Robuchon au Dome, Macau

12月1日到澳門小遊，約朋友到新葡京的Robuchon au Dome吃晚餐，這是該店搬到新葡京後，我第二次來吃。
我們都叫秋季的 Tasting Menu，並開了半枝的2005  Chateux Kirwan  。

Amuse Bouche 是一小碟粟米濃凍濃湯、上放爆谷。

跟著係魚子醬下面放蟹肉，配用龍蝦湯做的啫哩，啫哩上唧咗一粒粒 mousse ，好巧心機，落足本，也夠味，配紅酒不錯。

之後係太陽蛋下面係 Risotto 煎乾成一個小飯團，再放三片白松露，好香好味，。蛋黃剛未熟透 ，火候掌握好，但被飯圑和白松露搶哂鏡，成個菜看似簡單而好好食。

跟著係slow cooked 鱈魚，下面係芽菜切粒煑到 risotto 咁！個魚就係典型鬼佬煑法，唔好食，珠玉在前，更顕得差。

跟著係主菜，可以揀鷄或和牛，我叫鷄，朋友叫牛。鷄胸肉釀入鵝肝，肝味不濃尚可，但佢地的薯蓉水準差咗。牛肉切粒燒，剛剛面熟入面粉紅，不錯。

餐的甜品是泡芙，很一般。之後的甜品車、 petite four 車就仍算豐富，可以話人見人愛、車見車載。

總結，呢次有D菜好好食，魚是敗筆，但總覺不是原裝的 robuchon，太似意大利菜。