猴子泡沫

利世民在蘋果的專欄，講甚麼叫泡沫

+++++++++++++++++
昨天，有讀者傳來了一個 Powerpoint，內容還是挺有意思的。我將故事稍為改寫了：
從前，有個村莊，到處都是猴子。有個商人，到處跟村民講，他會出
10元一隻買下這些猴子。村民都放下手上的工作，走去捉猴子。當猴子買少見少，那個商人就出雙倍價錢、 3倍、
4倍……價錢一直加上去。直到猴子都不見了，甚至有人捉到猴子，也不願意賣給這個商人，因為他們相信，猴子的價錢還會升上去。
「沒有人願意賣猴子給我嗎？這樣吧，我願意出 100元將猴子都買下。下星期我會回來，你們再賣給我吧！」商人就這樣走了。
之後，有另一個農夫拉了一車猴子經過，村民見到他，便問：「大叔，你帶那麼多猴子做甚麼？」
「城市有人出高價買猴子，我捉了這一車，現在趕去賣。要 50元一隻呢！」村民心想，現在把猴子先買下來，就算商人下星期不回來，也可以到城市用 50元賣出去。
一個星期過去了，一個月過去了，一年過去了，就是不見了那個商人。城市也沒有人買猴子。
這條村的後山又滿是猴子，但故事的教訓是甚麼呢？我得到的教訓是：如果有一樣東西，存在意義就是價錢的上升，這件事就算不是騙案，也一定是泡沫。要記住，這個世界有個概念叫理性預期，價格的轉變也跑得比人快。要是大家相信某些物品的未來價格將會上升，現在的價格，也應該反映了這個可能性。
最後，廣告一則：有興趣了解美國零售業老牌子 Sears因何事大插水的朋友，快快攞份《爽報》睇〈金融一條針〉啦，網上無㗎！

+++++++++++++++++++++++++++++++++++++++++

澳門逸園中心

逸園唔係跑狗嘅咩？嚟香港買咗恆和鑽石中心，改咗名做澳門逸園中心都好似有兩年。
近二三個月，裡面面的食店有些結業，自然開咗新的店。
繼續經謍而我吃過的有：9樓的岩浪、16樓今村、7樓榮川，其他我未吃過的11樓福鮨助、26樓備長、18樓季節。
我吃過而覺得好的有17樓D17，依家開咗銀菱、15樓松島依家開咗五箇山。另外新開的還有地庫的銀座梅林、12樓的一番爐端燒（以前在白沙道）。
講開又講，果間什麼明星（好似叫徐淑敏）的老公開的銀座鮨久，位於堅拿道街巿的樓上舖，走貴價魚生壽司，唔夠一年無聲無息接埋，變了郎田劣質放題。

一芳日本料理

今日中午得閒，諗起早排雜誌介紹的新開一芳日本料理，便行去試0下，該店位於灣仔道199號天輝中心（集成中心斜對面），此座樓大部份是樓上酒吧， 新開不久便攞米芝蓮一星的Mirror 也在此大廈裡。
入座後見以前松島的大廚在壽司吧後面工作，原來松島已結業，這間一芳開了兩三個月。
佢地午餐 set 由$120 起，我叫了一個上壽司，$150。
有七件壽司加兩手卷，魚生片的顔色有D「瓦」，味道算ok，個隻蝦最好，有幾件壽司和鐵火卷中的wasabi 太多食到眼水都標埋，個蒸蛋就超好食兼用料足。
初步感覺不如松島，但慨然是松島師傅掌的店，晩上要再來試過。

