銀座小十

10月26日，星期一晚上，是今次日本美食遊的高潮，訂好了往米芝蓮三星的和食店銀座小十。

這間小店，老板兼大廚奧田透，看來頗年青，會說簡單英語介紹食物。店內一排 counter 可坐六名客人，另有二間個室每間各可坐四人。他們每晚有兩輪分別為6點和8點半，我訂到的是8點半。除了我，另外四人都是日本人，有一座位空着。

坐下後，奧田師傅先送上他的名片，親自打點安排飲品等。

第一道冷前菜是用蟹肉加點海帶和用肉汁做的啫哩，畧帶酸甜，奧田師傅用英語解釋個肉汁但可惜我聽唔明。

跟著另一冷菜是鮑魚條下面是豆容，鮑魚味不濃，個D豆容撈咗D嘢幾好味。

跟著來一碗熱湯，裏面有一個用蝦肉和魚肉打成的球，最特別係上面放了兩條檸檬皮切的絲，食一啖蝦球食小小檸檬皮，好正的配合。

跟著係魚生 : 有D 白魚 (佢話係 seabeam)、toro、魚皮等。佢地介紹吃白魚刺身時點小小鹽而吃toro 才點豉油和 wasabi。味道普通，只是觀看奧田師傅表現刀功在魚片上切紋。

然後係主菜：燒 鱧 (Hamo)和燒日本鰻魚。在師傅工作台的一邊是一個炭火燒烤爐，但一直看不到聞不到煙，犀利，如果不是這個菜跟本沒有注意到有個正在燒烤的炭爐。個鱧卷成一球中間包了菇，最初以為是燒洋葱，真係大鄉里。奧田師傅切好，把鱧放在左邊鰻魚放在右邊，並在上面放上各種伴碟包掂兩片頁，一紅一黃。個鱧比較乾味道一般。個鰻魚就正囉，攞出嚟己經香氣滿室，好好味。

跟著係鱧球湯和鱧球粥，奧田師傅說鱧在夏天到秋天是「當造」。

甜品係提子和梨粒造的啫哩，普普通通。


這次首次吃日本三星店，印象深刻：

(一) 全餐都係海鮮，主要係時令的魚。奧田師傅說每晚的menu都不同！
(二) 有無其他三星店，大廚就在你面前親手做每道菜、詳細講解？
(三) 他很有心思用好各種伴碟材料，而不會係咁淋醬汁。

以後有機會值得再嚟吃

地圖