點解

又出差幾天，香港政客又出醜聞，而且係特首。佢自稱做了四十年公職，未試過依家咁對經濟咁擔心，哦，咁就盡快攞 jet-so？遲啲話唔埋D富豪嘅私人遊艇、私人飛機都無哂？ 曾蔭權今朝到商台節目解畫，但我仍有下列問題： 你話去日本坐私人飛機，要與同行朋友各攤分費用，無問題。咁最近坐人家私人飛機到布吉島，就按商務位俾番每位5千幾蚊俾人。咁就多問題： 1. 香港到布吉來回坐商務位只是5千幾蚊？我願意出齊頭六千，唔該幫我買張吖。 2. 你去布吉渡假，係咪自己主動計劃？如自己主動計劃、有私人飛機的朋友如何得知？你是否主動跟有私人飛機的朋友講準備去布吉渡假？如果係咁，你心裡想博乜？如果是人家偶然主動提出，你儍㗎？咁都敢制？ 至於去澳門在人家的私人遊艇睡兩晩、並乘該艇回香港，你話以前都試過係咁。我就要問： 3. 你真係認為只係俾番單程船費就合規，無疑問？ 4. 你一個月搵幾錢人工呀？自己去住間好D嘅酒店、俾5、6千蚊真係俾唔起？ 你的問責團隊中政務司司長在任時撹僭建，你可以粒聲唔出去坐私人遊艇、私人飛機去渡假？

All At Once - Whitney Houston

䐁兵衛

之前經過呢間日式豬扒店，見好多人在門口等位。上週一中午到那裡試下。佢地好多午巿套餐都係幾十蚊。
我叫了一個較貴的日本䐁肉扒餐，豚肉果然好有豬味，飯，菜絲、漬物就遠不如博勝殿。
佢地仲有拉麵，晚上似乎有啲居酒屋飲食。

五評唐、梁

出差幾天，唐英年又自掘墳墓，攪出「地下唐宮」，早幾日先話乜嘢膊頭腰骨，依家點見人。其實佢都慘，十幾年來任人擺布，到入集前才俾人爆小鑊，自己加料變大鑊，身不由己又不能即核習前退出。佢若然仍得背後商界力撐，以後便要埋好大張單。
其對頭人也太會計算，在報名期前後才散出黑材料，唐營背後「官商勾結地產黨」也難以馬上啟動「弟補機制」，被殺個醋手不及。
依家傳統左派先指派曾玉成場邊熱身，如與地產黨傾得掂便可入習並勝出。
經呢一場鬧劇，亞爺以後都係俾一人被欽點入習算。
「何為邪鬼何為神，神鬼如何兩不分，但管信邪修正外，何愁天地不知聞」。好似仲有好多變化。

添好運第二回

今午（2月15日）出差上京，先到中環 check-iin, 再到添好運食點心。

我十一點去到，也有一半空位。

我今次叫上次未試的古法糯米鸡、叉燒餐包等。

糯米鸡果然正，熱辣辣，揭開荷葉有汁流出，飯和肉都好味。

叉燒餐包，皮脆甜甜地，馅就太流質。

蝦餃繼續 OK。

春卷好脆好脆。

食到飽飽，才$86，超正！

見城新店

星期日想約朋友到尖咀午膳，想起很久沒去見城，打電話去訂位才知佢地在赫德道開了新店，咁咪去試下。


我早一日打去訂翌曰一點，當日十一點打嚟 confirm ，無問題，十二點五十分行緊去又打嚟問係咪嚟緊，去到門口果然有四五人在等候補，我地訂咗而準時便可入座並可坐吧台。


我叫自選壽司 set ，朋友叫魚生定食。我的自選壽司 set有張紙可以自己tick，但都是日文字，叫女侍應來問下可否解我聽，佢一輪咀咁嗡今日有乜，而且係非常大聲，是令人覺得無禮貌的大聲。


D 嘢話咁快、五分鐘便送到。東西是不錯的。


但我一食完便來收嘢，朋友仍未食完，女侍便問我地甜品食乜、嚟得未，足足問咗三次，我地入座到離座不足五十分鐘，有被趕走的感覺，新超記都無咁趕。全場好嘈，都係女侍們的叫喊聲。


我應該唔會再幫趁。

欠揍

早排果個所謂教授話港人欠揍、係狗•••••
上星期六信報副刋有篇妙文，列出情人節男仕送禮五忌。


第一忌： 年年送禮今年唔送，原因只有一個，就係你欠揍。



其實五樣的原因，都係打得少。

四評梁、唐

呢幾日梁振英日日捱打，政府 D 政務官黨幫埋唐英年，梁振英變咗被害苦主。

唐英年今日回應佢屋企有冇僭建地牢收藏紅酒 時話：男人要有膊頭、從政者要有腰骨。好！咁你唐英年係維港巨星滙事件，叫人修改meeting minutes，等自己置身事外，係唔係已經自宮？

Dungeness Crabs @ Grap​pa's

早排睇到廣告，中環 Jardines House 果間 Grappa's 逢星期四有美國西岸空運到的大 dungeness 蟹，卒之同朋友夾到2月9日晚去食。佢完來果日仲要出差去深圳，要揹住之白酒趕來，真係唔話得。




我先訂定兩隻蟹，一隻熱食、一隻凍食。該店並在三藩巿訂購埋印咗隻大蟹公仔的膠圍裙，俾客覧住食蟹，得意。


隻熱食的蟹先來，都幾大隻又有膏，肉好甜，此種蟹，身大肉厚但腳和鉗都較幼和少肉。食完熱蟹輪到凍蟹來，其實兩隻是一齊煑熟，我地食熱果隻時佢地拿另一隻去凍，該店都幾落功夫，先在大碟內放冰塊，上蓋保鮮紙先放隻蟹上去，咁樣隻蟹可以 keep 住凍但不會濕立立。


隻凍蟹就比之前果隻無咁好肉和膏。


蟹每隻收325蚊，我和朋友都認為比橋底辣蟹、喜記等底食。食完蟹再叫一碟意粉 share，就飽飽喇。

曾蔭權出路

旱排曾蔭權到達沃斯ya文ya武，單單打打人地解決歐債太慢，係唔係想撈番一個 IMF 總裁來做呢?



其實要搞掂歐債務危機，曾蔭權只要使出兩件必殺技：


一就係將歐羅同美金掛鈎@7.8，


二就係叫祖國開放內地人到歐洲自由行






嘅然鷄珍做世衛總幹事都得，亞爺也可照辨煑碗，安排曾蔭權做下任IMF 總裁，大國屈起嘛。

噩耗

今日李純恩在蘋果的專欄，話准內地人到香港自駕遊是噩耗，

佢話 ：
我們開車是為了回家，但許多大陸人開車，好像只是為了不讓別人回家。