Vun Milan

今次到意大利出差，先在米蘭留一晚。

出發前上網搜索一番，決定訂這間VUN餐廳3月16日吃晚餐，該餐廳最近攞米芝蓮一星，似乎走新派意菜路線。

餐廳位於 Duomo附近的 Park Hyatt, 裝修並不古典華麗，餐廳內有多座銅塑像，餐牌最後一頁竟然係介紹呢D塑像，客人似乎頗多係講英語的遊客。

佢地菜單只有兩頁，另有五道菜和七道菜套餐。我叫七道菜套餐加配wine pairing 五款餐酒。

Amuse Bouche 四款：一枝棒穿住炸肉、玻璃紙包住似炸蝦片的脆物、小杯內似人造蛋的東西是醃過的䔧、 code fish配辣辣地的汁。

第一道菜有煎scampi一面煎、夠味但太咸 ，sweetbread只係面畧煎脆但無乜味，薯仔球入面有漿汁、一咬爆漿。

第二道菜是牛肉 tartarte，牛肉很嫩而無腥味，有一粒生蛋黃、一舊綠色的 sauce，用嚟撈牛肉，法式 beef tartarte 係用蛋和一些香草撈的。

開始覺得好睇唔好食，下面的菜就稍為好味。

第三道菜是南瓜湯，湯入面好似有蕃茄，所以畧紅，好好味。

第四道菜係以牛尾煑成醬，以意粉皮包成軍艦壽司咁樣，D醬入面有肉碎好味，上面的泡泡也很好味，可能係白松露打成的。

第五道係魚，焗過籠，很鞋。

第六道菜係燒黑豬柳，配甜甜地的汁，肉好嫩， ok。

距住係 sorbet，然後叫 Lemon Sensation 的甜品。侍應放下一盤檸檬，然後淋液化氮落去，造出仙境檸檬效果來睇，食得嘅係一個 lemon tart，配好似拔蘭地的酒，酒好正。

總結，並不特別好食，服務一般，D菜不斷地上，有D趕頭趕命咁，果幾款wine pairing 的酒都唔襯D食物味道。