Nino's Corzinha

星期三晚約了朋友到灣仔船街的小型葡國餐廳 Nino’s Corzinha，店內檯凳都很窄小，招呼幾ok。
我地叫咗 :
白洒煑蜆 : 要預訂，好味呀。
炆牛肚 : 個waiter落單時話有D辣，但食落唔辣，唔知味道正唔正宗但幾啱我口味。
馬介休球：味道麻麻。
香腸炆鷄：幾好味，不過朋友話好似前面牛肚咁味喎，講起又似。
甜品叫木糠布甸，呢個就麻麻，比澳門九如坊差好遠。
我地仲飲咗一支葡国白酒，都幾好。

總結：食品可以收貨，價錢唔平。

和三昧

今日中午約朋友到銅鑼灣東角中心的和三昧吃午餐，這間店我一直未有機會來試，今次我們叫了二人午餐套餐，有沙律，清酒煑蜆，鐵板燒有 : 燒鵝肝 (好肥有D酥)、帶子、蝦(好味但少)、黑豬肉卷(用春卷皮包熟咗的小片豬肉、洋葱等幾好味而考功夫)、牛肉卷(咸咗D)跟菜，然後炒飯、味增湯，雪糕。

總結：環境舒適，我們坐卡位有海景，服務一般，食物好味但份量少，二人套餐共HKD480, 但朋友有SOGO Card Credit 所以有九折。其他餐都唔平但似乎幾滿座。

我的 食力書櫃

今日開始在 aNobii 建我的 Bookshelf, 首先梗係肚滿腸肥嘅食力書。

http://www.anobii.com/019fce9c766bab402c/books

岩浪天扶良

昨晚與朋友往岩浪吃天扶良，我們都叫了師傳發辦的套餐，有前菜、魚生、天扶良、燒牛肉、麵或飯。

魚生不錯但份量太少。天扶良有蝦、明太子饟茄子、帶子、露笋等，不算很好 (以收費計) ，蝦好味但只有一隻。

總結 : 個師傳發辦套餐收 HKD720 然後九折，唔算抵食。

正村壽司

今午到灣仔大有商場，試下呢間開了不久的正村壽司，佢地同尖沙咀壽司正同集團，午餐有HKD60-99的多種 set，場內有廻轉壽司，D壽司都幾靚。
我叫了最貴的 (HKD99) 的雜錦壽司 set，相當好、新鮮、算廚抵食。論價錢和質量都好過峰壽司，招呼也很好。我12.15到就好多位，12.30就很多人湧到，要在門口排隊。

他們晚上6pm超還有午肉火鍋放題 (HKD130) 和項級和牛放題 (HKD240) ，揾次去試吓。

今夏中文書

破解密碼

娘震嬰講過：第N屆都唔損凸手。依家蠢蠢欲動，D記者又追住問佢。使乜問吖，N 等於1、2、3、4…係任佢話嘅，佢依家可以話 N=2, 即係第3屆起就得。

講多過名人密碼，大家知唔知李超人點解咁發？因為佢叫李加乘，計數可以加減乘除，佢盛係要加要乘，梗係越做越大啦。

不過我唔會改名做「長崎嘉誠」嘅。

買書Book @10 for Charity

今日中午抽空去太古坊買10蚊本夜冷書，一如所料大排長龍。有D書蟻好變態，出動成家加埋菲傭拖喼 ，好多group人喪買過百本書，攪到俾錢又排多成半粒鐘。
我只能揀到下面七本書，其實我好想睇吓有無D書在一般書店買唔到的，但果度絕大部份是 fiction。

海星的呼喚

一場風暴之後, 無數海星被沖上沙灘, 小男孩為着救活海星, 小心翼翼將一顆又顆的海星放回海裏, 大人取笑他; “Does it matter?”(你能救活得那麼多海星嗎?) , 他每次放回一顆海星之後便說: “This matters!”( 我救活了一顆), 一次又一次。

閱讀全文

世界第一夜景

今晚由尖沙咀坐船過灣仔，個夜景好靚呀，天朗氣清，水平如鏡，加上係月圓之夜，真係 un-頂-able ！

五蚊買膠袋

聽日開始，在超級市場等零售店無免費膠袋，政府每個膠袋收五亳子稅。我想聽日去樓下間日資超級市場，剩係買膠袋，俾五蚊買十個膠袋，因為呢間超市 D 膠袋俾其他超市 D 膠袋堅韌，耐用D，可以攞去百佳惠康買嘢用。好過用埋D自欺欺人的所謂環保袋。

諗諗吓：俾五蚊買十個膠袋好吖？還是俾五蚊張六合彩好呢？呢個直頭係很好的通識科題目。

上網買書

早排林行止專欄提及，有間英國網上書店 Bookdepository 係唔收郵費的！最近去試吓訂了本 “The Myth of the Rational Market”，6月26日訂，昨日7月4日收到，頭尾9日，實際比Amazon 更快，Boodepository 用邮局，Amazon 用 courier 但郵費有時妹仔大過主人婆。
以後會改用 Bookdepository 囉。

講起買書，下星期 7月9 - 11日在Quarry Bay 太古坊會有夜冷書義賣，見下面剪報。

貴德宮

今午有朋友請吃素食，這家貴德宮是私房菜型式，要先訂位，佢地會按每桌人數準備，而且訂位時可以說明上次食過的日期，佢地可以煑唔同菜式。午餐每位HKD168。

第一味是壽司拼盤，但太多蔴醬，第一碟就己經濃味。之後的各款中，我最喜歡照燒荷蘭姑，燒得好香。後尾個十穀飯也好食。

總體食後評，我喜歡各種素菜，但最好係食菜有菜味，而唔俾調味品蓋過原味，佢地的菜式都考手功，考心思，久不久食吓無妨。

地址：灣仔道140号明豐大厦1樓 B
電話：28386506