京料理中村 (1)

4月4日到京料理中村吃京料理吃晚餐，呢間米芝連三星店，已經第六代，一百九十年曆史（女侍應說190年、唔知我地有無理解錯），號稱「一子相傳」，即一代只傳廚藝給一兒子罷。

全部客用膳都在和式個室。我們坐下點了飲品，一位老婆婆便來招呼，我們猜她是現主廚的令堂，掌管服務員，她並坐下倒酒，我們不會日語，有點不知所措，她在我們吃了第一道菜才離開，我地才鬆一口氣。
第一道菜是白芋、筍，一般（因為之前一晚在佐佐木吃新派料理，不免作比較）。

第二道菜： 豆湯，有少少甜，有酒味，中間一舊軟的年糕物體，心裡有啲奇，難道日本京菜是先吃甜品？

第三道菜：魚生，也是一般，有切得很幼但幾爽的洋蔥絲，可以伴𩶘魚片食。

第四道菜開始嚟料，女侍拿一個木盒來，打開兩片葉，掀起葉見各式熟咗放番到室溫的海鮮，有啲便當 feel 。其中有串係墨魚粒和蛋做的糕，另一串，蠶豆好得意。呢一個菜味道、擺設都好有層次。果舊蝦肉內饟咗啲飯添。

第五道菜是焼物，女侍捧一個木箱出來，下面有在燒的炭，上面放燒好的筍和魚，女侍說筍是今早才採的，面爽入面林 ，塊魚應係三文魚果類，佢講咗個日語名但我地聽唔明。魚燒得唔油唔乾表皮爽脆，好正。

第六道菜是一個杯，入面放咗小塊的高級刺身，記得的有：鮑魚、赤貝、螺肉、帶子、墨魚。全部好味。