虎龍炉端燒

早幾日看到報紙介紹呢間新開的炉端燒，據說是東京著名炉端燒的香港分店，今日中午去試下。

該店位於加寧街近維園果便大單邊，個舖位以前好似係一間唔好食的意大利餐廳。

佢地開咗大慨兩星期，中午的套餐約有十款，有一般定食（~$80-100）和會席定食（多D前菜和刺身）。

我叫了一個炸黑豚豬扒會席，$138加一。先來一盤前菜、刺身和湯，賣相不錯。前菜中有一碗仔係菇切粒，好爽，另一小碗前菜是紅椒和一種筍撈埋加汁，都好食。沙律用白芝麻醬汁，好味。刺身係兩片三文魚，很一般。湯太咸。

豬扒上面的漿很厚，雖然脆但索咗很多油，肉都幾嫩，但也些地方太靱、太油，豬肉有豬肉味。

總結，以質量計，算ok，招呼也不錯，可能客人仍不多。我看過佢地晚餐果菜牌，D嘢都唔算貴，以後去試下佢地的炉端燒。