青山えさき Esaki

9月 29日晚到青山三丁目的「青山えさき」(Esaki) 吃日本料理。這間應該係米芝蓮一星店。在小小横街內的一坐小樓的地庫，幾難揾。

主廚和3個助手在半開放廚房煑菜，主廚江﨑新太郎出咗本書教煑菜，還放在店內賣。主廚不断在煑醬汁、淋醬汁。
我叫的是八道菜的套餐，以魚和菜為主，很健康。菜單看下圖，睇唔明就睇照片喇。





第一道是秋刀魚三片上面淋以肝和無花果造的醬汁，魚幾暒，下面有大舊帶子(片薄片) 和梨塊。

第二道是魚生，幾片白身魚很滑。

第三道是以三種不同方法煑瓜、菜、豆：右起兩粒提子肉，淋白色的汁，好似有D杏仁味。中間是炸南瓜淋糖浆。左面一團上面是用味汁煑過的青豆，下面是茄子。

第四道是桃造的凍湯，上面有一小塊畧炸過的東西，又是難以形容的好味。

第五道是煎魚，煎得香但林咗 (可能煎咗待用) ，上面果堆是雜菜粒、菇粒，更有幾小片似帶子的裙邊。


第六道是成條北海道魚，應該係喜知次。呢次主廚不敢放任何醬汁，簡單地煑。魚肉較港人常吃的班畧實。但魚上面放了三段炸露笋，表面上咗一層甜蕃薯薄浆，非常好味。

第七道是蝦肉魚肉煑的飯，D飯幾黏，好食到不得了。面豉湯內有三舊茄子。

第八道是甜品，碗最底層是奶布甸，中間層是透明啫哩，布甸和啫哩中問有D似紫米的粒，啫哩上面放三塊很甜的蜜瓜。

這個主廚江﨑新太郎，很會配搭食材和醬汁，很有 Pierre Gagnaire 的風格。吃這些菜式除了是挑戰自已的荷包，還挑戰自已的味雷。