Le Mieux Bistro

由張錦祥， Ricky Cheung 主理的Le Mieux Bistro，最初開於柴灣的一座工廈中，早兩年搬到灣仔的現址，一直未有機會幫趁。3月2日與朋友去試。原來佢地與上星期吃過的「鮨妙」同老闆。

此店晚餐只供應五道菜的 set menu, 訂位後佢地會 email menu 給客人 confirm。

第一頭盤是生蠔配泰式酸汁和一杯幾勁的鷄尾酒，蠔都幾夠味，忘記問佢地是來自那裏的蠔，朋友不想吃生蠔，佢地轉咗個鴨肝俾佢，似乎不錯。

跟著是蕃茄清湯，味濃，內面放幾小塊很滑的豆腐，配炸雲呑，中西合璧。

跟著是煎帶子配黑松露汁長通粉，帶子面脆入面未全熟、很軟滑而有鮮味。

然後是 sorbet。

主菜是 鴨脾confit 和燒鴨胸肉，鴨脾 confit 味道和煑法很正宗，夠味而唔乾，鴨胸肉也ok，配菜係炒豆苗。

甜品是焗芝士或拿破侖餅，朋友叫焗芝士，香港很少吃到，薄薄一層芝士焗軟咗，上面沈咗D herb碎，我試咗D很咸香，D邊有D脆，很好食。

我個拿破侖餅幾酥脆，但面層朱古力 mousse無味兼太多。

總結：算不錯，食物、煑功、服務都好。每杯賣的餐酒很少，但佢地有一種每杯賣的香檳幾好。