skip to main |
skip to sidebar
早排與同事在銅鑼灣的楽日本料理食過午餐，雖然貴但質量都極好。5月24晚，與朋友來吃晚餐。
雖然雜誌說晚餐都是 omakase，其實也有 a la carte的。我和朋友是叫不同的 omakase，我叫貴D的有多兩熱食。
先來前菜，一款生蝦肉刺身、一款熟蟹拆肉撈醬、一款海膽肉下面係海膽味豆腐，都好味。
跟著係五件刺身，好味而質量都好，海膽來自九州唔夠味，舊大拖羅入口真係一舊油但一點筋都無，非常勁。
第一道熱食係煑的瓜和菇上面有三文魚子和一種魚肝做的緑色醬，非常腥，入座時我已經講咗我唔食三文魚子！
第二道熱食係熱魚下面一舊菇，也不覺好食。
跟著一盤四件壽司，再一盤三件壽司加一件蛋糕，全部壽司都好食。
水菓是枇杷和橙，不是高級日本料理店的高質水菓。
本來還有雪巴或南瓜雪糕，兩樣我都不喜歡，所以不要了。
總結：刺身和壽司確是很好，若與鮨辰比較，鮨辰的魚和海鮮品種和質素都較佳，「楽」只是擺得靚D。鮨辰連餐後的水菓也極好。「楽」的熱食又比八日差得遠，所以「楽」未能加入推薦名單。
前周又去了 The Principal 吃晚餐，其 menu 有大量亞歐 fusion 元素，已經不是剛開的時候的新派西班牙菜。
amuse bouche 和開頭的兩三個菜好看好吃，極力 fusion 。
總結：食物色香味都好，招呼一流，仍然推薦。
最近幾星期，分別去過TATE 和 The Principal 吃晚餐。
Tate 還是幾好食，而且美觀。
今次食到的新菜式，較有印象的有蟹肉卷，是以蟹肉塞入一條炸好的春卷殼中。
溫泉蛋下面有海膽和墨魚。
煎魚，碟邊用綠色醬汁畫咗竹。
但 Petite Four 果隻車仔上的餅仔縮咗水兼唔好食。
總結：仍然好好食，服務一般，中環食店的通病是請南亞侍應，好難聽得明佢地講解食物。
昨天去看電影「香港仔」，真係好好睇，近年少有的好港產片。
故事裡，每個角色都是好人，每人都有一個故事，每人都背負著一些鬱結，家人之間有很多結和誤解。每個角色都做得很自然、不過火。客串的杜汶澤都演得好。
頭三分之一有太多線，但下半場完全被吸引，一直很盼望看到一個 happy ending。
「香港仔」呢個戲名原來係指南區果個 aberdeen，因為由吳孟達飾演的父親原是水上人，六十年代搬上華富邨。但又穩約是講一個幾十年的香港故事。
其中藉著灣仔掘出一個埋咗七十年的炸彈，幫助打開了其中一個最傷的鬱結。
片中有個𡃁模叫小巴，原來有個好好笑的意思。
5月1日晩，與朋友去這間位於大坑銅鑼灣道，新開的居酒屋試下。
該店裝飾用了很多日本 poster ，尤其係懷舊歌星。餐單很多元，冷菜、各式刺身、串燒、炸物等都有，全部都是佐酒佳品，又沒有港式居酒屋咁亂加醬汁。
炸啤酒蠔，漿索了太多油。
最特別係成塊的燒鷄皮。
總結：除了刺身，其他食物都很相宜，味道不錯，可以多來。
今日 AM730 有一段譯英國報紙的短文，拆解超巿陰招，正。
