2013記

我這幾天一直在想，今年有乜可以記下？卒之.....

銅鑼灣已經倫陷，其實係香港商人殘害佢。

發現印度神油的原產地，原來係新界東北。又發現：老婆個仔係佢"家人"，呢個係諗爆腦的羅緝問題。

最火羅 係CY哂佢和佢路姆西張相。人不要臉，天下無敵。

今年最討厭人物：馬雲。講到天花龍鳯，卒之也是強國農民一個。

香港社會，越來越令人不安，想不出有那一樣讓人感到明天會更好。走狗越來越多，越來越兇。

2013香港食店評級

2013年食過的香港食店，除去米芝蓮2、3星店，我有以下評級。


推薦名單，食物和服務令人開心，好想再去的：
Principal
鮨辰
Tate
Uno Duo Trio
壽司角
Serge et Le Phoque


好味底食、水準穩定名單：
Petite Oyster (fresh oyster)
增煇藝廚（樣樣好食）
粥麪館
私房蔡（煲仔飯、小菜）
一樂（燒鵝脾）
永合隆（煲仔飯）


觀察名單，要食多一兩次：
留家廚房
權八
吉利
8日
Blue Butcher

負面名單：
喜記蟹將軍
Patrick Deli

心債 - 梅艷芳

8日

繼續12月大吃大喝，嘗了幾間新店，仲有大把新店要試。12月28晩與朋友到灣仔福臨門隔離2舖位的呢間日本料理，據雜誌介紹其日藉主理人以前也在別處開日本料理店，現與別人合作開新店。

入內不大，吧台只可坐6人，其他都是餐桌。訂位時女店員已主動說：由於剛開店未有酒牌，客人可以自攜酒，不收開瓶費，我便帶枝純米大吟釀。

佢地有散叫刺身、壽司、燒物、煑物、天婦羅、飯、麵，每日廚師推薦食物寫在黑板上，可惜大部份是日文。仲有一個「8日會席」，收$1280。

我地先叫冷食。鮟鱇魚肝ok, 無壽司角咁好食。生蠔好味又大隻。

然後五款刺身，平目魚、蝦、帶子、魶魚和魷魚，全部很新鮮好味，尤其係帶子。

北寄貝和牡丹蝦都唔錯。

之後係叫熱食：䐁角煑，有D似東坡肉的味道，燘得好入味。

牛肉豆腐煱，牛肉有D蘇。

最後我叫冷蕎麥麵，朋友叫稻庭麵，都好食。

旁邊有兩個後生仔叫會席料理，好睇又好食。

總結，結帳每人才平均不到$800, 算合理。食得滿意的一餐，新店而店員沒有出錯，但我地叫刺身五款又叫了牡丹蝦，刺身師傅還是在刺身set裏俾蝦，係好食也應問下客人先卦？也因此我不給予推薦評級，只係列入觀察名單，再食下先。

畧為不足是，去廁所要由後門行出後街，有幾間獨立專用廁所。

Serge et Le Phoque

近來又開咗幾間法國小館，今日去灣仔呢間試下午餐。佢雜誌介紹，此餐廳由巴黎著名 Bistrot的主理人首次東來開店，店的位置近灣仔街市，舖位前身應係一間潮州食店。

我沒有訂位，周六下午十二點半到店門口，從玻璃看入面空無一人，以為無開門，到一點左右才有另一枱客，一家三口的法國人入來。

裝修簡單，樓面很高。佢地只供應三道菜午餐，每位$250！難怪無客。頭盤三揀一，我選露筍，主菜可選豬或魚，我揀豬。

點完菜，侍應先送上 amuse bouche，是鮮魷切成小條，伴的汁有小小冬蔭功味，幾好喎，心想千萬不要是亂攪怪味 fusion。

露筍上桌，嘩好睇之外仲聞到露筍味，露筍上面加了幾舊似菜蕊的花頭，個汁有小小黑醋，好味，但最得係上面沈咗D某種果的粒子，一粒粒烘過，好香脆好味。

主菜的豬肉，原來係燒肥腩肉，先說伴碟的三個小蜆，好鮮好濃蜆味，味道有D似潮州人的獅蛤，另外還有二片涼伴黑木耳，幾得意。舊肉好像沒有醃過，只有淡肉味，皮不算脆也畧不夠熱，但真係唔錯。另有一堆半透明爽口的配菜，吃不出是什麼，但難以形容地好味！

個法國人店長見我讚好食，再去切咗一舊法國牛油給我查麫包，佢話係手造的，真係幾好味，小小咸，似半軟芝士的口感，就咁食都唔覺滯，用來夾豬仔包一定無得頂。

甜品三揀一，我選店長介紹的一款，原來係2個似漢堡包又似 macaron 的餅，餅好香脆，入面一層好厚身好滑的雲呢拿 cream，好食。

總結，新派法國菜，注入本地食材元素，食味和煑功已經及得上酒店內的名店，招呼良好，但 wine by the glass的選擇不多。晚餐也是兩款套餐，沒有 a la carte。初次來的印象很好，吃得很滿意，一定要再來。

慈居酒屋

一年多前來過呢間位於寶勒巷的樓上居酒屋，覺得不錯，約朋友12月25日夜晚飲食，再來幫趁，段估聖誕節無乜人去居酒屋。六點幾入內，果然未有客。
佢地唔收開瓶費，我自攜一枝 Viognier 白酒，不錯。
我地先按佢地當日的海鮮，選了刺身，包括深海池魚、赤貝、帶子、牡丹蝦、海膽，全部很一般，