Tel : 28332178

英記火鍋

昨日睇番D舊雜誌，有一期飲食男女介紹一些西環火鍋店，其中呢間英記，日頭都有火鍋，有各種牛部位和特別食材，所以今日中午去食火鍋，真唔明間間火鍋店都只係做晚巿，煲仔飯也是。
佢地地址在威利麻街19號1樓，依家八十後一定未聽過威利麻街碼頭，舊稱三角碼頭，我細過都有船由深水涉碼頭（0下？深水涉都有碼頭？）有船過嚟威利麻街碼頭。
其實果間是火鍋酒樓，即德興果種，裝修是基本酒樓式，其他客都是飲茶，只有我一個吃火鍋。
我叫粟米紅蘿蔔湯底（$50），佢地係有很多牛食材，但我一個人想叫兩種牛肉雙併伙記話唔得，只好叫一碟肥牛頸脊（$158），一碟豬膶（$38），一碟白菜仔。牛肉唔錯，我唔想咁肥，啱我，豬膶淥熟唔爽，反而果幾舊粟米就超甜。
我想多叫一樣嘢，鵝腸無，鮮魷無，卒之叫咗碟蝦丸（$88），也很爽很好味。
地址威利麻街19號1樓。

聖誕書展及最近新書

以前偶然也會去行聖誕書展，今晚平安夜早D食完晚飯，去行聖誕書展。由於同時仲有美食節、遊戲展，所以從灣仔地鐵行綠色天橋到會展都係人山人海。
最開心係買咗本 "The World Atlas of Wine", 由兩大頂尖酒評家Hugh Johhson 和 Jancis Robinson編寫，介紹全球各酒區、主要葡萄品種和著名酒庒，資料足，印刷精美，開頭仲有幾篇短文介紹醸酒歷史、氣候、 Terroir 、每年每月份醸酒的工作、當然講解如何醸酒，如何品酒喇，圖文並茂。有排睇。全書400大頁，重3公斤！幾錢？$250，七折。









最近還買了三本新版（2012）米芝蓮：港澳，東京，京都大阪。及一本蔡瀾寫的日本各種文章結集。
唉，明天又要執書櫃，掉 D舊書，唔係無地方放。

點點心

自從「添好運」平地一聲雷，香港各處開了很多標榜即叫即蒸的點心專門店。早排經過天樂里，見有間可能開咗不久的點心專門店，叫「點點心」，門口貼了很多名人光顧的照片。
12月20日午飯早D去吃點心，我12點到，不用等位。
我叫了4籠點心和一盅鳯爪排骨飯。
鳯爪排骨飯先來，賣相比一般茶樓的盅飯骨子，但鳯爪和排骨都不好又無味，米飯就唔錯。
叉燒腸又係D粉太黏。
蝦餃就極好食，若有D 筍粒就 perfect。
牛肉球幾好，𥚃面芫茜粒夠多。
棉花鷄的鷄肉幾滑，魚肚也好，但太多油。

年尾算死數

今早傳出金正日去咗見金日成，佢同卡達菲都死咁快，等唔到攞孔子和平獎，真鄧佢地可惜，也擔心明年孔子和平獎有邊個有資格攞。
早排有人話：
咁多姓曾慨俾人鬧爆，卒之死咗個曾近榮。
雙英互插，未正式埋牙就死咗個許冠英。

Wooloomooloo Prime

12月16睌與朋友到The One 的Wooloomooloo Prime 吃睌餐。
該店在頂樓，有個露台酒吧，有無敵香港島夜景，餐廳果便就被 K11擋咗 D 景。
朋友的頭盤是蟹餅，我的是一個雜菌做的批，都幾好。
朋友叫一個尼斯 tuna 沙律做主食配波菜。我叫西冷扒，我話medium well,但來到全熟，肉質和味道都唔錯。
甜品我叫了個朱古力餅，簡單而好好食、夠味。

亞州家族

12月14日中午，到亞州家族吃海南鷄飯。
佢地中午有$72一客海南鷄飯，除了鷄肉、油飯、湯外，有一小碟瓜。鷄幾滑而畧多油，舊鷄翼多油到夾唔到。佢地有三小碟醬：一碟紅色應是酸辣的，一碟薑蓉，一碟黑而傑的豉油，豉油應是正宗的坡式的。
湯一般，飯就極好食。
佢地牆上掛了很多星加坡錦滄文華酒店的獎狀，大慨主理人是該文華出身的。錦滄文華 (Meritus Mandarin ) 並不是文華東方 (Mandarin Oriental)，雖然兩酒店的 coffee shop 的海南鷄飯都出名，但我認為錦滄文華的好食好多。我有幾年因為出差去星加坡都住錦滄文華所以吃了不少該店的海南鷄飯，因為我仲意食鷄，"那些年，我獨自叫過的鷄"不少。記憶中有間文東記好食，仲有一間在組屋樓下，當地海南鷄飯的湯多數是用內贜煲的。

