Uno Duo Trio

8月大吃大喝的壓軸好戲，31日晚與朋友到銅鑼灣的意大利餐廳Uno Duo Trio 吃晚餐，今個月最好食係呢餐和鮨辰。

我幾個月前去過食午餐，未有機會來食晚餐。該店今個月的重點菜式係意大利北部 Veneto 菜。


我和朋友同點了兩個頭盤、兩個 pasta、一個主菜、一個甜品，來分享。

煎帶子配黑松露，好香好濃的黑松露，帶子畧為細隻。

Cappaccio，D火箭菜和牛肉都好夠味。


地中海紅蝦意粉，重點係D汁，是以大量蝦頭蝦壳煑成濃汁，但影得果幾隻蝦無乜味。




跟著就係數燒乳豬，我也沒有聽過意大利有燒乳豬，伙記話好，我們也即管試下。原來係以乳豬陣皮，包住D煙肉、其他配料成巻狀，然後燒，我可以話個陣皮好香好脆，脆到極點，有D泰國脆豬肉乾 feel，超超正，配紅酒一流。



第二道 pasta係後加的海鮮意粉，用不濃的橄㰖油、大量蒜容，好味，意粉是有咬口的 dente 式。
甜品，佢地只有三、四款，我地叫咗件Napolean 來分享，D酥皮夠酥，很好食。

仲有特別的，餐後佢地有好多花茶，個杯入便有隻熊仔架喎！
總結：食物和服務都很好，物有所值，我有機會會再來。可惜樓面低（一般商業大廈內的餐廳的通病），有一台5、6個女人加一個男人，越講越大聲，好嘈。