔乾。

 第三味炆大鱔，鱔肉有一便煑得太老,另一便 ok，芡淋太過多上碟。配Chateau Gloria2006，比2008明顕入口醇D。

 第四味燒乳鴿，好咸。Chateau St Pierre 2001就好香的果味，入口甘醇，果然正。

 

第五味燒羊扒，燒得太乾，我不喜歡。Chateau St Pierre 2005也很好。食炒飯配的Chateau St Pierre 1999就非常非常好，好醇，可以就咁大口大口地飲就好囉。

 主理人當然會揀好年份給大家飲，以便推廣，可惜食物配不上。我問伙記攞個佢地菜牌嚟睇下，福臨門價錢喎。

喜記午餐

 早排經過銅鑼灣喜記洛克道舊店，見門口貼咗張 poster ，佢地中午有套餐，一個餸（有十款）、一碗湯和一碗飯，收$38，無加一唔收茶錢，咁咪平過茶記和大家鑊？
上周去吃了蝦仁炒蛋，今日吃了咸蛋蒸肉餅，都ok吖。

 

香港競爭力

香港競爭力下跌，建制派和財閥歸究近年有多人爭拗和內耗
，呢D唔知係乜羅輯！
競爭力下跌，原因係曾蔭權政府無所作為，庸庸碌碌，求到自由行就以之為政績，其他都係講咗就算，種下種種社會問題，變成今天事事爭拗之局。
香港之病，有以下數端：
高等教育量化寬鬆，但香港只有金融、零售業，有無咁多白領工作給年青人？咁多大學畢業生、副學士，叫佢地去莎莎賣化裝品、翠華做伙記？呢D有每年多少大學畢業生，只是當政者往自己臉上貼金、對外吹噓的工具，白燒的銀紙，由納稅人埋單。

一方面向上流的機會確越來越少，很多剛就業不久的年青人，所謂有上進心的，去讀埋（話係買也不為過）一堆文憑、離岸鷄記碩士、 MBA 等，但對所從事的工作不上心，普遍好似沒有帶腦返工。

產業多元化才可長期解決香港的深層次茅盾。