Oyster Station

在北京幾日忙到死，無啖好食，回港後昨晚到Oyster Station吃生蠔，這間在必列啫士街的小店，我己幫趁了起馬4、5年，勝在取價相宜、乾淨、品種多。這次有法鮮貝，我食完再encore。

食完，行落擺花行自動電梯旁的 Te 吃意粉，這家店的意粉淥得剛剛好、夠爽。我常去銅鑼灣Time Plus 商埸(即以前泉章居個鋪位)入邊果間Te食lunch，但最近TimePlus收檔，以後要食Te意粉要去中環呢間。
Oyster Station : 必列啫士街31号地下。Tel : 25490132

經勢大激撞

今早從上海飛來北京，在飛機上開始看這本 When Markets Collide 的中譯本，這本《經勢大激撞》真係譯得好差，果個譯者仲話係有本地名牌大學的翻譯及比較文學學位，唔知佢睇唔睇得明自已寫乜。
我的工作也常常要把文章中譯英、英譯中，及替人家的譯本較對，每遇到不清楚的地方我會儘力找原作者問清楚寫出原意而不是每字去譯。所以看到一些不知所謂的翻譯 (專業嘅添)就特別不滿。

都係去買英文原著睇。

渣打要向市場集資

今早坐9点的国泰飛機來上海，飛機只得一半滿，唉，兩、三個月前，星期一早上往上海的飛機真係半個空位都無嘅。
今日渣打要向市場集資，都算我無睇錯，該行在印度和中東的貸款都應有問題。美國政府就注資救Citibank，唔救又係大大鑊。

投資者週記 11月23日

今周曹仁超首次表示唔使睇得咁淡喇 :

樓市料明年下半年見底回升
受全球金融海嘯衝擊，香港地產股响今年跌幅超過45％，部分跌幅更超過75％；資產淨值折讓也超過50％（即未來本港樓價甚至再下跌30％，地產股現水平一樣有得守）。我老曹認為，香港中小型住宅（豪宅除外）抗跌力應較以往強，理由係：一、依家供樓利息便宜；二、新樓宇供應有限，估計跌市將喺明年第二季完成，明年下半年出現止跌回升機會極大；三、本港上市地產開發商過去幾年都冇加大收購土地嘅力度，手上可開發嘅土地儲備有限，冇一間需要賤價賣樓。2008年唔同1997年，當年香港炒樓風氣甚盛（中產階級一般揸住三個單位，一個自住、一個出租、一個用來炒）；2008年中產階級除自住外，擁有另一個單位作出租者已唔多。最近嘅炒風由去年10月開始，今年5月結束，前後只有八個月，以此計算，樓價低潮如非今年12月就係明年2、3月（如恒指喺10月27日見底，樓價低潮就喺12月；如恒指明年第二季見底，樓價低潮亦將喺明年第二季）。
去年11月我老曹曾警告——勿睇得太好，今年11月我老曹再警告──勿睇得太淡。一般所謂專家，家吓十個之中已有九個睇淡，一如去年10月通街都係股神。今天連美國正牌股神畢非德亦被人down-grade！

Books for this winter

金融瘟疫中，我大手買入一批書，有金融投資、有身體護理，伴我渡過這個嚴冬。

Recession Is Coming To Town

今曰同事轉來聖誕歌，今晚回家路上偶然聽到商業一台左右大局播出真人唱出版，但到商台網站聽左右大局節目重温 (應該係6.50 – 7.00pm 之間) ，又無噃 。

You'd better watch out
You'd better not cry
You'd better keep cash
I'm telling you why:
Recession is coming to town.

It's hitting you once,
It's hitting you twice
It doesn't care if you've been careful and wise
Recession is coming to town

It's worthless if you've got shares
It's worthless if you've got bonds
It's safe when you've got cash in hand
So keep cash for goodness sake, HEY

You'd better watch out
You'd better not cry
You'd better keep cash
I'm telling you why:
Recession is coming to town!

Finance products are confusing
Finance products are so vague
The banks make you bear the cost of risk So keep out for goodness sake,
OH

You'd better watch out
You'd better not cry
You'd better keep cash
I'm telling you why:
Recession is coming to town.

陳水扁 (二)

早幾日我說：反台獨的人其實要多謝陳水扁，若陳水扁上台後唔係咁不濟，台灣早就正式宣告成為台灣共和國了。
今日梁文道在AM730專欄詳細解釋陳水扁如何葬送了台獨。
我上一篇寫陳水扁，惹來一個惡毒粗言e-mail，我只能加倍罵中共來回敬。而有朋友說陳水扁好討厭好乞兒，咁我話係你未見識過大陸D乞兒官啫！

大裁員

裁員消息舖天蓋地而來，敝號上週也趁熱鬧宣佈全球裁員15%。最犀利係幾個全球主管級人馬先起身，以示由上至下絕不手軟，當然咁高主管級人馬，應該有超級無敵肥鷄餐食嘅。依家每個地區、部門計吓点樣交人頭。

投資者週記

(一)中信總公司買起中信泰富的澳元外滙Accumulator，榮智健唱：世上只有媽媽好…..

