唐唐政綱

大慨唐唐做咗特首，首要工作係推廣課外活動，民望一定升爆。

H One - Lyon Tasting

早排睇到報紙，H One 個廚去里昂向 Paul Bocuse 學習，返嚟做咗個4 個course 嘅 " Lyon Tasting Menu", 故約了朋友10 月21日晚去試吓。
打電話去訂位時的聽電話英語人相當 rude, 當日中午打電話來 confirm booking果 個也是，第一印象不佳。
我和朋友各點一款頭盤來 share ： 一個是蟹肉醬上加魚子，我不喜歡魚子，蟹肉 ok。
另一個頭盤是 home made ham terrine, 呢個就足料兼好味。
湯我們都是叫牛肉湯,有酥皮， 湯不太濃好飲。
主菜我們都叫一個 hot pot chicken，耍2位起，實際上沒有必要耍2位起，看上桌的份量並非要一煲同煮，上菜也不是成煲攞嚟，鸡肉無乜味，上面幾片 black truffle 就很香，個sauce 用牛油造，很利。
甜品是有2個choice ： 芝士或 surprise dessert, surprise dessert 係vanilla ice cream and brownie，平平無奇。
還好場內的 service 不錯，都是講香港話的。
呢個 menu 造 到11月尾。

Halloween

自從97之後，香港出現咗一個很爛的名詞，就係將 Hallowen 譯作 ：哈囉喂，唔知邊條粉腸諗出咁無文化的翻譯名詞，以前好地地譯做萬聖節，這是美國佬發明的節日，以扮鬼扮馬為樂。
以後為咗多招攬北方來客，復活節係咪改為"依士特"，聖誕節叫"奇事勿事"？
拜託各搵銀的攪手唔好再用 d 咁無文化嘅名。

大閘蟹

上週六，在舊同事家大吃大閘蟹，十人分享。先在九龍城肥仔號訂一籮中的，共29隻，每隻據說有五両，來源據說是太湖或陽澄湖，包送貨。
每人可以食3隻，都有膏。但這十幾年吃到的都越來越沒有大閘蟹果種特別肉味。

議會鬧劇

曾蔭權以為復建居屋爭番 d 民望，就在議事堂發爛渣，唔知佢班 spin doctors 點造，教佢講埋乜嘢黑社會，佢係立法會的貴賓，講 d 野失禮兼失身份，要教罰黃毓民也留番俾立法會主席吖。
佢自己話自己容易面黑，咁點能夠怪人地容易青筋暴現、惡形惡相、像黑社會？

評施政報告

曾蔭權的最後一份拖政報告（我無寫錯字係拖 ，拖得就拖），又係唔湯唔水、小恩小惠，復建居屋也留條尾巴，俾人彈係抽獎。佢又搶財政司 d 糖嚟派。
回歸咁多年來，政府都無法（或係無心無力）解決幾個問題，而且越來越弊：
(1) 社會無流動性，窮的一群停留在窮的圈圈，或越來越窮，依家話中產買唔到樓所以民望低，其實住屋是只配合的硬件，核心問題係社會有無機會讓低下階層脫貧，我唔相信全部啲人都係懒。
(2) 政府行政管治失效，目前仍是政務官心態處事，坐在 office 中 plan 、implement , 跟本同現實脫節，又無人才，由林瑞驎做政務司司長，蔭權末年呢幾個月政府肯定進入冬眠！

這真是 n 無政府： 無法、無人、無心、無力、無能、無情、無偈。窮得除咗錢就什麼都無。我地就無言、無奈。

Spoon

10月9日朋友請，在 intercontinental hotel 的 Spoon 吃 Brunch。
頭盤有多種火腿，smoked salmon, foie gras , 以菜做的terrine, 有一種以蟹肉做的醬很好食。
主菜可以有幾種選擇，朋友揀布根地式煮牛肉，牛肉是牛展幾文入味，我揀煎帶子，煎剛熟幾鮮味。
個 brunch 包香檳、白、紅酒任飲，白酒和紅酒都各有兩款新世界酒普通。 很多種芝士，這才醒起此店係 Alain Duccase 開的新派法國菜。
甜品就放在餐廳傍的小廚房中，幾得意，選擇雖然多但無乜特式。

