山崎蒸溜所

今次京都遊的第一個「觀光」活動，是4月16日早上參觀京都附近的山崎蒸溜所。近年日本威士忌好行，去參觀酒廠變了時尚。
他們的網站上可以預約 Guided Tour, 但我在京都的幾天都已經滿，我一星期前叫酒店打電話去報名，剛好早上11點可以有一位。
從京都坐JR東海道火車只要十零分鐘就到山崎，從車站有清楚指示，行5分鐘便到山崎蒸溜所。

 我因為早了到，可以在佢地的展覽館和商店慢慢睇。
個「見」團只有曰語講解，外國人可以用佢地提供的聽話機聽英文。個講解員在開始的幾個部分講得比英文版短，所以我跟唔到，又要掛住影相。

 

 

 

Guided tour 之後有「無料」試飲「山崎」和「白州 」single malt, 佢地加太多冰，咁樣飲白州香D喎。之後D日本人就識問飲 straight 。
我就去佢地個  bar 飲有料的，蒸溜所限定的原酒，即係在單一酒桶內浸的酒，通常超過50%酒精。酒廠是把不同年不同桶的原酒保存，用來調混可以出廠的威士忌。我揀了浸了12年 cherry 桶的，15ml ，300yen，聞下都已經有好勁的酒香，入口甘醇。