男生愛女生什麼？

Upper Modern Bistro

呢間在上環差館上街的法國小餐館，開業不久便拿了米芝蓮一星，今午才找到機會和朋友去食 Brunch，果然好得，滿意度由打電話去訂位開始。

佢地呢幾日有 Christmas Brunch，是一份一份像 tasting menu的，平時也有 Sunday Brunch，480元一位包一杯香檳。六、七道頭盤食齊，另可有五種主菜可揀。唔食 brunch 套餐也有 a la carte。

頭盤主要是海鮮，最得係生蠔用豉油調的汁，也有 foie gras 做的 creme bulee，有一件用 game 肉醬做的 terrine，非常濃味而唔腥或騷。每樣食物的伴碟都好有心思，好夾味道。最後的頭盤是炒青口，有好杰的牛油汁，都好食。

主菜我地都係叫 63o Egg，半熟蛋上面一片黑松露，傍邊好多塊 parma ham，好睇又好食，最特別係菜下面有D煑林咗的中式冬菇，好味。

甜品每人可從甜品盤中揀三種，又全部好睇好食。D甜品都唔會滯。

總結，好耐無食過咁滿意的 brunch， the Principal 只以量小勝，但貴 D。此店服務又極好，一定要嚟食下晚餐。

2014第4季香港食店評級

推薦名單，食物和服務令人開心，好想再去的：
The Principal
鮨辰
Tate
壽司角
Serge et Le Phoque
Epure
樂日本料理
22 Ships

好味底食、長期水準穩定名單：
彭慶記（順德小菜）
增煇藝廚（樣樣好食）
私房蔡（煲仔飯、小菜）
上環永合隆（煲仔飯）
French Window
おしやへい 居酒屋
甘牌燒鵝 (燒鵝)
Petite Oyster (fresh oyster)


正面觀察名單：
留家廚房
權八
吉利
8日
le port parfume
牛記茶室新店
吟彩
美食俱樂部吉田
Hayashi
酉玉

剔出推薦名單
粥麪館


P.S. Uno Duo Trio 搬咗，唔知新店得唔得。

酉玉

12月13日，與朋友去呢間位於忌連拿利，新開不久的串燒店吃晚餐，佢地係日本著名鳥燒店在香港的分店，標榜使用本地鮮鷄，專門於鷄的各內贜及鷄尾，鷄冠都有！

我們叫了10多種串燒，大部份好食，醬汁也ok。

尤其第一次食焼鷄尾，唔講的話，從那串又肥又脆的外觀，不會知是鷄尾，不是我們一般見的成個鷄尾型狀。

反而果串A5牛肉並不好吃。

最特別係其中一個師傅，是年青鬼佬，聽口音是美國人，但日文頗掂，可以用日文同日本客人搆通。另一師傅是上了年紀的日本人，大慨兩人都是總店派來港作開慌牛。

Soya Sauce Ice Cream

總結，唔算貴，可以再多去。

大埔群記清湯腩

今日趁放假，專登入大埔試下呢間著名清湯腩。該店下午一點開，我12點35分到，已經有約十人排隊，到12點45分便放人入去。著個客寫單，第一個客碗嘢真係一點左右上桌。

早己在 openrice 等看了他們的食物和各種規矩。我叫了一碗牛面珠米粉（$35）和一碗淨爽腩（$95）。

先來牛面珠米粉，面珠肉好淋，但畧為有D騷。

跟著來淨爽腩，是細碗的，大慨十舊肉，約有五舊是牛爽腩，果然名不虛傳，肉帶著一層肥膏、一層爽的筋，非常好味、滑，比中環九記好 N 倍。

在等食的時候，觀察伙記和食客，全部那口那面，坐我旁邊的亞蟬叫腩米後馬上改口話腩河，被伙記噴！或者今日幾個伙記剛俾老細炳完，定日日都係咁？客人是來乞食嗎？門外又人龍不斷。

總結，牛爽腩真係得，但95蚊碗，加上可能很長的排隊等候的時間值，真係貴到離譜，加上規矩多多，同好多小而出名的食店一樣待客如乞兒，以後咪攪我咯。

22 Ships

12月6日差不多一點鐘，到呢間位於船街的著名 Tapas店吃午餐，唔使等位。

我一個人坐吧枱，點了三款食品和兩杯西班牙紅酒。


先來鮮帶子，伴了微微甜酸的汁，伴以蘿蔔粒，幾好味和開胃。

跟住係燒菇伴蒜容汁，菇無乜味，但汁極好味。

第三樣係燒紅蝦，蝦肉係幾嫩。

總結，名不虛傳，服務也很好，埋單未加一也近五百。仲有很多東西，一於要再去試。

美食俱樂部吉田

11月22日與朋友到中環新開的美食俱樂部吉田吃晚餐，呢間日本料理前身是著名壽司店，由大廚吉田接手，主打以日本各地時令食材造懷石料理，他們除了時令套餐，也有 a la carte ，有其他客人叫魚生，看來都是高級貨。

