樂日本料理

上周四與同事往 Bigfoot Centre 的「樂」吃午餐，此店開業已十個月，主打「廚師發辦」omakase 魚生壽司晚餐套餐，午餐除了 omakase 也有多種套餐，魚生和壽司也要300多元一位。

先來兩款前菜，沙律好，另一砵伴多種魚生粒就非常好。

我和一位同事叫壽司餐，第一盤六件，第二盤三件壽司加二蛋卷和拖羅手卷，質和量都頂好，都係果句一分錢一分貨。最記得有幾件入面有柚子汁味。

另一同事叫刺身餐，有六款，包括生蠔，都係靚嘢。

跟餐還有蜆湯和敦蛋，都唔係一盤午餐貨色咁隨便。

甜品可揀海盐雪糕或提子雪糕，我揀海鹽雪糕，係雲呢拿加鹽，幾得意。

總結，食物和服務都好得，但不便宜。

牛• 上牛

呢間主打牛肉各部位的火鍋私房菜，在天后清風街開咗十個月都未有機會試過，3月21日約了朋友共5人去食。

佢地只賣套餐，有三款牛肉造的頭盤，火鍋的牛肉 n 種，都是主理人每日從相熟肉店攞的大陸鮮牛。

在等人的時候，先來了一小碟涼伴龍泵呴，幾爽幾好食。

先來一碟兩款頭盤，左面是豆腐牛面羹，右面是牛肉腐皮卷，普普通通。

跟著是牛柳心刺身，有小小似霜降牛肉的外觀，薄切，肉上面已經有小小調味汁，加洋蔥絲，好好食。但肉身仍有小小未熔的雪。

跟著就係各種牛肉部位，大部份不常見，全部好食，份量也不少。我覺得最特別係牛利托，爽而無一般牛舌的肥和騷味。D湯是沒有味精的，除了肉，仲有菜、菇木耳、䔁米等。

之後上三種餃，兩種自家制牛丸，全部超級好食。

甜品有兩款可選，我揀布甸。

總結，非常滿意的一餐，每位580元，我認為超值，即刻加入推薦名單。

國力

MIC Kitchen

3月15日，與朋友到呢間廚魔分店吃晚餐，該店在觀塘巧明街AIA大廈的地舖，店不大。主打中西 fusion 分子料理，已經有米芝連一星，廚魔本店 Bo Innovation 最近就攞到三星，據說兩店的菜式不同。

佢地晚上供應 tasting menu 和 chef menu 各一，也有 a la carte，我地當然要試下個tasting menu，每位$850 , wine pairing 加$450。

第一道前菜叫 Oyster 冬蔭功，上面一粒粒珠珠是冬蔭功味的汁造的啫哩，有小小酸辣，𣎴是我習慣的冬蔭功味，綠色的醬唔記得係乜，最下面係蘇格蘭生蠔，非常夠鮮味、爽口。

第二道前菜叫 Tomato ，三件小點，左起蕃茄味棉花糖，非常有想頭的一樣食物，入面有D油狀的汁，好好味。中間是小蕃茄，唔覺有乜特別。右面是蕃茄糕，口感好。

第三道前菜叫臘味飯！用小煲仔上，打開煲蓋真係聞到臘腸氣味，內裏一球係帶小小鵝肝做的 mousse，上面沈咗D脆的粒，D臘味味好似係從呢D粒粒來，得意但難說好食。

跟著是牛肉湯，先拿來湯碗，碗內放了一粒和牛肉造的雲吞、一件牛筋、一舊蘿蔔，伙記從茶壺將湯倒入碗內，湯有好濃牛腩味，湯和幾件配料都好好味。

跟著係咖哩蟹，上面是用咖哩汁和蟹肉做的漿，下面是蟹肉和蛋白，唔識形容。其實想做賽螃蟹的 feel，不應加咖哩。

跟著係一小杯 cocktail 作為清口之用。

跟著係第一道主菜，焗鱈魚，沒有煑過籠，上面淋咗麵豉汁做的醬，再放一塊炸紫菜，伴碟係一舊芥蘭糕，用芥蘭汁做的糕似蘿蔔糕咁造法、畧為煎香非常好食。

第二道主菜係燒羊架，幾好食，上桌時聞到有DD中式燘羊腩的氣味，肉質係上等嫩羊肉。朋友唔食羊改做 slow cooked pigeon，我試咗一舊，好嫩滑。

甜品係三種用椰汁做的啫哩、波子和雪糕，都好好食。

總結，有D心思的創作料理，有一半餸好食、另一半唔啱我，服務唔錯，但 wine pairing 的選酒極差，唔係太酸就太甜。

Serge et Le Phoque

昨晚和朋友到灣仔街市旁的Serge et Le Phoque 吃晚餐。我之前曾來過吃兩次午餐，好睇又好食。

我們叫一個兩人的 tasting menu set ，頭盤可以五揀一，主菜是牛肉或羊肉 share，我們選牛肉。之後係芝士，甜品也是五揀一。

先來 amuse bouche ，是一隻法國蠔，伴好味的汁和有D似脆餅的物事。

我叫的頭盤是一種魚生，切成小塊伴以青檸汁，汁太酸，但上面的芫茜和香草卻很夾味道。

朋友叫的煎帶子就煎得好香，上面有某種日本植物的根的炸物。

再來一件amuse bouche，是燒八爪魚，好香口但食唔到八爪魚味。

主菜我地叫牛肉，個餐牌說有一公斤。侍應先捧出一大塊燒好的牛排，我以為侍應攞番入去幫我地切每人一半，點知上桌只有每人一吋濶五吋長的燒牛肉，我以為只吃最好的一小塊，其他掉咗。切一口來吃，好味到䉑倫，尤其果個汁，好香小小甜，肉仲係juicy，唯可惜我果舊有D筋，比難麻煩。

食完收碟後，侍應再捧上另一塊燒牛肉，原來仲有。今次上面淋咗蒜容汁，加了一小片醃咸酸的 achiovy 魚，幾能開胃，呢味也好吃。

跟住再來是牛肉清湯，內放一小塊燒牛肉，有D油但好好味。原來一公斤牛肉是做三味，仲切埋D邊角肉和骨出嚟俾埋我地食。

跟住係三款芝士，都是咸香的 cow milk cheese，不騷的。

甜品我揀朱古力餅，畧為甜少少。

總結，一如期望咁好食，服務良好，只是餐酒都偏貴。我把此店列入推薦名單。

最近的新書

最近在倫敦買的新書中，較特別的有:

海明威的 A Movable Feast 復刻版。

Quiet  - 是講內向的人的優點，為 introverts 平反。

The examines life 是心理醫生從病人的內心世界故事，講解如何去愛和尋找自己。

How much is enough 講如何在金錢世界滿足。

A late dinner 是講西班牙飲食文化。

ZAGAT London Restaurant 2014。