第一腸粉 ，永合隆燒臘

昨晚到尖沙咀參加舊同事的生日睌餐，佢地遲到當食飯，所以先打底。
到太子的米芝蓮新貴，第一腸粉專門店，門外一如所料，有條小隊排隊等位，因為我只一人所以等了𣎴到五分鐘就可入座。佢地只有不到三十個位，有兩規矩：落單一次落齊不能加單、人齊才可入座不能一兩個人霸位。
佢地有八款拉腸粉，有菜乾粥和糭。佢地有一款招牌腸粉係包菜甫和肉鬆，唔啱我口味，我叫了一碟豬膶腸和一碟牛肉腸，每碟19元。腸粉太黏，比堂記和大埔陳漢記差很遠。
一不造二不休，再行過對面永合隆食燒臘，本來想叫一碗燒肉飯或一碗燒肉飯，但結果叫了一碟燒鵝脾併燒肉飯，少飯唔該。好好味，名不虛傳，比中環擺花街龍記好食得多。
食完坐車到I Square 的江順河鮮，準時七點到，剛剛可以睇曾志偉介紹燒臘，睇完八點人齊，可以叫餸。

第一腸粉
太子砵蘭街373號

永合隆飯店
地址 : 太子砵蘭街392號

富豪金殿

因為有一張$100 富豪金殿現金卷，今日中午與兩同事到銅鑼灣富豪酒店的富豪金殿飲荼。
我們叫了以下點心： 蝦餃、焼賣、牛肉腸、叉燒餐包、春卷，各一碟，全部都好好食，但不便宜，最特別是叉燒餐包，是以整件㕚焼夾入餐包內再焗熱。
食完點心再加一碟蛋白蟹子炒絲苗，飯很乾身很好食。

新版米芝蓮

新出的2012 米芝蓮 guide, 再加入一些地道美食小店。新開不久的 第一腸粉店入選為推薦食店，我都未有機會去食，睇怕都好難食到啦。
澳門的Aurora 失去推薦食店的地位，以前是算新派法菜，依家主要為意大利菜，車軚人不欣賞。
天后的華姐清湯腩入選推薦食店，呢間真係好食過九記。

Chez Patrick Deli, Stanley

昨天趁秋高氣爽，便到赤柱食午餐。12點半到了新裝修的赤柱廣場地下，在chez patrick deli和 The Press Room 中揀了 cpd。Chez Patrick 自從中環加咸街、灣仔星街我都食得很滿意。
佢地周末有2 或3course lunch (180 / 240)，我坐下便點了三道菜午餐，麵包先來香又熱，頭盤是 sampler, 有五、六種腸和火腿，下面有雜菜和一片鵝肝 pate ，都好好味。
主菜是煎魚，我食完頭盤成半個鐘、催咗幾次才來，味道算 ok。
食完主菜個伙記問我要 tea or coffee, 我話要regular coffee 甜品也可來了果時己經1點45分。又等了20 分鐘，再催，每一伙記聽完仍繼續做佢地的工作，最後有個港人女仔伙記，佢去拿了杯咖啡來，我問甜品呢？ 佢話甜品係自己去揀，咁又無人同我講？佢話＂咁你要唔要吖？＂我在爆炸前就說不要了埋單吧。我桌上一直只有一杯咖啡，個女仔拿單來時我再問： ＂乜你地唔攞糖俾客？＂，佢話＂我地 D咖啡已經有味㗎啦。＂真係今時今日咁嘅態度 ......
雖然d 嘢食ok，我一定不會再來。