雖然最近在各報紙、雜誌落哂稿介紹，但周六晚的客人聊聊可數。

我們都叫時令套餐，今個月的主打食材來自櫪木縣。主廚很積極地介紹櫪木縣和當地食物。

第一碟有三道菜，左起是時令野菜、蓮藕片、白木耳芝麻醤。全部好味，蓮藕片好脆兼有D蕃茄味，正。

跟著一是煑菇和腐皮卷，腐皮卷銀夠腐肉味，軟滑而不容易夾碎，主廚話係櫪木縣直送，反而兩種菇無乜菇味。

刺身兩種，普普通通，最特別係大廚開了一樽日光出產的豉油，好鮮味。佢仲話可以此豉油加雪糕食，我地以為講笑，佢攞咗每人一小杯雲呢嗱雪糕來，讓我地加幾滴豉油，果然神奇，雪糕變了 Caramel 味！

之後係在蟹蓋內加入蟹肉蟹膏來碳燒，蟹膏燒完太深色，但仍好味。

跟著蒸野菜、和牛，用個有隔層的碗，最底格層放口水，上格放小芋頭、南瓜、紅菜頭等，最上面兩薄片的和牛。上桌時碗蓋上的洞口仍在出蒸氣，幾得意，也好味。

主菜法國鵪𪂹鹽燒，一舊肉是鹽燒，皮脆而肉很香口，另一件是炸的鵪𪂹腿，也好味。

主食是那須米煑的白飯、配櫪木縣餃子醬，個醬好似有D肉碎在油中，幾特別咸咸地但唔酸唔辣。另外一碗是柚子拉麵，也是櫪木縣特式，好食到不得了，要知當時我已經好飽。

甜品是士多啤梨雪芭和芝士蛋糕。

總結，非常好食，好心機煑好食材，套餐收1000蚊一位，我認為底食。必會再來。

Hotel Icon 天外天

9月21日晩，與朋友參加酒舖Ataya和尖東Hotel Icon天外天中菜廳合辦的 wine dinner。

天外天在酒店頂樓，當晚 wine dinner 在最角落的廳房，三面大玻璃窗，很靚的夜景。可惜餸菜麻麻。

酒舖請了 Chabis 酒庒主理人和紅酒 Chateau Canon 及Chateau Rauzan-Segla的代表講解。我去過 Chateau Canon 參觀，印象極好，特別有親切感。可惜三枱客人中，大部份在人家講嘢時仍只顧大聲聊天。

頭三味分別是配三個級數的 Chabis 白酒，第三杯最高級的Grand Cru 田出產的2006年反而不怎樣好。前兩杯可以配海鮮、生蠔、各種煑法的白肉。Chabis 一向是很穩陣的選擇。

頭盤四小件，只有帶子好吃，個小籠包竟然有D叔味！

第二味是泰式魚露炒蝦球，加綠胡椒粒，味太濃，個口充滿辣味點 enjoy wine tasting?

第三味焗釀嚮螺，釀的東西是葡汁而太多咖哩，沒有吃到任何螺肉味道。劣。

第四道菜黑豚肉炒膶腸，但碟內只有臘腸數小塊，無膶腸。餸 Chateau Canon 2005紅酒，酒就無得頂，畧為 breathe 得唔夠。

第五道菜煎鱸魚，魚雪到無哂味，只靠豉汁加味。配Chateau Rauzan-Segla 1996，唔夠 Chateau Canon香。

第六道菜係南非鮑扣鵝掌，鮑夠林但無鮑魚味，鵝掌夠林幾好。配Chateau Rauzan-Segla 1989，酒就極好，有果香味而入口覺得甘甘地。

單尾上湯粉果和雪糕都 ok。

總結，酒都不錯，食物不佳，而且在廚房分好一份份，上桌時已經不夠熱，中菜大忌。酒和食物都不配。

le Relais de l’Entrecôte

11月15日與朋友往法國牛扒名店le “Relais de l’Entrecôte，佢地著名燒牛扒，獨沽一味牛扒套餐。裝修也是很典型的法國小餐館。

先來合桃沙律，個醬汁有小小芥辣，好開胃。個牛扒主菜，我地都係要 medium，牛肉真係幾林而無渣，但個著名醬汁真係唔啱我口味，薯條就好香好味。

甜品有好多選擇，我就叫 cream burlee，可惜是凍的，不是剛用火熗燒成糖脆皮。

總結，麻麻地啱我口味，勝在貨真價實，個法國侍應頭和 bartender都很好禮貌、友善。