琢磨（白川店）

去年四月與朋友遊京都時，偶然在晚上走在祇園近白川小河，發現白川一邊有些好骨子的料理店，尤其呢間叫琢磨的料理店，所以今次特別嚟試下佢。

樓下是一列長吧枱，大慨最多可坐12位，吧枱後有四位師傅主理，似乎每人有專門負責的菜式，有兩位能用很簡單的英文解說食物。佢地只供應2、3款套餐。
前菜已經靚俾，而且係好食，尤其兩片炸過的藕片，香、脆、甜。

魚生砵中有極肥美的大拖羅、鮮帶子、甜蝦等。

跟著是在碗內蒸的菜，上桌前鉋咗D柚子在菜面，勁好味。
然後是炸魚，魚的發音是Guzi ，超級好味，口感有層次：片脆而D肉嫩滑，呢個魚俾足十分。

其他的不說了，看照片可以了，牛肉有牛肉味、菜有菜味、魚有魚味。
甜品上桌，本來很飽，但因為全部好味，毫無困難完吃下。

總結，這餐吃得很滿意，食物實實在在，沒有亞茂整餅，這是偶然揀到的食店，咁好食，特別開心，可以以全无保留地推介，價錢只是之前一晚吃的又吉的一半。

祇園又吉

10月1日到祇園又吉吃是京料理晚餐，這家是米芝蓮二星店，只可以坐9個客人，每晩只造一輪，除了我之外，其他都似乎是熟客，衣著舉止似是 當地high society 人仕。位置很難找，在窄窄的內街，我坐的士去，司機也要打兩次電話問路，我在路口下車，走進小街，有架勞斯萊斯駛進小街，走下三個婦人，原來也是到此店吃料理。
前菜是爽的豆、粟子伴了白蔴醬。

跟著來一個杯，杯內有吞拿魚子、蟹肉、底層有少少飯，撈的汁好味。
第三味是鱧、松茸湯，有小小柚子味。這幾天都是鱧、松茸湯，柚子。主廚在客人面前切開大大舊的松茸攞到後面煑。
第四味是白身魚的魚生，配三種汁。
跟著係醃漬過的魚兩款，味道好豐富，而且係點黃色芥辣，好正好襯。
跟著你撈薑汁的瓜菜，大慨係俾客人洗下個口，準備吃下一通菜。
第七係壽司，好似係 hamachi ，魚也是漬過，也是點芥辣，魚和飯之間有芝麻，好好味。
跟著嚟咗一盤盤景，大廚介紹時說了2、3分鐘，恕無法一一盡錄，大概有十五種食物在便當，我只明白後面夥樹係炸松茸，其他大部分好睇唔好食，可能有D飽喇。

第九味係燒魚仔，配酸汁，皮很脆，但我不喜歡咁樣樣而且腥的魚。
第十味你燒和生兩舊仔只是半熟，好林好好好味，完全無騷味。
第十一樣（！）係炸物，上面似魚但味道又似魷魚，下面2舊似魚但食入口係蠔味。
跟著係小杯松茸湯，好多松茸呀！
最後是甜品水菓啫哩等。
呢餐食咗近3個鐘，大部份食物都好好食，外觀優勝。

京都和久傳

9月30日從白浜回到京都已經下午一時半，步行到京都駅相連的伊勢丹，上11樓的食店層，這裡不是 food court, 大部份的日本料理店都看來頗有特點，日本的洋食就唔好攪我。
我揀了一間京料理店「和久傳」，佢地在巿內有總本店，呢間係分店，全部賣京料理套餐。近窗一列坐位，全部吧台式向大玻璃窗，可以一邊食一邊欣賞京都市區景色，侍應只在上菜、收碟時從吧台後面走過。

我點了一個唔記得乜名堂的套餐。
先來松茸湯，幾杰幾濃松茸味，湯底有一團飯，面上一塊煑的鱧魚，幾好。

跟著係魚生，好似係鯛，很滑但有D腥，所以配薑絲和點酸酸地的汁，唔係點豉油。

跟著一舊燒魚，麻麻。

跟著嚟料，一碟壓成一舊的菜沙律，個醬唔係乜沙律醬、千島醬呢D白痴野，而係用好濃的豆漿做的，好味得不得了。

下一道係灸過表面的吞拿，肉味濃而不腥，伴碟有略煑林的茄子，和好爽的長青椒，個䇜係柚子味，好正。

最後是一個看似簡單，但顕功夫的魚生飯，魚好鮮好滑，飯伴入了柚子汁，濃度洽到好處，不甜不酸，但夠柚子味。呢個飯頂班。

呢餐除了燒魚麻麻，其他全部看似簡單而好好食，比溫泉旅館的食物高三班。
呢幾日吃了很多柚子味、松茸味的食物，可能是季節食材，以呢餐的最好。番去查下呢間有無米芝蓮星或推介。