日本遊總結

10月5日 整天下雨。
今天完全自由行，行街買嘢，食啲唔使定位嘅嘢。可惜整天下雨。
壽司清的套餐加咗價，以前2200円的12件壽司，依家2500円才10件！可能前晚的壽司匠太好，覺得壽司清差咗。
食完壽司往內市場看各種海產，很多種貝類，很大的貴妃旁，連波士頓龍蝦也只是1200円1隻！之後到壽司大門外睇吓排隊傻瓜，下雨仍有三十幾人擠在門外排隊，這次除了香港人還有一半似日本人。
我在外市場的水果檔買咗一抽巨峰提子，735円，回酒店吃，一咬是爆汁的也幾甜，正。


中午到新宿三丁目Tsunahachi 吃天婦羅，我近四五年差不多每次到東京都到這家店吃天婦羅，水準當然不及近藤但也算好吃而不用訂位，有時人多也不用等位超過15分鐘。
旁晚到神樂坂行吓，食鳥燒，見另文。


今年度日本遊結束，這次是地震後六個月，東京仍舊人山人海，地鐵和公共場所冷氣不夠、要省電，日圓越來越高，交通費尤其貴，坐一個站JR都要130yen ,坐幾個站就190yen。東京地鐵和都營地鐵的通用一日券1000 yen 。
今次本來想作狩巨峰提子一日遊，但果間有辨中文local tour 的，在我有空果兩日無團，而有當地日語團的Kato bus 公司，就話我唔識日語不會 enjoy 個trip，總之唔想做我生意，JR travel agent 有火車加巴士的一日遊，但一定要2人報名同行，真不明白何以不受單人行。
還好這次吃幾餐都很滿意。
今次也發覺日本餐廳的烏龍茶都係好好飲，番香港要去UNY 等找吓。
神樂坂真係好多好食餐館，也有一些手工品店、藥店等。香港的旅遊書很少介紹，我很推薦，
伊豆的溫泉去過幾次，都幾 enjoy，但我瞓tatami 很不舒服，pillow 又太軟，日日早晚餐都係金目錭，很聲。以後要去吓第喲溫泉區，所以今次在便利店買咗本東京附近溫泉介紹書。這次也買咗本東京美食書，可以作以後遊食參考。加上上次買的串燒書，我在日本買咗3本參考書喇，為下次日本遊作準備！

神樂坂 - 炉

10 月6日午前先check out, 然後去神樂坂行吓搵晏食
行到呢間叫炉乜乜的店，見門口的 set menu 有英文，看來不錯，便入去食晏。
我叫咗「大山雞石燒」 set ，係燒熱石頭锅底放大量芽菜，加一些菇，幾塊雞，熱剌刺送上，雞很有鳼味，芽菜又爽，湯也有很多雜菜，個set 才1000 yen ，真係底食。這頓合心意午餐，為此次日本遊畫上句號。
神樂坂3-5

神樂坂 鳥燒

10月5日晚到神樂坂的鳥吃串燒，這間店很小，吧台只司坐7人，後面大慨可以有3台客。
燒烤爐由一位嬸嬸負責，我叫了招牌地鸡、雞肉、雞皮、軟骨、砂肝、青椒，各一串，雞亦二串。都好好味，尤其砂肝滴咗雞油好香, 見牆上寫各種食物中，有燒乜乜乜茶漬，我叫咗一份，是雞肉一舊、飯團一舊和一pat 食咗唔知係乜的東西加湯，都ok，這種小店有特 色，埋單連一枝大啤才3010 yen。

地址: 神樂坂 4- 4