竹壽司 海膽套餐

10月25日晚與朋友到銅鑼灣的竹壽司 ，吃時令海膽 Omakase 。

我地都係第一次來竹壽司，訂位時要吧台，入座後覺得好大陣魚腥味，改坐小枱。佢地魚生櫃內的魚又確多高級品種。

我地個餐先有三款前菜，第一味用酒杯，放入青瓜片，牡丹蝦肉，再放幾舊海膽，上面放D魚子醬。蝦肉爽但無乜味，海膽果然不錯。

跟住兩前菜一起上，小玻璃碗內是海膽和酸酸地的汁和啫哩狀東西。另一邊是帶子片，夾青瓜片，上面放海膽。

跟著是刺身三味。先來活海膽，我本來諗著是成隻生開嚟食，但我懷疑D個是否原個開出來的，個海膽殼入面是全乾爽乾淨的，塞咗D蘿蔔絲入去，上面放塊葉，放幾海膽。雖然有這疑問，海膽肉還是味濃好吃的。

之後是一件中拖羅，另一邊是三件白身魚卷著海膽，也不錯。

熱食先來蟹肉蒸蛋白，放點海膽。無味。

之後一件海膽天婦羅，用紫菜包住嚟炸，外層太硬，我以前食過是以紫菜包生一個雲吞去炸，入口入面海膽還是軟的漿狀。呢個差太遠。旁邊另一件是燒龍蝦肉查D海膽在上面，也是無味！

之後三色魚生飯，都ok。

甜品是清酒啫哩，都唔甜嘅！

總結，可以話失望，尤其重點的活海膽和海膽天婦羅。

Seasons

昨晚與朋友到最近的人氣店Seasons吃晚餐。

餐廳裝修簡單，枱擺得太密，一邊是open kitchen，可以看到大廚和若十個人在工作，還有一個烤爐在釣燒鷄。碰啱有一大台港女高談濶論大呼小叫，卒之大家都要大聲講嘢，嘈過旺角。

我地看餐牌不久，女侍應就走來直接一輪咀介紹食物，沒有問下需唔需要介紹。

我和朋友都叫6道菜的套餐。食物除了果個做到像溫泉蛋的湯（好睇唔好食），其他都幾好味。頭果幾道菜密密上，有D趕，唔似 fine dinning 也不是casual dinning。

像溫泉蛋的湯,好睇唔好食

侍應上菜介紹食物口齒不清兼環境嘈吵，我都聽唔到講乜。主菜可以選鴨胸或燒牛肉，我和朋友都叫燒牛肉，佢地竟然攪錯，俾咗鴨，還好佢地肯認錯換番，也好在牛肉幾好食。

到我地食完走，經過侍應時無人講聲多謝、再見等。

D嘢算好食，不便宜，但其服務和其客戶群水平，我應該唔會再幫趁。

東京帝國酒店

我應該住過不下五百間酒店，有多無少，東京也住過十多間酒店。卒之呢次旅程入住東京帝國酒店共四晩，可以說這間酒店超頂班。
由入住前用電郵請他們幫助訂餐廳，佢地的 guest service 很快就能confirm，check in 時有齊 booking 加地圖。

Check in 是一間酒店的重點，我行埋去，只拿出passort, 不用三分鐘兼碌埋卡，就攪掂上房。

房間和浴室很多空間，絶不焗促。傢俬和牀都很乾淨，只是木台和櫃的顏色和設計有D土。

浴室的花洒夠哂強力，浴缸「納納 ling」。

Wifi免費兼唔會斷或習下習下。

到我住了三晚check out 留下大喼，check out 時我同reception 講三日後會再來，她在電腦內找到我下個 booking 便跟 bell boy 說了，我 check out 完（也是不用三分鐘），我追住問bell boy 攞寄存行李收據，他說電腦裡已經紀錄了，你 check in 時便可攞出嚟。

三日後我再來，check in 時，我都未講完，佢地已經把大喼推出來在我後面！

佢地大堂有大量員工，主動向客人打招呼，看你有什麼需要。house keeping 也很 efficient 。

我第二次 check out ，叫 bell boy 來幫我拿兩件行李，我揹住個背包，入面有電腦，個 bell boy 話幫我攞，我話有電腦，我自己揹落去。我因為先 check out 去食牛飯，所以連個電腦袋和兩件行李一齊寄存，到我返來攞行李，個電腦袋上面穿咗過小心軽放的牌仔，佢地可以細心到咁，真係令人感動。

Location 方面，從酒店步行20分鐘（你咪意為好長，行去搭東京地鐵、行上行落、若兼要轉車，化的腳力一樣），就可以到銀座和日比谷火車橋附近大量食店，豐儉由人。像我check out 後在火車橋邊發現一座大廈，很多食店。我揀咗一間入內食午市套餐，1600円，即HKD100，質量都非常好，在香港銅鑼食咁嘅套餐起碼HKD300。

毫無疑問，我以後去東京，呢間酒店係首選。