Shakespear in Italy

上回去意大利的國泰航機上看了一集 BBC 拍的documentory Shakespear in Italy，很有趣，唔睇唔覺，原來莎士比亞的劇作，很多以意大利為發生場境，為人熟悉的 Romeno & Juliet, Julius Casear, Otello等等。

節目主持人 Franesco Da Mosto 是威尼斯人，佢以前也有替BBC拍了一套地中海 docuemntary。這次從威尼斯、羅馬以致西西里，尋找跟劇作內容有關的資料，正史說莎士比亞從來沒有到過意大利，但其故事對意大利的一切很熟悉，西西里有個小鎮還很認真地認定莎士比亞是西西里人。

主持人講莎翁本人的愛情哲學係： 找個有銭女人，攞哂佢D錢，令佢服從等等！並不是羅蜜歐式的情聖。

節目內並請了幾位莎劇演員作訪談，好好睇。還有一段是一位女歌唱家在威尼斯的小廣場唱奧塞羅的一段，當然是咪咀的。

返來馬上上BBC網站購買DVD共2集，慢慢欣賞。

北京古老海Mare西班牙餐廳

出差到北京前查下外國網頁和 Timeout ，睇下鬼佬有乜西餐廳好介紹，見呢間 Mare 大好評，所以今晩去試下。

內部裝修簡單，服務員招呼不錯，而且對餐單內食物能解釋是什麼煑法。餐單有約30種 Tapas, 另有頭盤、主菜各10種、8種。

我點一個starter和 2 Tapas

先來 Warm Squid Salad，是 starter，上桌就給我驚喜，魷魚切窄條狀炒熟，一條條堆砌成餅狀，又似個鳥巢，可知有幾多魷魚！鳥巢上面仲舖雜菜和蝦，淋上橄榄油和一種香草醬汁，好睇又好味，72人記。

然後來 Tapas 的 Homemade Foie Gras 和蘋果粒醬，件鵝肝有D肝味又滑而不膩，幾好。78人仔算底食。

之後是Tapas 燒鷄串，一客兩串，有鷄肉、菇、洋蔥、紅椒，燒得香，上面沈了蔥花和橄榄油，有點太油。48人記一客咋！

總結：好食兼唔算貴的新發現，一定再幫趁。

美中不足：三個菜幾乎同時上桌，唔知食得邊個先。

Fofo by el Willy

4月20日，與朋友到中環的Fofo by el Willy吃晚餐。這間西班牙餐廳，已經開了幾年，較近年遍地開花的西班牙餐廳早來香港，我以前去過同系的上海店(果次只叫黑毛豬火腿），香港呢間仲未嚟過。

室內裝修清雅，坐於近窗的餐桌則較暗，開於商業大廈內，樓底低，坐滿客人便很嘈雜。

先來Slow cooked octopus 沙律，上面舖咗D火腿，普普通通。

我叫鵝肝做的pate ，無味！吃後只覺好膩。朋友的小片煎鵝肝，也沒有肝味，還好下面有D撈咗白松露汁的薯粒。

跟著係燒乳豬，唔知正唔正宗，皮脆但唔係深色或紅色，這味算ok。

跟著係燒黑毛豬的豬頸肉，一片片肉燒得乾而無味，淋上大量燒醬汁，呢道菜太差！

總結：很失望，唔知正宗西班牙菜係咪咁樣，仰或我地唔識叫。新版西班牙菜的 Principal 和 BCN 好吃很多。

隱泉

4月18日與朋友往大坑的隱泉吃串燒，其實主要係飲咗早前買的一枝 Champagne Rose ，用嚟送日式串燒應該幾夾。

訂位時佢地講明個半鐘就要還台，朋友又遲到廿分鐘，食到趕頭趕命。

 

我將此店跟和居和居比較，此店食物質量稍為低一D，平均也較和居和居稍便宜，座位則較為好少少。

近期新書

鮨辰日本料理 Sushi Shin

4月4日約朋友去大坑鮨辰，食靚魚生，我常在門口經過，而未入去食過，朋友就食過很多次。假日中午都很滿，要分兩輪，香港人都係好舍得食。

我地叫廚師發辨，卒之食咗8種刺身，加燒帶子，5種壽司，全部好食，壽司中有D魚是醃過、有D皮炙過。

佐以我從意大利帶回的一瓶 Lambrusco 紅汽酒，正。

總結：高檔魚生壽司店，師傅都友善，食材優質，總體比中環穴藏好，而與尖沙咀鮨妙比較，食材功夫和氣氛都畧勝。

避風塘興記

外遊前已約定朋友，在3月30日晚到佐敦的避風塘興記吃海鮮。朋友以前去過，記得賴尿蝦好食，我未去過，只看過蘇絲黃強力推薦，也聽聞佢地出名串和招呼差。

我地訂六點，一定要人齊才可入座，我們準六點前到，剛開舖。入座時個位主理人姐姐已經話請我地七點三還枱。

我地叫三款小食：粉腸、魷魚仔、韮菜花。粉腸一般，魷魚仔係土魷，以蔴油涼伴，幾仔。韮菜花也很爽。

上湯浸蜆，份量算底食，蜆沒有沙，也無乜味。

一人一碗著名燒鸭河粉，鵝肉很夠味，但應該都係味精之功。

一人一隻椒鹽賴尿蝦，我地叫有膏的，上桌確有膏，D膏也不是西貢及一般海鮮店果種實而無味，火候也比西貢好，呢味果然幾得。

總結：可能預咗招呼差，便不覺差，食材和煑功不錯，可能長期煑果十樣嘢。呢餐兩人共吃了一千元，我覺得是賴尿蝦貴少少。