京都十二段家

呢幾晚行過祇園花見小路，見到呢家「十二段家」好多人排隊，於是我在4月22日，回港前去吃午餐。
我在早上九點半 check out，坐地鐵到四条河原町和錦市場行下，然十一點左右去到此店門口，他們十一點半才開，我便排第一，門口有櫈俾最前等位的人坐下。

他們都是套餐，不是大魚大肉果種，千幾二干円起。

我一場嚟到，便叫個 Sukiyaki 餐。

牛肉都幾好。

京都割烹いいもり

已經唔記得在那裡看到介紹呢間會席料理，記下要試試。

4月21日往吃晚餐，個地方好難搵，開著 Google Map 和Apple Map 都在附近陀陀令，剛好有個年青警察哥哥巡過，正好找他幫助，佢也要向附近店舖詢問才可找到正確地點

 

 

 

 

店內也是簡單的吧台，有五個座位，店主指示我坐一邊，另一端set 咗三個位，但我食完走都沒有其他客人出現，即是當晚只有我一個客！

 

 

每道菜都由店主奉上，可惜佢真係唔識英文。第一道是蒸蛋，內有魚仔，上面放D海膽，幾好。

 

之後第二道有兩樣嘢，魷魚仔伴咸的芝麻醬，鮑魚仔一舊，好爽、彈牙

 

第三道是大蜆湯，內有筍、芝麻豆腐，好好食。

 

跟著係刺身，左起醃過的魷魚仔、墨魚片、兩種魚伴一塊炸魚皮，最右面係魚仔壽司。普普通通。

 

跟著係煑魚，有D腥，一般。

 

跟著係煑物，一舊看似薯仔，其實係帶子，一般。

 

最後係鰻魚煲飯，也是一般。

 

 

 

 

總結：食物沒有特別驚喜，但很適宜佐酒。

 

京都琢磨

這是一間以前行過花見小路白川，發現幾似樣的料理店，之後去食過晚餐，相當不錯。

今次2月21日再來吃午餐。佢地午市套餐有兩種，我點較貴的五千円套餐，其他客人也是。所有客人都是坐吧台前，大慨十幾個位，三、四過師傅在桌後工作。坐近窗的客人還可以一邊吃一邊欣賞白川景色，櫻花盛開時一定好正。

 他們的會席料理，好多個餸都用碗，材料都先準備好，由師傅加工，擺靚，然後上桌。

 午餐都各道菜式都好食，飯是用沙煲煲的，我覺得飯比三星的吉泉好吃。

京都先斗町居酒屋「山とみ」，「ここら屋」

4月19日星期日和4月20日星期一，兩晚都去先斗町吃晚餐，呢條小街大大小小各式各樣的食店幾十間，豐儉由人。

星期日晚到老式居酒屋「山とみ」，食物只是一般。

 

星期一晩，到「ここら屋先斗町」，這是一家連鎖居酒屋，我以前在先斗町搵食，経過時覺得好好氣氛，就咁入去，食品確不錯。今次再來，佢地裝修過，有一長吧台，展示是日特式食物。我就坐小桌，應該話坐蓆。

 

 

食物也如以往，很多是時令食材，寫明某處某地的煑法。

 

 

我點的食品都如我想像，好吃，我食到好飽好飽，好滿意。

京都東寺市集

 京城駅附近的東寺，每月的21號都有市集，以前是古董為主，依家乜都有，很多塗瓷，小飾物，衣服等。

也有濕貨，有長者拖買餸車仔來買餸。有幾檔熟食，都不吸引。

京都串くら

4月20日，早上不段下雨，不宜行寺廟等戶外活動，只好在床上Hea 下，兼番閲資料，計劃午餐。等到10點鐘到 Tokyu Hands 行下。

之後到烏丸御池附近的「串くら」食串燒午餐。呢間舖所在的房子據說有百多年歷史。

 佢地午餐時間有每日午市套餐，也有散叫和特式套餐。我叫了六串的套餐。

我坐吧台，見廚師不段燒，並有助手在旁用另一爐把碳燒紅，不時可以加碳。

 最先的燒鶏肉一般，鷄肉棒超級好，其他的都極好。汁少少，不是一味咸、甜和杰。

 

 

 

 燒鷄似係用爐 "hon"、不是炭燒，好得。

 

 呢餐吃得很滿意。