責任式戀愛

早排我在 “回應陶傑論港女” 中提到有些港女一旦把男方列為男友，可能判若兩人，6月23日明報阿寬專欄 “責任式戀愛” 就剛巧有詳細講解。

田舍家

看雜誌知道呢間東京的著名爐端燒，剛開了在ICC 100樓，6月18晚與朋友往試吓。
簡單的說好好好貴，唔係唔好食，但食包裝、造show多過食物。我好少寫食物價錢，呢次真係唔寫唔得。
This dinner costed an arm and a leg !

蠔好好味

蝦剌身兩隻加大蠔一隻共1040，蝦頭煑湯加$75。

燒露笋 $90，好味

2燒蝦加一串燒鷄 $900 (蝦太一般)

帶子兩隻 $370, 味 ok

喜知次 $1100, 好味但千幾蚊幾啖魚肉！

清酒 $690 一枝

回應陶傑論港女

前日陶傑在蘋果專欄論港女，呢個老到掉甩牙的話題，又被廣泛討論。

陶傑話 “大陸的女人的強項，都是港女之盲點：嬌嗲、溫軟、體貼”，我覺得港女非常刻意唔嬌嗲、唔溫軟，早排張堅庭在 U Magazine 的專欄(大意) 話：剛坐過星航，便感到 星航空姐態度宜人，國泰空姐總有一種 "我唔係賓妹的氣勢”。我完全同意。
至於體貼，說句公道話，我見過唔少在社交層面能體貼人的女士，但唔知一旦佢把你接受為男友後，係咪判若兩人，甚至好似前世欠咗佢咁。

大陸人讀英文字母 N 確係發音成普通話的 “嗯”，CNN 變成 “西嗯嗯”，我真係聽好多，陶傑我真係服咗你！


港　女

2011年06月14日
港女的困局，讀商科，說話夾雜英語，只有飲食和選擇彩繪指甲等美容志趣，別無其他修養；對人生並無看法，於霆鋒和栢芝的傳聞卻隨時可以三個女仔開一個論壇，這一切，都會令男性，特別是鬼仔，敬而遠之。
在公眾場所，言必喧噪忘形，以為這就是「真情流露」，餐桌上那個 Gag，智者都覺得不好笑，港女必囂笑歡譁，一面雙手拍着桌面，以為這就是色慾都市片集裏的都會風情。不，女人天生是要注意一點儀態風情的，無論港男如何麻甩，你不可以與他們一起淪落。
港女之魅力不足，因為自以為剛朗，卻不是茱迪科士打；自以為癲喪，卻不是珍妮花安妮斯頓。自以為放蕩，則又比不上狄美摩亞。美國電影銀幕上的女強人多姿多采，有姬白朗芝的柔嫵，茱利摩亞的滄桑，即使像梅麗史翠普般開到荼蘼，暮色空茫，舉手投足，顧指顰笑之間，都開成一樹金秋裏的花季。
偏偏大陸的女人的強項，都是港女之盲點：嬌嗲、溫軟、體貼，不錯，我們沒讀過工商管理，沒去過百老匯看歌劇，沒逛過四季酒店，沒在 IFC的平台歡樂時光喝過 Mocha看過煙靄中的維港日落。不錯，我們只看中央台春節晚會，都迷黃曉明，都做雞，額角上隱形墨水都寫着一個價，說英文，帶有普通話口音，像 CNN，我們都說「西嗯嗯」─不過，吹咩，從瑞典斯德哥爾摩銀行金髮碧眼的駐上海代表，到皇崗排隊等過關的貨櫃車司機，一五一十都送到我們的懷抱中來。
因為見山非山，見水非水，做一個擁有 MBA學位和半打 Hermè s手袋又開過國際視像會議的中環女人，不如做一個赤裸的女人。
你以三十四歲能坐進 IFC四十七樓全海景的一個辦公室為傲？她什麼也不求，只要一張香格里拉酒店裏的雙人床。港女受到誤導，在虛幻的夢境足繞了一大圈，年薪二百萬，但仍獨身，辦公桌上有你與吳儀大姐的合照？但出外公幹，北京威斯汀的商務套房裏，你仍是一個人，隔壁傳來一朵湖南小花的嬌喘：啊，啊……別那麼用力嘛，人家疼……此時，你呷一杯摩卡，面對長安街的車龍，心中浮起一絲無邊的悽哀。

Roux at Landau, London

6月3日晚到呢間Roux At Landau法國餐廳吃晚餐，餐廳裝修和setting屬於高級法國菜餐廳。
佢地晚餐有 a la carte 和 Theatre Dinner Menu，我叫menu。
頭盤叫燒八爪魚，八爪魚味淡，下面放兩舊咸香腸。主菜叫燒鷄，肉夠味但很老和乾，呢D老鷄只宜用嚟煲湯。
Dessert 我叫了 Banana and Chestnut Gateaux配雪糕， 幾好味。

英航體驗

新工忙到死，呢個blog 断畫2個月。
由於下周到 Stockholm 開会，先到倫敦Hea 兩日。英航的Business Class 比国泰平7千幾，所以今次全程坐BA，唉！
經travel agent 訂咗票，以為business class 可以預先book 定個好位，點知唔得。出咗飛後到BA website 查吓，原來香港 - 倫敦，每程要比多7百幾蚊才可在 website reserve 定位！
昨晚到机場以為可以試吓BA 個lounge 有セ正嘢，原來BA 是用Qantas個 lounge，雖然唔似國泰D lounge 咁人山人海，但食物相當粗疏。
上了机又有大發現，呢兩年國泰business class D 魚骨位俾人彈，見到BA D位窄成咁，國泰似乎唔差咯。BA 個位係可以拉平成一張窄窄的牀。

最唔明係個位有個插蘇頭，但不能用香港和英国果種3腳插頭，問服務員有無adapter 可以借用，佢話無得借但有得賣！
“服務” 水平是已經 expected 架喇。
英航？以後都係咪攪我囉！