Il Latini, Florence

3月24日晚到這間地道 Florence 餐廳吃晚餐，我在2005年嚟過，印象很深。我在計劃這次行程時，找出一本舊的Florence 旅遊書，竟然在裏面夾住一張2005年在Il Latini 吃餐果張單！近年此店被米芝蓮給與車軚人底食推介。

我訂了七點半，去到門口，竟然人山人海，原來有一大團美國遊客，起碼50人在門口，到佢地入哂去才到其他訂咗位的客，其實百份之九十係遊客，到九點半第二輪，才有意大利人。

我叫一個 mixed starter，有火腿、香腸、鷄肝多士、好似薏米的粒粒做的沙律等，桌上仍然放了一枝自家品牌的 table wine，客人可以隨便自己倒來飲。

主菜我想叫牛肚，但侍應話無，叫 mixed pasta，佢話好大份是幾個人 share 的，咁我求其叫個燒牛肉（因為 steak florentine 真的太大份），舊牛肉又幾嫩、幾juicy喎。

甜品我叫一個朱古力餅，很普通，然後送來一碟地道小餅，點dessert wine 來吃。

這次太多遊客，亦無上次咁，頭盤不斷咁上，到我食飽想埋單，伙記才問我主菜想食乜！以前亦無餐牌的，這次叫做有兩頁紙意大利文的餐牌。

希望意大利人不會因為唔憂無生意而水準下降啦。