然後來一隻北海道毛蟹，雖比較細隻，肉很鮮甜，膏不多但很夠味。

跟著叫熱食：天婦羅、牛肉煑、燒鷄翼，都ok。

呢餐最值得記嘅反而係佢地兩員工，個魚生吧後面個師傅只掛住睇手機，好似在煲劇，一位據說只來了三天的年輕女店員，好靚女兼好面口，對餐牌和食物唔熟，跑來跑去向其他員工查詢，又為我們張羅冰筒，唔錯唔錯。

吉利

早排李純恩在專欄大力推介呢間，在堅尼地城爹核士街的日本料理小店，昨晚朋友請吃，我便建議來試下。
訂座時也訂了半隻時令的北海道鱈場蟹。
店子頗細，牆壁上貼滿客人食嘢的開心照片和蟹壳。外面天氣冷，可能佢地沒有開抽風或通風設備，入內後有D焗和腥味。
佢地的食物有冷有熱，魚生海鮮都是高價，也頗多清酒，最貴果枝13900，唔係円！

第一樣係李純恩介紹過的沖繩夜光貝，一隻像大晌螺，六、七吋大，只切螺肉成小片生吃，可以就咁食也可點加了鹽的麻油，肉淋但無乜味。我喜歡赤貝等蜆貝肉刺身，覺得呢樣唔底食。所謂夜光貝係因為個螺殼係可以加工成為燈罩。

沖繩牡丹蝦，普普通通，膏少但好味，價錢比北海道牡丹蝦平。

跟著係白子，雖然上星期剛在壽司角吃過，既然香港很少吃到，所以又叫來吃，這裏調味比壽司角畧勝，口感差不多。

跟著係半板海膽，唔得那裡產但店員說貨源沒加防腐劑，頗貴但大份量，而且極濃味。佢地附上紫菜和飯，讓客人自己做海膽小卷來吃。

之後係今餐的主角，北海道鱈場蟹半隻上桌，店員說隻蟹下午五時才落機！份量也很足，廚師很有技巧地切開蟹身和腳，客人可以啖啖肉地吃。我先吃一隻腳，舊肉又軟又滑又鮮甜，跟著食一舊蟹身，有D唔深色的膏，但好夠味，蟹身的肉也是很鮮味，無得頂。

最後仲有煑九十九蠔，蠔不大、幾夠味。

總結，海鮮真係一分錢一分貨，此店高檔海鮮收的價錢像中環、蘇豪，但質量都極好。服務也很好，吃高級日本料理的不錯之選。

最近的男女間事

壽司角

早排在雜誌看到呢間，在蘇豪的新開壽司店，12月14日與朋友去試下。
我們坐 counter，坐下看到師傅在處理一盤白子，此物我只在東京的壽司匠吃過。店子小小， counter 可坐九人，三位年青師傅在台後主理，另有小桌四張。

我們都叫 1300元的 Omakase，有刺身、熱食和壽司。

先來三款小吃：鮑魚絲伴醃咸菜、醃蠔和鮟鱇魚肝，其中魚肝最好食，用來餸酒至正。

跟住係白子，比較淋，若果爽少少就最好喇。其他刺身有白身魚兩片，貝、中拖羅兩片，每樣都是單獨切、處理後放到客人碟上。

之後正喇，一碗仔毛蟹肉、膏和一段蟹腳肉，鮮甜到極！好食。

跟住係燒鱈魚，上面有D麪豉醬的物體，我覺得都係有D腥。

跟住係小煱的牛肉 sukiyaki煱，牛肉夠味、唔肥、好淋，好食。

之後係8件壽司，也是師傅每件造，客人食完一件，佢才造一件。其中的火炙魷魚、帶子、白身魚、炙拖羅、海膽等都很好吃，只是飯畧為不夠熱。

以為食完，師傅再來一個肥吞拿碎肉手卷，內有蔥粒和一種油，好好食。

最後是蟹肉羹，好味。

之後的蜜瓜，又甜又多汁。

總結，吃得很滿意，質量超值，師傅對魚的種類、部位都像很有認識。總不免跟鮨辰作比較，鮨辰的食材似乎較多元化、多各種特制醬汁。壽司角較平實，師傅只在一些刺身、壽司上鉋柚子汁或海盬，佢地D wasabi 也好像有D柚子汁。我喜歡不用靠醬汁，師傅老實地造，不跟客人攪公關。我強力推薦，希望佢地保持水準。

Otto e Mezzo Bombana

12月13日晚與朋友及他太太到三星名店吃晚餐，都幾誇張，我十月中打去訂位，周五、六晚餐要到12月中才有位，即預訂兩個月，仲係 lounge area，待dining area 餐桌有客 cancel 才可在 dinng area 吃，唔知係咪留番哂 D枱俾熟客、名人。咁我地去到都有dining area 坐。
佢地有一般凍水而不是硬銷有氣或無氣瓶裝水，侍應招呼良好，對菜式相當清楚，其實菜單也不大。

我朋友叫 tastin menu 跟 wine paring ，他太太和我都叫 a la carte ，我尤其想食白松露菜式。


 我的頭盤是 roasted octopus ，味道並不特別，我叫了一杯 prosecco 才$90 ，底飲。佢地的 wine list 也有很多$400起的意大利酒。

跟著是意粉和白松露，由老闆兼大廚 Bombana親自來鉋，舖滿碟面，香氣四溢，好味而意粉也好食。

主菜我叫牛肉，一件燒靚牛柳，配一件慢煑牛面珠肉。牛柳 medium ，入口 juicy ，牛面珠肉好淋而有肉味。

我叫了一杯某意大利酒裝專為 Bombana做的紅酒，是2009年 Toscanna 的 Sangoviese 加另兩種葡萄，好夠橡木香味、好好飲。

甜品就普普通通。

總結，吃得相當滿意，覺得該店食物、招呼是很好，但裝修擺設似乎未到三星級，還好佢地收的價錢算合理。