神楽坂 石かわ

今次到日本渡假第一晚，便到獲米芝連三星的神楽坂 石かわ食和式會席，差不多一個月前預定也只能食9点的尾圍。
石かわ位於善國寺後面，其網頁指示很清楚，我早大半小時到神楽坂行吓，才發現呢個小區的大街小巷開滿各式各樣的食店，都很有特式，我以前無嚟過神楽坂真係走寶。

我訂了坐吧檯，吧檯可坐7人，另有幾間個室，我入座後一個年青帥傅比咗張以英文印向當晚menu，並印埋我個名！我之後問佢印多張日文menu以作紀念。

第一個菜是一些上湯啫哩伴凉菜上面仲放左两小粒即磨wasabi，好香口。

第二道菜是炸物，有一舊松茸、一舊魚，淋上好杰的獻汁，塊魚面上咗層薄浆，有小小甜酸，正。

第三道是湯，真係有D菊花辫在湯中不過無菊花味，反而有檸檬皮小絲，好有醒胃效果。

第四道菜是海鮮兩款，先來一份白鱼刺身，佢地唔知點樣可以切到魚片表面係有curve而唔係一般的平直，然後一小碟熟蟹肉上面有2小舊蟹黄，好味。

第四道菜是燒鰻魚，幾香，薄而表面脆入面淋，日本人真係燒鳗專家，加燒洋葱，個師傅講咗雨次個洋葱好甜，果然。傍邊有D食完仍想不到係乜的某種瓜菜刨的絲。

燒鰻魚之後來涼點，係蕃茄、蓮禺、芋頭，都切小件，上面淋咗D叫白芝麻醬的醬汁，好醬汁味很適合撈沙律，若然能大量生產銷售，D餐廳就唔使用埋D千島汁咁混醬。

跟住係煑和牛，牛肉切粒，肉味太濃。

我都已經幾飽，跟住的松茸蒸飯，只能吃一小碗。

是晚吧檯有兩位看來30歲左右的師傅主理，其中一位還往來於個室和廚房之間，唔知係咪主廚。我走的時候兩師傅和女知客 (好靚女) 也是送出門口，鞠躬道别。我不免要把此店與去年吃過的小十比較，小十的菜式較复雜和多伴碟花樣，食材、味道地畧為好一點。