(二) 過去一週曹仁超有幾段精華


過去一年，分析事物最準確係Nouriel Roubini：一、佢响10月24日估計未來美國經濟衰退係L型。二、佢認為道指將由近日高位9600點再跌20-30％。三、佢認為2009年秋季美國經濟才見底。四、唔好投資商品、股票、物業，最吸引係日本政府債券，並建議响適當時刻放棄美元，改為持有歐羅。五、佢認為全球股市進入功能失調（dysfunctional）期。六、佢擔心情況較佢估計更壞（去年佢形容係金融列車出軌，即逐個車卡出事）。七、退休金損失30-50％，令退休人士大受困擾。八、經此一役，好多人從此唔再涉足投資，令大氣候改變。上述猜測會否應驗？唯有騎驢看書（走着瞧）。我老曹唔知股市何時見底。

================================================================
發達十法：
一、創立一間成功企業；
二、成為大企業CEO；
三、成為超級巨星如劉德華、張學友；
四、取得奧運金牌，如體操明星李寧、短跑冠軍劉翔；
五、嫁個有錢人；
六、成為知名藝術家如張大千……；
七、用別人錢從事投機行為（OPM）；
八、寫世界出名小說如《哈利波特》；
九、做房地產生意而懂得把握機會；
十、學會管錢，例如森池兄。今天唔少人先至發覺原來唔少投資銀行係唔識管錢，只知道分花紅；可惜大部分人响金融海嘯發生後才知道。

=======================================================

全世界都得咗「美國病」，不但國家欠債，連政府、企業及個人都欠債。例如冰島人平均欠債額已超過美國；南韓家庭負債率亦超過美國（韓國央行11月2日宣布，截至今年6月止，韓國家庭應償還年貸款利息達49.9萬億韓圜，佔可支配收入9.8％。韓聯社表示，韓國每戶家庭平均負債3960萬韓圜係歷史上最高）。戰後至今六十多年，全人類都學曉借錢買樓可致富，但日本人自1990年至今借錢買樓卻損失慘重；香港人1997年下半年借錢買樓者，到2003年年中亦好慘，最近五年先叫做透透氣，但今年下半年起本港樓價又再次出現較大幅度回落（今年上半年本港樓價除豪宅外，大部分樓價仍未見1997年上半年水平）。當人人相信一套理論之時，呢套理論往往出錯（群眾常常作出錯誤決定）。2006年後美國人亦開始後悔買樓；2007年後英國人亦開始後悔買樓；2008年起中國人亦加入後悔買樓行列。隨住戰後嬰兒步入退休潮，各國樓價一個接一個進入回落潮。

================================================================

過去投資銀行槓桿比率達到1比40，即每100元投資中只要出現2.5元損失，投資銀行便失去全部股東資金。2007至08年投資銀行點止每100元投資損失2.5元？紐約市長彭博估計，未來有十四萬金融從業員失業。工業亦唔見得好，10月份通用汽車銷售額下降45％、福特下降30％、日本本田汽車下降25％及豐田下降23％。

一日遊

上週日接待兩位外賓在香港一日遊，秋高氣爽最宜出遊。先於中環坐10点半船到南丫島榕樹灣，慢慢行去索罟灣。途中經過洪聖爺灣，兩老外對在島上豎立海那座不知什麼大工廠，大感奇怪。到了索罟灣梗係到天虹食海鮮，三個人叫了十両白卓蝦、一隻蒸羔蟹、一碟椒鹽鮮魷、一碟菜、一碟炒飯、數枝大啤，埋單才HKD700。
餐後坐船回中環轉車往赤柱，讓佢地shopping，然後坐在海旁新的小店外喝啤酒看日落，其中一位老外覺得這新建好的promenade 似曾相識，我們又在Murray House 外拍照。我突然覺得近年香港攪所謂保肓、活化，老是要把古老建築活化為食店商店，唔商業化就做唔到保肓、活化咩？
之後往銅鑼灣「豬組」食炸豬扒套餐，幾好食喎。

陳水扁

由媒體、評論以至Blogger，都打落水狗。請大家在繼續打落水狗之前，問吓自己對大陸的大小貪官污吏有沒有口誅筆伐過？何以厚此薄彼？
陳水扁(還有其家人)要面對法庭審判，大陸D貪官仲印印脚喎！你睇到陳水扁個無恥衰樣，因為台灣媒體沒有自律。陳水扁(還有其家人)要面對法庭審判，全因為台灣有民主，沒有人可以隻手遮天，果個叫邱渙的立委可以在陳水扁在任時揭其一家人貪污行為。
反台獨的人其實要多謝陳水扁，若陳水扁上台後唔係咁不濟，台灣早就正式宣告成為台灣共和國了。

湖舟

唔知點解我寫 “忙”字，手寫板總係出個 “吃”字，或者我做到思覺失調。
近十日忙到白泡都嘔乾，今日總算告一段落，今晚在公司清了部份積壓的e-mail，去湖舟食靚壽司自我安慰吓(即係自慰啦)。

金融海嘯套餐

餐前小食 :
勒緊褲頭過日子薑一碟

時令精品 :
真正扎實甘香和味足兩大閘蟹全體

精選菜式 :
經濟實惠吊鹽水
陸續有黎炒鮮魷
三聚氰氨炸鮮奶
孔雀石碌燉東菇
無底深潭苦瓜盅
酥皮迷你債券批
窩輪炒河（簡稱窩河）
乞米炒飯（簡稱乞米）

美點雙輝 :
炒濃期指餅
勁蝕千層糕

滋潤糖水 :
過眼雲煙白果水

合時水果 :
杏加橙

席設 :
金融大酒樓海嘯廳