祇園佐佐木

4月3日到呢間米芝連二星店祇園佐佐木食新派日本料理。

入門口是一排吧枱，女侍帶我地入內堂，桌子隔著玻璃也可看到廚師 serve 吧枱的客人。

第一道菜 : 煑熟的露筍，上淋有小小酸的 creamy 汁，女侍話可以用手食。

第二道菜： 一個盒內放一疊食物，有蜆肉丶蝦丶菜丶好爽的蔥。幾好味，也美觀。

第三道是湯，湯內有煑過然後表面燒過的筍，幾香甜，另有兩舊龍蝦肉，肉幾爽剛剛熟，內有少少 wasabi ，加小小蝦膏（女侍用身體語言，話係蝦頭入面啲嘢！）。

第四道菜是好睇好食的魚生。

第五道菜是燒鰻，另一小砵內有貝肉撈芽菜，前者好味，後者好有創意而唔係亂咁 fusion 玩汁玩泡。

第六道菜是鮑片，呢個就相形見拙。

第七道菜是熱洋蔥湯內放兩片和牛，應該係在熱湯內放入生牛片然後上桌，讓熱湯剛剛把牛肉浸熟，牛肉畧濃味而林。（我近年很喜歡林的食物，無咁難趙）。

第八道是鰻魚飯，上放唔知乜蛋的黄。

甜品是西式，幾舊士多啤梨等鮮果，伴果汁啫哩。

我幾鍾意呢種新舊混合的日本菜，以前食過東京的小什、石川、懷食道場、Esaki 都同類，小什、石川和 Esaki 都是米芝連三星，這佐佐木是二星，但料理鉄人道場六三郞主持的懷食郤沒有星，真替其不值。

說回佐佐木，它比小什、石川和 Esaki明顯不如，仍是好吃的，算沒有揀錯，之後果晚到三星的京料理中川真的是享受、一個特別的 experience 。